കരിയാത്ത പ്രതീക്ഷയിൽ കശുവണ്ടിക്കാലം....

ശ്രീ​ക​ണ്ഠ​പു​രം: പ​തി​വാ​യു​ള്ള വി​ള​നാ​ശ​വും വി​ല​ക്കു​റ​വു​മെ​ല്ലാം ക​രി​നി​ഴ​ൽ വീ​ഴ്ത്തി​യ ക​ർ​ഷ​ക സ്വ​പ്ന​ങ്ങ​ൾ​ക്ക് പ്ര​തീ​ക്ഷ​യു​ടെ പൂ​ക്ക​ളു​മാ​യി ക​ശു​വ​ണ്ടി​ക്കാ​ലം. ര​ണ്ടു​വ​ർ​ഷം ലോ​ക്ഡൗ​ണി​ൽ കു​ടു​ങ്ങി വി​ല്പ​ന പോ​ലും മു​ട​ങ്ങി​പ്പോ​യ​തി​ന്റെ സ​ങ്ക​ട​മ​ക​ലു​മെ​ന്ന ക​രു​ത​ലി​ലാ​ണ് ഇ​ത്ത​വ​ണ ക​ശു​വ​ണ്ടി ക​ർ​ഷ​ക​ർ. വി​ല​യു​ണ്ടാ​യി​ട്ടും വി​ള​വി​ല്ലാ​ത്ത​തി​ന്റെ​യും ഉ​ൽ​പാ​ദ​നം കൂ​ടി​യ​പ്പോ​ൾ വി​ല​യി​ടി​വു​ണ്ടാ​യ​തി​​ന്റെ​യും ദു​രി​ത​മ​നു​ഭ​വി​ച്ച ക​ശു​വ​ണ്ടി ക​ർ​ഷ​ക​ർ​ക്ക് നി​ല​വി​ലെ സീ​സ​ൺ ഏ​റെ പ്ര​തീ​ക്ഷ ന​ൽ​കു​ന്നു​ണ്ട്. തി​ങ്ക​ളാ​ഴ്ച ക​ശു​വ​ണ്ടി​ക്ക് കി​ലോ​ക്ക് 110 രൂ​പ​യാ​ണ് വി​ല ല​ഭി​ച്ച​ത്. ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ നി​ന്ന് കൊ​ല്ല​ത്തേ​ക്ക് ആ​ദ്യ ലോ​ഡ് ക​യ​റ്റി​യ​ത് ക​ഴി​ഞ്ഞ ദി​വ​സ​മാ​ണ്.

ക​ണ്ണൂ​ർ, കാ​സ​ർ​കോ​ട് ജി​ല്ല​ക​ളി​ലെ ക​ശു​വ​ണ്ടി​പ്പ​രി​പ്പി​ന് അ​ന്താ​രാ​ഷ്ട്ര മാ​ർ​ക്ക​റ്റു​ക​ളി​ല​ട​ക്കം വ​ൻ ഡി​മാ​ൻ​ഡാ​ണു​ള്ള​ത്. ഉ​ൽ​പാ​ദ​നം കൂ​ടു​ക​യും മെ​ച്ച​പ്പെ​ട്ട വി​ല ല​ഭി​ക്കു​ക​യും ചെ​യ്താ​ൽ ക​ർ​ഷ​ക​ർ​ക്ക് നേ​ട്ട​മാ​കും. റ​ബ​റും കു​രു​മു​ള​കും ഉ​ൾ​പ്പെ​ടെ ക​ർ​ഷ​ക പ്ര​തീ​ക്ഷ​ക്ക്​ മ​ങ്ങ​ലേ​ൽ​പി​ച്ച​തി​നാ​ൽ ക​ശു​വ​ണ്ടി ആ​ശ്വാ​സ​മേ​കു​മെ​ന്നാ​ണ് വി​ല​യി​രു​ത്ത​ൽ. അ​തു​കൊ​ണ്ടു​ത​ന്നെ വാ​യ്പ​യെ​ടു​ത്തും മ​റ്റും ഏ​ക്ക​ർ​ക​ണ​ക്കി​ന് ക​ശു​വ​ണ്ടി​ത്തോ​ട്ട​ങ്ങ​ൾ ഇ​ത്ത​വ​ണ​യും ക​ർ​ഷ​ക​ർ പാ​ട്ട​ത്തി​നെ​ടു​ത്തി​ട്ടു​ണ്ട്.

