കാ​ലി​ത്തീ​റ്റ ക​ട​ത്തു​ന്ന​തി​ന് നി​രോ​ധ​നം: പ്രതിഷേധം ശക്തമാകുന്നു

ക​ൽ​പ​റ്റ: ക​ർ​ണാ​ട​ക​യി​ൽനി​ന്ന് കാ​ലി​ത്തീ​റ്റ​യും തീ​റ്റ​പ്പുല്ലും കൊ​ണ്ടു​വ​രു​ന്ന​ത് ത​ട​ഞ്ഞു​കൊ​ണ്ടു​ള്ള ചാ​മ​രാ​ജ് ജി​ല്ല ക​ല​ക്ട​റു​ടെ ഉ​ത്ത​ര​വി​നെ​തി​രെ വ്യാ​പ​ക പ്ര​തി​ഷേ​ധം.സം​സ്ഥാ​ന​ത്തുത​ന്നെ ക്ഷീ​രോ​ൽ​പാ​ദ​ന​ത്തി​ൽ ഏ​റെ മു​ന്നി​ൽ നി​ൽ​ക്കു​ന്ന വ​യ​നാ​ട് ജി​ല്ല​യി​ലെ ക്ഷീ​രക​ർ​ഷ​ക​രെ ദു​രി​ത​ത്തി​ൽ ആ​ക്കു​ന്ന​താ​ണ് ചാ​മ​രാ​ജ് ക​ല​ക്ട​റു​ടെ ഉ​ത്ത​ര​വെ​ന്നാ​ണ് ആ​രോ​പ​ണം.ക​ഴി​ഞ്ഞ 22നാ​ണ് ഇ​തുസം​ബ​ന്ധി​ച്ചു ഉ​ത്ത​ര​വി​റ​ങ്ങി​യ​ത്. ഇ​തി​നുശേ​ഷം വ​യ​നാ​ട്ടി​ലേ​ക്ക് ചോ​ള​ത്ത​ണ്ട് കൊ​ണ്ടു​വ​ന്ന വാ​ഹ​ന​ങ്ങ​ൾ അ​തി​ർ​ത്തി ചെ​ക്ക് പോ​സ്റ്റു​ക​ളി​ൽ ത​ട​ഞ്ഞി​രു​ന്നു. ജി​ല്ല​യി​ൽ മ​ഴ​ക്കു​റ​വ് കാ​ര​ണം പ​ച്ച​പ്പു​ല്ല് കു​റ​യു​ന്ന സാ​ഹ​ച​ര്യ​വും നി​ല​വി​ലു​ണ്ട്.

ക​ന്നു​കാ​ലി​ക​ള്‍ക്കു​ള്ള കാ​ലി​ത്തീ​റ്റ​ക്ക് ക​ര്‍ണാ​ട​ക​യി​ല്‍നി​ന്ന് എ​ത്തി​ക്കു​ന്ന ചോ​ള​ത്ത​ണ്ട്, പ​ച്ച​പ്പു​ല്ല്, വൈ​ക്കോ​ല്‍ എ​ന്നി​വ​യാ​ണ് കൂ​ടു​ത​ലാ​യും ഉ​പ​യോ​ഗി​ച്ചുവ​രു​ന്ന​ത്. ഇ​വ ചെ​ക്ക് പോ​സ്റ്റി​ൽ ത​ട​യു​ന്ന​തോ​ടെ ജി​ല്ല​യി​ലെ ക്ഷീ​ര​മേ​ഖ​ല ക​ടു​ത്ത പ്ര​തി​സ​ന്ധി​യ​ിലാ​വു​മെ​ന്നാ​ണ് വി​വി​ധ സം​ഘ​ട​ന​ക​ൾ പ​റ​യു​ന്ന​ത്. ജി​ല്ല​യി​ലെ നി​ര​വ​ധി ക​ർ​ഷ​ക​ർ ക​ർ​ണാ​ട​ക​യി​ൽ പ​ച്ച​പ്പു​ൽ കൃ​ഷി​ചെ​യ്ത് വ​രു​ന്നു​ണ്ട്. ഇ​വ​യെ​ല്ലാം വ​യ​നാ​ട്ടി​ലാ​ണ് വി​ൽ​പ​ന ന​ട​ത്തി​യി​രു​ന്ന​ത്.

