മ​ട്ടു​പ്പാ​വി​ൽ കാ​ർ​ഷി​ക വി​പ്ല​വം തീ​ർ​ത്ത് യു​വ​ക​ർ​ഷ​ക​ൻ

ക​ൽ​പ​ക​ഞ്ചേ​രി: മ​ട്ടു​പ്പാ​വി​ൽ കാ​ർ​ഷി​ക​വി​പ്ല​വം തീ​ർ​ത്ത് യു​വ​ാവ് മാ​തൃ​ക​യാ​കു​ന്നു. വ​ള​വ​ന്നൂ​ർ പോ​ത്ത​ന്നൂ​ർ സ്വ​ദേ​ശി ക​ല്ലു​മു​ട്ട​ക്ക​ൽ സാ​ദി​ഖ് എ​ന്ന യു​വ​ക​ർ​ഷ​ക​ന്റെ വീ​ടി​ന്റെ മ​ട്ടു​പ്പാ​വി​ലാ​ണ് എ​ല്ലാ​ത്ത​രം കൃ​ഷി​യും ചെ​യ്ത് മി​ക​ച്ച വി​ള​വ് സ്വ​ന്ത​മാ​ക്കി​യി​രി​ക്കു​ന്ന​ത്. ചീ​ര, വെ​ണ്ട, കാ​പ്സി​ക്കോ, ക​ക്ക​രി, പാ​വ​ക്ക, പ​യ​ർ, മു​ള​ക്, വ​ഴു​ത​ന, പാ​ൽ​ച്ചീ​ര തു​ട​ങ്ങി​യ ജൈ​വ പ​ച്ച​ക്ക​റി​ക​ളാ​ണ് സാ​ദി​ഖ് മ​ട്ടു​പ്പാ​വി​ൽ കൃ​ഷി ചെ​യ്യു​ന്ന​ത്. കൂ​ടാ​തെ അ​ഭി​യു, മി​ൽ​ക്കി ഫ്രൂ​ട്ട്, വെ​സ്റ്റേ​ൺ ചെ​റി, ബ്ര​സീ​ലി​യ​ൻ മ​ൾ​ബ​റി, ട്രാ​ഗ​ൺ ഫ്രൂ​ട്ട്, മാ​ലി​ന ടെ​ന്നീ​സ് തു​ട​ങ്ങി 15ൽ​പ​രം വി​ദേ​ശ പ​ഴ​ങ്ങ​ളും അ​ല​ങ്കാ​ര ചെ​ടി​ക​ളും വീട്ടിലുണ്ട്. സ്വ​കാ​ര്യ ക​മ്പ്യൂ​ട്ട​ർ സ്ഥാ​പ​നം ന​ട​ത്തു​ന്ന സാ​ദി​ഖ് ഒ​ഴി​വു​സ​മ​യം കൃ​ഷി​ക്കാ​യി മാ​റ്റി​വ​ക്കും.

വ​ള​വ​ന്നൂ​ർ കൃ​ഷി​ഭ​നി​ലെ കൃ​ഷി ഓ​ഫി​സ​ർ എം. ​ഹാ​രി​ഫ, അ​സി. ഓ​ഫി​സ​ർ കെ. ​ഹ​രി​ദാ​സ് എ​ന്നി​വ​രാ​ണ് മാ​ർ​ഗ​നി​ർ​ദേ​ശ​ങ്ങ​ൾ ന​ൽ​കു​ന്ന​ത്. വ​ള​വ​ന്നൂ​ർ ഗ്രാ​മ​പ​ഞ്ചാ​യ​ത്തി​ലെ ഏ​റ്റ​വും മി​ക​ച്ച ക​ർ​ഷ​ക​നു​ള്ള അ​വാ​ർ​ഡ് ര​ണ്ടു​ത​വ​ണ നേ​ടി​യി​ട്ടു​ണ്ട്. പി​താ​വ് പ​രേ​ത​നാ​യ ബാ​വ ഹാ​ജി​യി​ലൂ​ടെ​യാ​ണ് കൃ​ഷി​പാ​ഠ​ങ്ങ​ൾ പ​ഠി​ച്ച​ത്. മൂ​ന്ന് ഏ​ക്ക​ർ സ്ഥ​ല​ത്ത് നെ​ല്ല്, ക​വു​ങ്ങ്, വെ​റ്റി​ല, വാ​ഴ എ​ന്നി​വ​യും കൃ​ഷി ചെ​യ്യു​ന്നു​. അ​ധ്യാ​പി​ക​യാ​യ ഭാ​ര്യ റ​സി​യ​യു​ടെ​യും മ​ക്ക​ളാ​യ മു​ഹ​മ്മ​ദ് ഷാം, ​മു​ഹ​മ്മ​ദ് ഹാ​ദ് എ​ന്നി​വ​രു​ടെ​യും പി​ന്തു​ണ​യു​മു​ണ്ട്.