മു​ൻ​കാ​ല​ങ്ങ​ളി​ൽ ക​ശു​വ​ണ്ടി​യും ക​ർ​ഷ​ക​നെ കൈ​യൊ​ഴി​ഞ്ഞ സ്ഥി​തി​യാ​യ​തി​നാ​ൽ പാ​ട്ട​ത്തി​നെ​ടു​ത്ത​വ​ർ ക​ട​ബാ​ധ്യ​ത​യി​ലാ​യി​രു​ന്നു. 100 രൂ​പ ല​ഭി​ച്ചി​രു​ന്ന വ​ർ​ഷ​ങ്ങ​ളി​ൽ സീ​സ​ൺ പ​കു​തി​യാ​യ​പ്പോ​ൾ 90 മു​ത​ൽ 50 വ​രെ മാ​ത്ര​മാ​യി ക​ശു​വ​ണ്ടി വി​ല​യി​ടി​ഞ്ഞ അ​വ​സ്ഥ​യു​ണ്ടാ​യി​ട്ടു​ണ്ട്. ലോ​ക്ഡൗ​ൺ കാ​ല​ത്ത് ക​ട​ക​ൾ തു​റ​ക്കാ​ത്ത​തി​നാ​ൽ ആ​ഴ്ച​ക​ളോ​ളം ക​ശു​വ​ണ്ടി വീ​ടു​ക​ളി​ലും തോ​ട്ട​ങ്ങ​ളി​ലും കൂ​ട്ടി​യി​ടേ​ണ്ടി​വ​ന്നു. ഏ​റെ വൈ​കി സ​ഹ​ക​ര​ണ ബാ​ങ്കു​ക​ൾ മു​ഖേ​ന ക​ശു​വ​ണ്ടി സം​ഭ​ര​ണ​ത്തി​ന് സ​ർ​ക്കാ​ർ ത​യാ​റാ​യെ​ങ്കി​ലും നാ​മ​മാ​ത്ര വി​ല​യാ​ണ് ല​ഭ്യ​മാ​ക്കി​യ​ത്. പ​ല​പ്പോ​ഴും മൊ​ത്ത ക​ച്ച​വ​ട ലോ​ബി​യു​ടെ ക​ളി​ക​ളാ​ണ് വി​ല​യി​ടി​വ് ഉ​ണ്ടാ​ക്കു​ന്ന​ത്. ഗ​ൾ​ഫ് രാ​ജ്യ​ങ്ങ​ളി​ല​ട​ക്കം ഇ​വി​ടെ​നി​ന്നും ക​യ​റ്റി​യ​യ​ക്കു​ന്ന ക​ശു​വ​ണ്ടി​പ്പ​രി​പ്പി​ന് വ​ൻ തു​ക​യും ഏ​റെ ആ​വ​ശ്യ​ക്കാ​രു​മു​ണ്ടെ​ന്നി​രി​ക്കെ​യാ​ണ് ക​ർ​ഷ​ക​ർ​ക്ക് കു​റ​ഞ്ഞ വി​ല മാ​ത്രം ന​ൽ​കു​ന്ന​ത്.

50 ഗ്രാം ​ക​ശു​വ​ണ്ടി​പ്പ​രി​പ്പ് പാ​ക്ക​റ്റി​ലാ​ക്കി ഇ​വി​ടെ ക​ട​ക​ളി​ലെ​ത്തു​മ്പോ​ൾ 40 മു​ത​ൽ 60 രൂ​പ വ​രെ വി​ല​യീ​ടാ​ക്കു​ന്നു​ണ്ട്. ഒ​ന്നാം ത​രം ക​ശു​വ​ണ്ടി​പ്പ​രി​പ്പി​ന് കി​ലോ​ക്ക് 1000 രൂ​പ​യി​ല​ധി​ക​വും ര​ണ്ടാം ത​ര​ത്തി​ന് 820 രൂ​പ​യു​മാ​ണ് വി​ല. എ​ന്നാ​ൽ, ക​ർ​ഷ​ക​ൻ വി​ല്ക്കു​ന്ന ക​ശു​വ​ണ്ടി​ക്ക് ഒ​രു കി​ലോ​ക്ക് കി​ട്ടു​ന്ന​ത് നാ​മ​മാ​ത്ര തു​ക​യാ​ണ്.