ഒ.​ആ​ര്‍. കേ​ളു എം.​എ​ല്‍.​എ മു​ഖ്യ​മ​ന്ത്രി​ക്ക് ക​ത്ത​യ​ച്ചു

മാ​ന​ന്ത​വാ​ടി: കേ​ര​ള​ത്തി​ലേ​ക്ക് ചോ​ള​ത്തണ്ട് കൊ​ണ്ടു​വ​രു​ന്ന​ത് നി​യ​ന്ത്രി​ക്കാ​നു​ള്ള ക​ര്‍ണാ​ട​ക സ​ര്‍ക്കാ​റി​ന്റെ നീ​ക്ക​ത്തി​നെ​തി​രെ സം​സ്ഥാ​ന സ​ര്‍ക്കാ​റി​ന്റെ ഇ​ട​പെ​ട​ൽ ആ​വ​ശ്യ​പ്പെ​ട്ട് ഒ.​ആ​ര്‍. കേ​ളു എം.​എ​ല്‍.​എ മു​ഖ്യ​മ​ന്ത്രി പി​ണ​റാ​യി വി​ജ​യ​ന് ക​ത്ത​യ​ച്ചു. ജി​ല്ല​യി​ലെ ക്ഷീ​ര​ക​ര്‍ഷ​ക​ര്‍ തീ​റ്റ​പ്പു​ല്ലി​നാ​യി പ്ര​ധാ​ന​മാ​യും ചോ​ള​ത്ത​ണ്ടി​നെ​യാ​ണ് ആ​ശ്ര​യി​ക്കു​ന്ന​ത്. എ​ന്നാ​ല്‍, ക​ഴി​ഞ്ഞ ദി​വ​സം ചാ​മ​രാ​ജ് ജി​ല്ല ഭ​ര​ണ​കൂ​ടം ചോ​ള​ത്ത​ണ്ട് കേ​ര​ള​ത്തി​ലേ​ക്ക് കൊ​ണ്ടു പോ​കു​ന്ന​ത് നി​രോ​ധി​ച്ചി​രി​ക്കു​ക​യാ​ണ്.

പ്ര​തി​ദി​നം ര​ണ്ട​ര​ല​ക്ഷം ലി​റ്റ​ര്‍ പാ​ലു​ൽപാ​ദി​പ്പി​ക്കു​ക​യും ഇ​രു​പ​തി​നാ​യി​രം കു​ടും​ബ​ങ്ങ​ളു​ടെ പ്ര​ധാ​ന ഉ​പ​ജീ​വ​ന മാ​ര്‍ഗ​മാ​യും ക​ണ്ടു​വ​രു​ന്ന വ​യ​നാ​ട്ടി​ലെ ക്ഷീ​ര​മേ​ഖ​ല ഈ ​ഉ​ത്ത​ര​വി​ല്‍ വ​ലി​യ പ്ര​തി​സ​ന്ധി നേ​രി​ടു​ക​യാ​ണെ​ന്നും തീ​റ്റ​പു​ല്‍ ല​ഭ്യ​ത​ക്കു​റ​വ് പാ​ലു​ൽപാ​ദ​ന​ത്തെ ഗു​രു​ത​ര​മാ​യി ബാ​ധി​ക്കു​മെ​ന്നും വി​ഷ​യ​ത്തി​ല്‍ സം​സ്ഥാ​ന സ​ര്‍ക്കാ​റി​ന്റെ അ​ടി​യ​ന്ത​ര ഇ​ട​പെ​ട​ല്‍ ഉ​ണ്ടാ​ക​ണ​മെ​ന്നും ഒ.​ആ​ര്‍. കേ​ളു മു​ഖ്യ​മ​ന്ത്രി​ക്ക​യ​ച്ച ക​ത്തി​ല്‍ ആ​വ​ശ്യ​പ്പെ​ട്ടു.ഒ.​ആ​ര്‍. കേ​ളു എം.​എ​ല്‍.​എ മു​ഖ്യ​മ​ന്ത്രി​ക്ക് ക​ത്ത​യ​ച്ചു.

