പൊന്നുംവില; തള്ളിക്കളയണ്ട ബദാം ഇലകളെ

തൃ​ശൂ​ർ: 'ഇ​ന്ത്യ​ൻ ആ​ൽ​മ​ണ്ട് ലീ​വ്സ്' എ​ന്ന​റി​യ​പ്പെ​ടു​ന്ന നാ​ട്ടി​ൻ​പു​റ​ങ്ങ​ളി​ൽ സു​പ​രി​ചി​ത​മാ​യ ത​ല്ലി​മ​ര​ത്തി​ന്‍റെ (ബ​ദാം മ​രം) ഇ​ല​ക​ൾ​ക്ക് വ​ൻ ഡി​മാ​ൻ​ഡ്. അ​ല​ങ്കാ​ര മ​ത്സ്യ​കൃ​ഷി​ക്ക് ഇ​ല​ക​ൾ ഉ​പ​യോ​ഗി​ച്ചു തു​ട​ങ്ങി​യ​തോ​ടെ​യാ​ണ് ത​ല്ലി​മ​രം അ​ന്വേ​ഷി​ച്ച് ആ​ളു​ക​ളെ​ത്തി​ത്തു​ട​ങ്ങി​യ​ത്. ഇ​പ്പോ​ൾ ഓ​ൺ​ലൈ​ൻ ഷോ​പി​ങ് സൈ​റ്റു​ക​ളി​ൽ ഉ​ണ​ങ്ങി​യ ഒ​രി​ല​ക്ക് പ​ത്തു രൂ​പ വ​രെ വ​രു​ന്നു​ണ്ട്. ത​ല്ലി​മ​ര​ത്തി​ന്റെ ചെ​റു ചെ​ടി​യു​ടെ വി​ല 298 രൂ​പ. 50 ഇ​ല​ക​ൾ​ക്ക് 164 രൂ​പ വ​രെ ഡി​സ്കൗ​ണ്ടി​ലാ​ക്കി വ​ൻ ഓ​ഫ​റു​ക​ളു​മാ​യി ആ​മ​സോ​ൺ വെ​ബ്സൈ​റ്റി​ൽ ആ​ദാ​യ വി​ൽ​പ​ന​യും ന​ട​ക്കു​ന്നു. ആ​ഗോ​ള വ്യാ​പ​ക ആ​വ​ശ്യ​മാ​യ​തി​നാ​ൽ വി​ദേ​ശ ഓ​ൺ​ലൈ​ൻ വി​ൽ​പ​ന സൈ​റ്റു​ക​ളി​ലും വ​ൻ ഓ​ഫ​റു​ക​ളു​മാ​യി ഉ​ണ​ക്കി​യ ഇ​ല​ക​ൾ ഇ​ടം​പി​ടി​ച്ചി​ട്ടു​ണ്ട്.

ആ​മ​സോ​ൺ, ഫ്ലി​പ് കാ​ർ​ട്ട്, സ്നാ​പ്ഡീ​ൽ എ​ന്നീ ഓ​ൺ​ലൈ​ൻ വ്യാ​പാ​ര സൈ​റ്റു​ക​ളി​ൽ വ​ൻ വി​ൽ​പ​ന​യാ​ണ് ന​ട​ക്കു​ന്ന​ത്. നാ​ട്ടി​ൻ​പു​റ​ങ്ങ​ളി​ൽ ഈ ​മ​രം ഒ​ട്ടു​മി​ക്ക വീ​ട്ടു​പ​റ​മ്പി​ലും കാ​ണ​പ്പെ​ടു​ന്നു​ണ്ട്. കോ​വി​ഡ് കാ​ല​ത്ത് മ​ത്സ്യ​കൃ​ഷി വ്യാ​പ​ക​മാ​യ ശേ​ഷ​മാ​ണ്​ ഇ​ല​ക​ൾ​ക്ക് ഡി​മാ​ൻ​ഡ് ഏ​റി​യ​ത്. ശു​ദ്ധ​ജ​ല അ​ക്വേ​റി​യ​ത്തി​ൽ ഇ​വ​യു​ടെ ഉ​ണ​ങ്ങി​യ ഇ​ല അ​ക്വേ​റി​യ​ത്തി​ലെ വെ​ള്ള​ത്തി​ന്റെ പി.​എ​ച്ച് നി​യ​ന്ത്രി​ച്ച് മ​ത്സ്യ​ങ്ങ​ൾ​ക്ക് മി​ക​ച്ച ആ​വാ​സ വ്യ​വ​സ്ഥ ഒ​രു​ക്കാ​ൻ ഉ​പ​യോ​ഗി​ച്ച് വ​രു​ന്നു. ഇ​വ മീ​നു​ക​ളി​ൽ കാ​ണു​ന്ന പൂ​പ്പ​ൽ, വൈ​റ​സു​ക​ൾ, ബാ​ക്റ്റീ​രി​യ രോ​ഗം എ​ന്നി​വ​യെ പ്ര​തി​രോ​ധി​ക്കു​മെ​ന്ന് മ​ത്സ്യ​ക​ർ​ഷ​ക​ർ പ​റ​യു​ന്നു. പ​ഴു​ത്ത​തും ഉ​ണ​ങ്ങി​യ​തു​മാ​യ ഇ​ല​ക​ളാ​ണ് ഉ​പ​യോ​ഗി​ക്കു​ന്ന​ത്. ഇ​ല​ക​ൾ ക​ഴു​കി നേ​രി​ട്ട് മ​ത്സ്യ ടാ​ങ്കു​ക​ളി​ലോ കു​ള​ങ്ങ​ളി​ലോ നി​ക്ഷേ​പി​ക്കാ​റാ​ണ് പ​തി​വ്. ഇ​ല​ക​ൾ ശേ​ഖ​രി​ച്ച് വെ​ള്ള​ത്തി​ലി​ട്ട് തി​ള​പ്പി​ച്ച് കി​ട്ടു​ന്ന​ത് അ​രി​ച്ച് പാ​ത്ര​ങ്ങ​ളി​ൽ അ​ട​ച്ചു വെ​ച്ചി​ട്ട് ഒ​ന്നോ ര​ണ്ടോ തു​ള്ളി​ക​ൾ അ​ക്വേ​റി​യ​ങ്ങ​ളി​ൽ ഇ​ട്ടു​കൊ​ടു​ക്കു​ന്ന പ​തി​വു​മു​ണ്ട്. മീ​നി​ന്റെ വ​ള​ർ​ച്ച​യി​ലും പെ​റ്റു​പെ​രു​കു​ന്ന​തി​ലും പ്ര​ത്യ​ക്ഷ മാ​റ്റ​മു​ണ്ടാ​ക്കാ​ൻ ഇ​ല​ക​ൾ​ക്കാ​കു​മെ​ന്നാ​ണ് മ​ത്സ്യ​ക​ർ​ഷ​ക​രു​ടെ അ​ഭി​പ്രാ​യം.