Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightAgriculturechevron_rightAgri Newschevron_rightമഹാളിക്കും...

മഹാളിക്കും ദ്രുതവാട്ടത്തിനും പിന്നാലെ കുലകരിച്ചിൽ; കവുങ്ങ്​ കർഷകർ കണ്ണീരിൽ

text_fields
bookmark_border
മഹാളിക്കും ദ്രുതവാട്ടത്തിനും പിന്നാലെ കുലകരിച്ചിൽ; കവുങ്ങ്​ കർഷകർ കണ്ണീരിൽ
cancel

ബദിയടുക്ക: കവുങ്ങ്​ കർഷകരെ ദുരിതത്തിലാക്കി വ്യാപകമായ കുലകരിച്ചിൽ രോഗം. കവുങ്ങിൻ പൂക്കുലകൾ കൂട്ടത്തോടെ കരിഞ്ഞുണങ്ങ​ുന്ന രോഗമാണിത്​. കഴിഞ്ഞ വർഷം മഹാളി രോഗമാണ് ഉണ്ടായത്. എങ്കിലും ലോക്​ഡൗൺ കാലത്ത്​ നല്ല വിലകിട്ടിയിരുന്നതിനാൽ ഒരുവിധം പിടിച്ചുനിന്ന കർഷകർ ഇപ്പോൾ കുലകരിച്ചിൽ നേരിടുകയാണ്​. 

പൊവ്വൽ - മല്ലം, കാനത്തൂർ മൂലടുക്കം, കുമ്പഡാജെ പഞ്ചായത്തിലെ ഏത്തടുക്ക, നടുമനെ, നാരപാടി തുടങ്ങിയ സ്​ഥലങ്ങളിൽ വ്യാപകമായ അടക്കാനാശം സംഭവിച്ചിട്ടുണ്ട്​. ‘മരുന്നടിച്ചാൽ പൂക്കുല നശിക്കുന്നത്​ തടയാമായിരുന്നുവെന്ന്​ കർഷകരായ സിബ മുളിയാർ, കുംബഡാജെയിലെ നാരായണ നമ്പ്യാർ എന്നിവർ പറഞ്ഞു. 

അടക്ക വിളഞ്ഞുനിൽക്കു​േമ്പാഴാണ്​ മഹാളി വരുന്നത്​. അപ്പോൾ ഭാഗികമായെങ്കിലും വിളവ്​ ലഭിക്കുമായിരുന്നു. എന്നാൽ, പൂക്കുലക്ക്​ വരുന്ന രോഗം പൂർണമായും നശിപ്പിക്കുകയാണ്​ ചെയ്യുന്നത്​. മല്ലം-കാനത്തൂർ മൂലയിൽ നാല് ഏക്കർ സ്​ഥലത്തെ 1600 കവുങ്ങുകളിൽ കുലകരിച്ചിൽ ബാധിച്ചിട്ടുണ്ട്​. 

അടക്കക്ക് വില കുതിക്കു​േമ്പാൾ കൃഷിയിടം രോഗമൂലം ഇല്ലാതായിക്കൊണ്ടിരിക്കുന്നത്​ കർഷകരെ  സങ്കടപ്പെടുത്തുകയാണ്​. പാട്ടത്തിനെടുത്ത് കൃഷി നടത്തുന്നവർക്ക് വലിയ രീതിയിൽ നഷ്​ടമാണ് ഉണ്ടാകുന്നത്. മഹാളി രോഗത്തിൽ നശിച്ച കർഷകർക്ക് സർക്കാറി​​െൻറ നഷ്​ടപരിഹാരം ലഭിച്ചിരുന്നില്ല. അടക്കയുടെ വിലവർധനയിൽ ആശ്വാസം കൊള്ളു​േമ്പാഴാണ്​ പൂക്കുല രോഗം മൂലം നഷ്​ടത്തിലേക്ക്​ കർഷകരുടെ കൂപ്പുകുത്തൽ. 

കുലകരിച്ചിൽ തടയാൻ പ്രതിരോധ മരുന്ന്​ –കെ.എം. ശ്രീകുമാർ
കാസർകോട്​: കുലകരിച്ചിലും മണികൊഴിച്ചിലും എന്നാണ്​ ഇൗ രോഗത്തെ പറയുന്നത്​. കുമിൾ ബാധയാണിതിന്​ കാരണമെന്ന്​ കാർഷിക സർവകലാശാല ശാസ്​ത്രജ്​ഞൻ ഡോ.കെ.എം ശ്രീകുമാർ. കോളിറ്റോട്രിക്കം എന്ന ഫംഗസാണ്​ ഇതിനു കാരണം. 

മണ്ണിൽ നിന്നും ഉയർന്ന്​ വായുവിൽ കലർന്ന്​ കുലകളിൽ നിന്നും കുലകളിലേക്ക്​ പടരുകയാണ്​. മഞ്ഞുകാലത്താണ്​ തുടങ്ങുക. പിന്നീട്​ അത്​ രൂക്ഷമാകും. നേരത്തേതന്നെ നല്ല വേനൽമഴ കിട്ടിയതുകൊണ്ടാണ്​ ഇത്തവണ രൂക്ഷമായത്​. അടിയന്തര പരിഹാരം കുലകരിച്ചിലുള്ള തോട്ടങ്ങളിലെ പൂങ്കുലകൾ നിപ്പിക്കുകയെന്നതാണ്​. വലിയ കവുങ്ങുകളിൽ ഇപ്പോൾ കയറാനാവില്ല. എന്നാൽ, ചെറിയ കവുങ്ങിൽ തോട്ടങ്ങളിൽ ഇത്​ സാധ്യമാണ്​. അല്ലെങ്കിൽ പ്രതിരോധ മരുന്നായ കോൺടാഫ്​ അടിക്കുക. ഒരുമില്ലി മരുന്ന്​ ഒരു ലിറ്റർ വെള്ളത്തിൽ എന്ന തോതിൽ അടിക്കണം.
 
ഒരാഴ്​ച കഴിഞ്ഞ്​ ബോഡോ മിശ്രിതം തളിക്കണം. മഹാളിയെയും തടയാം.  മഴപെയ്​താൽ കുറയുന്നതാണിത്​. 
വേനൽക്കാലത്ത്​ മഴപെയ്​താൽ രൂക്ഷമാകും. മഴക്കാലാരംഭത്തിൽ കുമ്മായമിട്ട്​ ചെറുതായി കിളക്കണമായിരുന്നു. 

ഇപ്പോൾ 250 ഗ്രാം പൊട്ടാഷ്​ ഇട്ടുകൊടുത്താൽ പൊഴിച്ചിൽ കുറക്കാം.  ഫെബ്രുവരി, മാർച്ച്​ മാസത്തിൽ ബോഡോ മിശ്രിതം തളിച്ചാൽ അടുത്തവർഷം തടയാനാകും. കൂടുതൽ വിവരങ്ങൾക്ക്​ അടുത്തുള്ള കൃഷിഭവനുമായും കാർഷിക സർവകലാശാലയുമായും കർഷകർ ബന്ധപ്പെടണം.
 

Show Full Article
TAGS:kasarkod 
Next Story