ക​ർ​ണാ​ട​ക തീ​രു​മാ​നം മാ​റ്റ​ണം -​ക്ഷീ​ര​ക​ർ​ഷ​ക കോ​ൺ​ഗ്ര​സ്

ക​ൽ​പ​റ്റ: പ​ച്ച​പ്പു​ൽ, ചോ​ള​ത്ത​ണ്ട്, വൈ​ക്കോ​ൽ തു​ട​ങ്ങി​യ കാ​ലി​ത്തീ​റ്റ​ക​ൾ ചെ​ക്ക്‌​പോ​സ്റ്റി​ൽ ത​ട​യു​ന്ന ന​ട​പ​ടി പു​നഃ​പ​രി​ശോ​ധി​ക്ക​ണ​മെ​ന്ന് ജി​ല്ല ക്ഷീ​ര​ക​ർ​ഷ​ക കോ​ൺ​ഗ്ര​സ് (ഐ.​എ​ൻ.​ടി.​യു.​സി) ആ​വ​ശ്യ​പ്പെ​ട്ടു. ജി​ല്ല​യി​ലെ നി​ര​വ​ധി ക​ർ​ഷ​ക​ർ ഇ​പ്പോ​ൾ ക​ർ​ണാ​ട​ക​യി​ലാ​ണ് പ​ച്ച​പ്പു​ൽ കൃ​ഷി​ചെ​യ്ത് വ​രു​ന്ന​ത്. ഇ​വ​യി​ൽ ഭൂ​രി​ഭാ​ഗ​വും വ​യ​നാ​ട് ജി​ല്ല​യി​ലെ​യും കേ​ര​ള​ത്തി​ലെ​യും ക്ഷീ​ര​ക​ർ​ഷ​ക​ർ​ക്കാ​ണ് വി​ത​ര​ണം ന​ട​ത്തു​ന്ന​ത്.

മ​ഴ​ക്കു​റ​വ് കാ​ര​ണം പ​ച്ച​പ്പു​ല്ല് ജി​ല്ല​യി​ൽ വ​ള​രെ കു​റ​യു​ന്ന സാ​ഹ​ച​ര്യ​ത്തി​ൽ ക്ഷീ​രമേ​ഖ​ല അ​നു​ഭ​വി​ക്കു​ന്ന പ്ര​തി​സ​ന്ധി മാ​റ്റു​ന്ന​തി​ന് ഭ​ര​ണാ​ധി​കാ​രി​ക​ളും ജ​ന​പ്ര​തി​നി​ധി​ക​ളും ഇ​ട​പെ​ട്ട് ചെ​ക്ക്പോ​സ്റ്റു​ക​ളി​ലെ ത​ട​യ​ൽ അ​വ​സാ​നി​പ്പി​ക്ക​ണ​മെ​ന്നും മി​ൽ​മ നി​ർ​ത്ത​ലാ​ക്കി​യ സ​ബ്‌.​സിഡി​ക​ൾ പു​ന​:സ്ഥാ​പി​ക്ക​ണ​മെ​ന്നും​ യോ​ഗം ആ​വ​ശ്യ​പ്പെ​ട്ടു. ജി​ല്ല പ്ര​സി​ഡ​ന്റ് എം.​ഒ. ദേ​വ​സ്യ അ​ധ്യ​ക്ഷ​ത​വ​ഹി​ച്ചു. ഷാ​ന്റി ചേ​ന​പ്പാ​ടി, ഇ.​വി. സ​ജി, പി.​എ. ജോ​സ്, എം.​എം. ജോ​സ് പൊ​ഴു​ത​ന, സ​ജീ​വ​ൻ മ​ട​ക്കി​മ​ല, ബ​ഷീ​ർ ക​ണ്ണ​മ്പ​റ്റ, ബി​ജു വാ​ഴ​യി​ൽ, അ​ന്ന​മ്മ ഫ്രാ​ന്‍സി​സ് എ​ന്നി​വ​ർ സം​സാ​രി​ച്ചു.

