റ​ബ​ർ ഇ​റ​ക്കു​മ​തി തു​ട​രും; ന​യം പ്ര​ഖ്യാ​പി​ച്ച്​ കേ​ന്ദ്രം

00:47 AM
03/03/2019
Rubber
ന്യൂ​ഡ​ൽ​ഹി: റ​ബ​ർ ക​ർ​ഷ​ക​​ർ നാ​ളു​ക​ളാ​യി മു​ന്നോ​ട്ടു വെ​ക്കു​ന്ന പ്ര​ധാ​ന ആ​വ​ശ്യ​ങ്ങ​ൾ​ക്കു നേ​രെ ക​ണ്ണ​ട​ച്ച്​ ദേ​ശീ​യ റ​ബ​ർ ന​യം. ഇ​റ​ക്കു​മ​തി നി​യ​ന്ത്രി​ക്കി​ല്ല. റ​ബ​റി​നെ കാ​ർ​ഷി​ക വി​ള​യാ​യി ക​ണ​ക്കാ​ക്കാ​നും വി​ള ഇ​ൻ​ഷു​റ​ൻ​സ്​ പ്ര​ഖ്യാ​പി​ക്കാ​നും ന​യം വ്യ​വ​സ്​​ഥ ചെ​യ്യു​ന്നു. ദ​ക്ഷി​ണേ​ന്ത്യ​ൻ സം​സ്​​ഥാ​ന​ങ്ങ​ളെ ത​ഴ​ഞ്ഞ്​ വ​ട​ക്കു കി​ഴ​ക്ക​ൻ സം​സ്​​ഥാ​ന​ങ്ങ​ളി​ൽ റ​ബ​ർ കൃ​ഷി പ്രോ​ത്​​സാ​ഹി​പ്പി​ക്കു​ന്ന​തി​നാ​ണ്​ ഉൗ​ന്ന​ൽ. 

റ​ബ​റി​ല്‍നി​ന്നു​ള്ള വ​രു​മാ​നം കാ​ര്‍ഷി​ക​വ​രു​മാ​ന​മാ​യി പ്ര​ഖ്യാ​പി​ക്കു​ക, വി​ള ഇ​ന്‍ഷു​റ​ന്‍സ്​ ഏ​​ർ​പ്പെ​ടു​ത്തു​ക, പു​തു​കൃ​ഷി​ക്കും ആ​വ​ര്‍ത്ത​ന കൃ​ഷി​ക്കും സാ​മ്പ​ത്തി​ക​സ​ഹാ​യം ന​ല്‍കു​ക എ​ന്നി​വ ന​യ​ത്തി​​ലെ നി​ർ​ദേ​ശ​ങ്ങ​ളാ​ണ്. റ​ബ​റൈ​സ്ഡ് റോ​ഡു​ക​ള്‍ പ്രോ​ത്സാ​ഹി​പ്പി​ക്കു​ക, ലേ​ല കേ​ന്ദ്ര​ങ്ങ​ള്‍ ആ​രം​ഭി​ക്കു​ക, റ​ബ​ർ ഷീ​റ്റി​ൽ നി​ന്ന്​ ക​ർ​ഷ​ക​ർ ബ്ലോ​ക്ക്​ റ​ബ​റി​ലേ​ക്ക്​ മാ​റു​ക എ​ന്നി​വ മ​റ്റു നി​ർ​ദേ​ശ​ങ്ങ​ൾ. 

ലോ​ക്​​സ​ഭ തെ​ര​ഞ്ഞെ​ടു​പ്പ്​ ദി​വ​സ​ങ്ങ​ൾ​ക്ക​കം പ്ര​ഖ്യാ​പി​ക്കാ​നി​രി​ക്കേ​യാ​ണ്​ വാ​ണി​ജ്യ മ​​ന്ത്രാ​ല​യം റ​ബ​ർ ന​യ​ത്തി​ൽ മ​ന്ത്രി സു​രേ​ഷ്​​പ്ര​ഭു ഒ​പ്പു​വെ​ച്ച​ത്. ക​ര​ട് റ​ബ​ര്‍ ന​യ​ത്തി​ല്‍ കാ​ര്യ​മാ​യ ഭേ​ദ​ഗ​തി​ക​ൾ ക​ർ​ഷ​ക സം​ഘ​ന​ക​ൾ നി​ർ​ദേ​ശി​ച്ചി​രു​ന്നു. എ​ന്നാ​ൽ ക​ര​ടി​ൽ ര​ണ്ടു മാ​റ്റ​ങ്ങ​ൾ മാ​ത്രം. റ​ബ​ര്‍ കൃ​ഷി​യി​ലും സം​സ്​​ക്ക​ര​ണ യൂ​നി​റ്റു​ക​ളി​ലും പ്ര​വ​ര്‍ത്തി​ക്കു​ന്ന തൊ​ഴി​ലാ​ളി​ക​ളു​ടെ ക്ഷേ​മ​ത്തി​ന്​ പ​രി​ഗ​ണ​ന. മൂ​ല്യ​വ​ര്‍ധി​ത റ​ബ​ര്‍ ഉ​ത്പ​ന്ന​ങ്ങ​ള്‍ നി​ര്‍മി​ക്കു​ന്ന ഗ്രോ​വേ​ഴ്‌​സ് ഫോ​റ​ങ്ങ​ളു​ടെ പ​ദ്ധ​തി​ക​ള്‍ പ്രോ​ത്​​സാ​ഹി​പ്പി​ക്കും.