വ​ർ​ഷ​ങ്ങ​ളാ​യി ക​ർ​ഷ​ക​ർ ആ​വ​ശ്യ​പ്പെ​ട്ടി​ട്ടും ക​ശു​വ​ണ്ടി​ക്ക് വി​ല​സ്ഥി​ര​ത​യി​ല്ലാ​ത്ത​തും സ​ർ​ക്കാ​ർ സം​ഭ​ര​ണ കേ​ന്ദ്ര​ങ്ങ​ൾ തു​ട​ങ്ങാ​ത്ത​തും സ്വ​കാ​ര്യ ക​ശു​വ​ണ്ടി ശേ​ഖ​ര​ണ ലോ​ബി​ക​ൾ​ക്ക് ഗു​ണ​ക​ര​മാ​വു​ക​യും ക​ർ​ഷ​ക​ർ​ക്ക് തി​രി​ച്ച​ടി​യാ​വു​ക​യും ചെ​യ്തു. കൊ​ല്ല​ത്തെ ക​ശു​വ​ണ്ടി ഫാ​ക്ട​റി​യി​ലേ​ക്ക് എ​ത്തേ​ണ്ടു​ന്ന ഗു​ണ​നി​ല​വാ​ര​മു​ള്ള ക​ശു​വ​ണ്ടി​പോ​ലും മ​റു​നാ​ട​ൻ ക​ച്ച​വ​ട സം​ഘ​ങ്ങ​ൾ സ്വ​ന്ത​മാ​ക്കു​ന്ന സ്ഥി​തി​യു​ണ്ട്.

കി.​ഗ്രാ​മി​ന് 150 രൂ​പ വ​രെ ക​ർ​ഷ​ക​ന് ല​ഭി​ച്ച കാ​ല​മു​ണ്ടാ​യി​രു​ന്നു. പി​ന്നീ​ട് വി​ല കു​റ​ഞ്ഞ സീ​സ​ണു​ക​ളാ​ണു​ണ്ടാ​യ​ത്. 180-200 വ​രെ​യെ​ങ്കി​ലും ഒ​രു കി​ലോ ക​ശു​വ​ണ്ടി​ക്ക് സീ​സ​ൺ തീ​രും​വ​രെ ല​ഭ്യ​മാ​ക്കാ​ൻ സ​ർ​ക്കാ​ർ ഇ​ട​പെ​ട്ടാ​ൽ ക​ർ​ഷ​ക​ദു​രി​ത​ങ്ങ​ൾ​ക്ക് ഒ​രു​പ​രി​ധി വ​രെ ശ​മ​ന​മാ​കു​മെ​ന്നാ​ണ് ക​രു​തു​ന്ന​ത്.

തോ​ട്ട​ങ്ങ​ളി​ൽ മി​ക​ച്ച രീ​തി​യി​ൽ പൂ​വും ക​ശു​വ​ണ്ടി​യും വി​രി​ഞ്ഞി​ട്ടു​ണ്ട്. കൂ​ടു​ത​ൽ വ​ന്നി​ട്ടി​ല്ലെ​ങ്കി​ലും മി​ക​ച്ച​യി​നം ക​ശു​വ​ണ്ടി​യാ​ണ് ആ​ദ്യം ല​ഭി​ച്ച​തെ​ന്ന് മ​ല​ഞ്ച​ര​ക്ക് വ്യാ​പാ​രി​ക​ൾ പ​റ​യു​ന്നു. കാ​ലാ​വ​സ്ഥ വ്യ​തി​യാ​ന​വും തേ​യി​ല​ക്കൊ​തു​ക് ശ​ല്യ​വും ഉ​ൾ​പ്പെ​ടെ ബാ​ധി​ച്ചി​ല്ലെ​ങ്കി​ൽ ന​ല്ല ക​ശു​വ​ണ്ടി ഉ​ൽ​പാ​ദ​നം ന​ട​ക്കു​മെ​ന്നാ​ണ് ക​ണ​ക്കു​കൂ​ട്ട​ൽ.