രാ​ഹു​ൽ ഗാ​ന്ധി ഇ​ട​പെ​ട​ണ​മെ​ന്ന് സി.​പി.​എം

ക​ൽ​പ​റ്റ: ക​ർ​ണാ​ട​ക സം​സ്ഥാ​ന​ത്തുനി​ന്ന് കാ​ലി​ത്തീ​റ്റ​യും തീ​റ്റ​പ്പുല്ലും കൊ​ണ്ടു​വ​രു​ന്ന​ത് ത​ട​ഞ്ഞു​കൊ​ണ്ടു​ള്ള ചാ​മ​രാ​ജ് ജി​ല്ല ക​ല​ക്ട​റു​ടെ ഉ​ത്ത​ര​വ് പി​ൻ​വ​ലി​ക്കാ​ൻ രാ​ഹു​ൽ ഗാ​ന്ധി എം.​പി ഇ​ട​പെ​ട​ണ​മെ​ന്ന് സി.​പി.​എം ജി​ല്ല സെ​ക്ര​ട്ടേ​റി​യ​റ്റ് ആ​വ​ശ്യ​പ്പെ​ട്ടു. നി​രോ​ധ​നം വ​യ​നാ​ട്ടി​ലെ ക്ഷീ​രക​ർ​ഷ​ക​രെ ദു​രി​ത​ത്തി​ൽ ആ​ക്കു​ക​യാ​ണ്. ക​ർ​ണാ​ട​ക ഭ​രി​ക്കു​ന്ന​ത് കോ​ൺ​ഗ്ര​സാ​ണ്. ക​ർ​ണാ​ട​ക​യിൽ കോ​ൺ​ഗ്ര​സ്​ അ​ധി​കാ​ര​ത്തി​ലു​ള്ള​പ്പോ​ഴാ​ണ് രാ​ത്രി​കാ​ല ഗ​താ​ഗ​തം നി​രോ​ധി​ച്ച​ത്. അ​തി​ന്റെ ദു​രി​തം ഇ​ന്നും വ​യ​നാ​ട്ടു​കാ​ർ പേ​റു​ക​യാ​ണ്.

വീ​ണ്ടും വ​യ​നാ​ട്ടു​കാ​രെ ഉ​പ​ദ്ര​വി​ക്കു​ന്ന ഉ​ത്ത​ര​വു​ക​ൾ കോ​ൺ​ഗ്ര​സ്​ അ​ധി​കാ​ര​ത്തി​ൽ വ​ന്ന​പ്പോ​ൾ ഇ​റ​ങ്ങു​ക​യാ​ണ്. ഇ​ട​ക്കി​ട​ക്ക് വി​നോ​ദ​സ​ഞ്ചാ​രി​യെ പോ​ലെ വ​യ​നാ​ട്ടി​ൽ എ​ത്തു​ന്ന രാ​ഹു​ൽ ഗാ​ന്ധി സ്വ​ന്തം പാ​ർ​ട്ടി ഭ​രി​ക്കു​ന്ന ക​ർ​ണാ​ട​ക​യി​ൽനി​ന്നും വ​യ​നാ​ടു​കാ​രെ ദു​രി​ത​ത്തി​ലാ​ക്കു​ന്ന ഇ​ത്ത​രം ഉ​ത്ത​ര​വു​ക​ൾ പി​ൻ​വ​ലി​ക്കാ​ൻ ഇ​ട​പെ​ട​ണ​മെ​ന്ന് സെ​ക്രട്ടേറി​യറ്റ് ആ​വ​ശ്യ​പ്പെ​ട്ടു. യോ​ഗ​ത്തി​ൽ പി. ​ഗ​ഗാ​റി​ൻ, സി.​കെ. ശ​ശീ​ന്ദ്ര​ൻ. ഒ.​ആ​ർ. കേ​ളു, പി.​വി. സ​ഹ​ദേ​വ​ൻ, എ.​എ​ൻ. പ്ര​ഭാ​ക​ര​ൻ, വി.​വി. ബേ​ബി, പി.​കെ. സു​രേ​ഷ്, കെ. ​റ​ഫീ​ക്ക്, വി. ​ഉ​ഷാ​കു​മാ​രി എ​ന്നി​വ​ർ സം​സാ​രി​ച്ചു.