പ​രി​സ്ഥി​തി ആ​ഘാ​ത​വും സ്വാ​ഭാ​വി​ക റ​ബ​ര്‍ ഉ​ത്പാ​ദ​ന​ത്തി​നു​ള്ള ഭീ​ഷ​ണി​യും ക​ണ​ക്കി​ലെ​ടു​ത്ത്, സി​ന്ത​റ്റി​ക് റ​ബ​ര്‍ നി​ര്‍മാ​ണം വ​ര്‍ധി​പ്പി​ക്ക​ണ​മെ​ന്ന ക​ര​ട് ന​യ നി​ർ​ദേ​ശം നീ​ക്കം ചെ​യ്യ​ണ​മെ​ന്ന കേ​ര​ള സ​ര്‍ക്കാ​രി​​െൻറ അ​ഭ്യ​ർ​ഥ​ന പ​രി​ഗ​ണി​ച്ചി​ട്ടി​ല്ല. അ​ന്ത​രീ​ക്ഷ താ​പ​നി​ല ഇ​തേ രീ​തി​യി​ൽ മു​ന്നോ​ട്ടു പോ​യാ​ൽ കേ​ര​ള​ത്തി​ലെ സ്വാ​ഭാ​വി​ക റ​ബ​ര്‍ ഉ​ത്പാ​ദ​ന​ത്തി​ല്‍ നാ​ലു മു​ത​ല്‍ ഏ​ഴു ശ​ത​മാ​നം വ​രെ കു​റ​വു​ണ്ടാ​കു​മെ​ന്നാ​ണ് റ​ബ​ര്‍ ന​യം മു​ന്ന​റി​യി​പ്പു ന​ൽ​കി. വ​ട​ക്കു കി​ഴ​ക്ക​ന്‍ സം​സ്ഥാ​ന​ങ്ങ​ളി​ല്‍ റ​ബ​ര്‍ ഉ​ത്പാ​ദ​നം അ​ടു​ത്ത പ​തി​റ്റാ​ണ്ടി​ൽ 11 ശ​ത​മാ​നം വ​രെ ഉ​യ​രും. 

റ​ബ​ര്‍ മേ​ഖ​ല​യി​ലെ പ്ര​ശ്‌​ന​ങ്ങ​ള്‍ പ​ഠി​ച്ച് ക​ര​ട് ന​യം സ​മ​ര്‍പ്പി​ക്കാ​ൻ കേ​ര​ള ചീ​ഫ് സെ​ക്ര​ട്ട​റി അ​ധ്യ​ക്ഷ​നാ​യ ക​ര്‍മ​സ​മി​തി​യെ​യാ​ണ്​ വാ​ണി​ജ്യ മ​ന്ത്രാ​ല​യം നി​യോ​ഗി​ച്ചി​രു​ന്ന​ത്. സ​മി​തി ക​ഴി​ഞ്ഞ ആ​ഗ​സ്​​തി​ൽ റി​പ്പോ​ര്‍ട്ട് സ​മ​ര്‍പ്പി​ച്ചു. ഈ ​റി​പ്പോ​ര്‍ട്ട് പ​രി​ഗ​ണി​ച്ചാ​ണ് ക​ഴി​ഞ്ഞ മാ​സം 19ന്​ ​ക​ര​ട്​ ന​യം വാ​ണി​ജ്യ മ​ന്ത്രാ​ല​യ വെ​ബ്​​സൈ​റ്റി​ൽ പ്ര​സി​ദ്ധീ​ക​രി​ച്ച​ത്. ലോ​ക്​​സ​ഭ തെ​ര​ഞ്ഞെ​ടു​പ്പു വ​രു​ന്ന​തു ക​ണ​ക്കി​ലെ​ടു​ത്ത്​ അ​ഭി​പ്രാ​യം അ​റി​യി​ക്കാ​നു​ള്ള സ​മ​യ​പ​രി​ധി വെ​ട്ടി​ച്ചു​രു​ക്കി​യി​രു​ന്നു.
Loading...
COMMENTS