അഞ്ചലിൽ ഭീമൻ ചക്ക, തൂക്കത്തിലും വലിപ്പത്തിലും ഒന്നാമൻ

അ​ഞ്ച​ൽ: റെ​ക്കോ​ഡി​ട്ട്​ അ​ഞ്ച​ലി​ൽ ഭീ​മ​ൻ ച​ക്ക. ഇ​ട​മു​ള​യ്ക്ക​ൽ പ​ഞ്ചാ​യ​ത്തി​ലെ നെ​ടു​വി​ള പു​ത്ത​ൻ​വീ​ട്ടി​ൽ ജോ​ണി​ക്കു​ട്ടി​യു​ടെ (ബി​നോ​യി) വീ​ട്ടു​പു​ര​യി​ട​ത്തി​ലെ പ്ലാ​വി​ൽ വി​ള​ഞ്ഞ തേ​ൻ​വ​രി​ക്ക​ച്ച​ക്ക തൂ​ക്ക​ത്തി​ലും വ​ലി​പ്പ​ത്തി​ലും ​ഒ​ന്നാ​മ​നാ​യ​താ​യി വി​ല​യി​രു​ത്ത​പ്പെ​ടു​ന്നു. 51.5 കി​ലോ തൂ​ക്ക​വും 97 സെ.​മീ. വ​ലി​പ്പ​വു​മാ​ണ്​ ച​ക്ക​ക്കു​ള്ള​ത്. 2016ൽ ​പു​ണെ​യി​ലു​ണ്ടാ​യ 42.73 കി​ലോ തൂ​ക്ക​വും 57.15 സെ.​മീ വ​ലി​പ്പ​വു​മു​ള്ള ച​ക്ക​യാ​ണ് നി​ല​വി​ൽ ലോ​ക റെ​ക്കോ​ഡി​ലു​ള്ള​ത്. ഇ​ട​മു​ള​യ്ക്ക​ൽ കൃ​ഷി ഓ​ഫി​സി​ൽ വി​വ​ര​മ​റി​യി​ച്ച​തി​നെ​ത്തു​ട​ർ​ന്ന് അ​ധി​കൃ​ത​രെ​ത്തി പ​രി​ശോ​ധ​ന ന​ട​ത്തു​ക​യും സ​ഹാ​യ​വാ​ഗ്ദാ​ന​ങ്ങ​ൾ ന​ൽ​കു​ക​യും ചെ​യ്തു. ലിം​ക ബു​ക്ക് അ​ധി​കൃ​ത​രെ​യും ഗി​ന്ന​സ് ബു​ക്ക് അ​ധി​കൃ​ത​രെ​യും ജോ​ൺ​കു​ട്ടി ഇ-​മെ​യി​ലി​ലൂ​ടെ വി​വ​ര​മ​റി​യി​ച്ചു. കൃ​ഷി​മ​ന്ത്രി വി.​എ​സ്. സു​നി​ൽ​കു​മാ​ർ, എ​ൻ.​കെ. പ്രേ​മ​ച​ന്ദ്ര​ൻ എം.​പി എ​ന്നി​വ​ർ ജോ​ൺ​കു​ട്ടി​യെ ഫോ​ണി​ൽ വി​ളി​ച്ച് അ​ഭി​ന​ന്ദി​ച്ചു. വെ​ള്ളൂ​ർ ന്യൂ​സ് പ്രി​ൻ​റ് ഫാ​ക്ട​റി​യി​ലെ ജീ​വ​ന​ക്കാ​ര​നാ​ണ് ജോ​ൺ​കു​ട്ടി.