നി​രോ​ധ​നം നീ​ക്ക​ണം -​അ​ഡ്വ. ടി. ​സി​ദ്ദീ​ഖ് എം.​എ​ല്‍.​എ

ക​ല്‍പ​റ്റ: ചോ​ള​ത്ത​ണ്ട്, പ​ച്ച​പ്പു​ല്ല്, വൈ​ക്കോ​ല്‍ എ​ന്നി​വ വ​യ​നാ​ട്ടി​ലേ​ക്ക് കൊ​ണ്ടു​വ​രു​ന്ന​തി​ന് ക​ര്‍ണാ​ട​ക ഏ​ര്‍പ്പെ​ടു​ത്തി​യ നി​രോ​ധ​നം പി​ന്‍വ​ലി​ക്കു​ന്ന​തി​നു​ള്ള അ​ടി​യ​ന്ത​ര ഇ​ട​പെ​ട​ല്‍ ന​ട​ത്ത​ണ​മെ​ന്ന് ആ​വ​ശ്യ​പ്പെ​ട്ട് ക്ഷീ​ര​വി​ക​സ​ന മ​ന്ത്രി ജെ. ​ചി​ഞ്ചു​റാ​ണി​ക്ക് അ​ഡ്വ. ടി. ​സി​ദ്ദീ​ഖ് എം.​എ​ല്‍.​എ നി​വേ​ദ​നം ന​ല്‍കി. ജി​ല്ല​യി​ല്‍ കാ​ര്‍ഷി​ക പ്ര​വൃ​ത്തി​ക​ള്‍ ചെ​യ്ത് ഉ​പ​ജീ​വ​നം ക​ണ്ടെ​ത്തു​ന്ന ആ​ളു​ക​ളാ​ണ് കൂ​ടു​ത​ലു​ള്ള​ത്. അ​തി​ല്‍ ഭൂ​രി​ഭാ​ഗ​വും ക്ഷീ​ര​ക​ര്‍ഷ​ക​രാ​ണ്.

ക​ന്നു​കാ​ലി​ക​ള്‍ക്കു​ള്ള കാ​ലി​ത്തീ​റ്റ ആ​വ​ശ്യ​ത്തി​ന് ക​ര്‍ണാ​ട​ക​യി​ല്‍നി​ന്ന് എ​ത്തി​ക്കു​ന്ന ചോ​ള​ത്ത​ണ്ട്, പ​ച്ച​പ്പു​ല്ല്, വൈ​ക്കോ​ല്‍ എ​ന്നി​വ​യാ​ണ് ഉ​പ​യോ​ഗി​ച്ചുവ​രു​ന്ന​ത്. ഇ​വ ജി​ല്ല​യി​ലേ​ക്ക് കൊ​ണ്ടു​വ​രു​ന്ന​തി​ന് ക​ര്‍ണാ​ട​ക​യി​ല്‍ നി​രോ​ധ​നം ഏ​ര്‍പ്പെ​ടു​ത്തി​യി​രി​ക്കു​ക​യാ​ണ്. ഇ​ത് സാ​ധാ​ര​ണ​ക്കാ​രാ​യ ക്ഷീ​ര​ക​ര്‍ഷ​ക​രെയും ക്ഷീ​ര​മേ​ഖ​ല​യെ​യും പ്ര​തി​കൂ​ല​മാ​യി ബാ​ധി​ച്ച​താ​യും വി​ഷ​യ​ത്തി​ൽ അ​ടി​യ​ന്ത​ര ഇ​ട​പെ​ട​ല്‍ ന​ട​ത്തി ക്ഷീ​ര​മേ​ഖ​ല​യെ ര​ക്ഷി​ക്കു​ന്ന​തി​നു​ള്ള ന​ട​പ​ടി സ്വീ​ക​രി​ക്ക​ണ​മെ​ന്നും എം.​എ​ല്‍.​എ മ​ന്ത്രി​യോ​ട് ആ​വ​ശ്യ​പ്പെ​ട്ടു.