Begin typing your search above and press return to search.
proflie-avatar
Login
exit_to_app
exit_to_app
Homechevron_rightAgriculturechevron_rightAgri Newschevron_rightപ്രതികൂല കാലാവസ്ഥ:...

പ്രതികൂല കാലാവസ്ഥ: കുട്ടനാട്ടിൽ രണ്ടാം കൃഷിയിൽ 2.5 ലക്ഷം ക്വിന്‍റൽ നെല്ല്​ കുറവ്

text_fields
bookmark_border
Adverse weather Paddy farmers in Kuttanad in distress
cancel

കു​ട്ട​നാ​ട്: പ്ര​തി​കൂ​ല കാ​ലാ​വ​സ്ഥ ത​ക​ർ​ത്ത​ത്​ കു​ട്ട​നാ​ട്ടി​ലെ ക​ർ​ഷ​ക​രു​ടെ പ്ര​തീ​ക്ഷ. ജി​ല്ല​യി​ലെ നെ​ൽ​കൃ​ഷി​യി​ൽ വ​ൻ ഇ​ടി​വാ​ണു​ണ്ടാ​യ​ത്. 5.10 ല​ക്ഷം ക്വി​ന്‍റ​ൽ നെ​ല്ല്​ പ്ര​തീ​ക്ഷി​ച്ചി​റ​ക്കി​യ ര​ണ്ടാം കൃ​ഷി​യി​ൽ സം​ഭ​രി​ച്ച​ത് 2.86 ല​ക്ഷം ക്വി​ന്‍റ​ൽ മാ​ത്രം.

മ​ഴ, വെ​ള്ള​പ്പൊ​ക്കം, മ​ട​വീ​ഴ്ച എ​ന്നി​വ​യെ​ത്തു​ട​ർ​ന്ന് ര​ണ്ട​ര​ല​ക്ഷം ക്വി​ന്‍റ​ൽ നെ​ല്ല്​ കു​റ​ഞ്ഞ​താ​യാ​ണ്​ ക​ണ​ക്ക്. 8167.63 ഹെ​ക്ട​റി​ലാ​ണ്​ ര​ണ്ടാം കൃ​ഷി ഇ​റ​ക്കി​യ​ത്. ഏ​ക്ക​റി​ന് 25 ക്വി​ന്‍റ​ൽ എ​ന്ന ക​ണ​ക്കി​ൽ ഏ​ക​ദേ​ശം 5,10,477 ക്വി​ന്‍റ​ൽ നെ​ല്ല്​ സം​ഭ​രി​ക്കാ​നാ​കും എ​ന്നാ​യി​രു​ന്നു പ്ര​തീ​ക്ഷ. എ​ന്നാ​ൽ, ഹെ​ക്ട​റി​ന് 15 ക്വി​ന്‍റ​ൽ മാ​ത്ര​മാ​ണ് ല​ഭി​ച്ച​ത്. പ​ല പാ​ട​ശേ​ഖ​ര​ങ്ങ​ളി​ലും പ്ര​തീ​ക്ഷി​ച്ച​തി​ന്‍റെ പ​കു​തി​പോ​ലും ല​ഭി​ച്ചി​ല്ല.

കാ​ലാ​വ​സ്ഥ പ്ര​ശ്ന​ങ്ങ​ൾ​ക്കൊ​പ്പം കൊ​യ്ത്ത്​ യ​ന്ത്ര​ങ്ങ​ളു​ടെ ക്ഷാ​മ​വും തി​രി​ച്ച​ടി​യാ​യി. പ​ല പാ​ട​ങ്ങ​ളി​ലും വി​ള​വെ​ടു​പ്പ്​ സ​മ​യം ക​ഴി​ഞ്ഞ് ഒ​ന്നൊ​ന്ന​ര മാ​സ​മെ​ങ്കി​ലും പി​ന്നി​ട്ട​ശേ​ഷ​മാ​ണ്​ കൊ​യ്ത്ത്​ ന​ട​ന്ന​ത്. മ​ഴ​യി​ലും വെ​ള്ള​ത്തി​ന്‍റെ കു​ത്തൊ​ഴു​ക്കി​ലും അ​റു​പ​തി​ലേ​റെ ഇ​ട​ങ്ങ​ളി​ലാ​ണ്​ മ​ട​വീ​ഴ്ച​യു​ണ്ടാ​യ​ത്. കു​ട്ട​നാ​ട് പാ​ക്കേ​ജ് ന​ട​ത്തി​പ്പി​ലെ അ​പാ​ക​ത​യു​ടെ നേ​ർ​കാ​ഴ്ച​യാ​ണ്​ മ​ട​വീ​ഴ്ച​യെ​ന്നാ​ണ് ആ​ക്ഷേ​പം. സ്വാ​മി​നാ​ഥ​ൻ പാ​ക്കേ​ജി​ൽ ഉ​ൾ​പ്പെ​ടു​ത്തി പു​റം​ബ​ണ്ട്‌ നി​ർ​മി​ച്ച​ത്​ പാ​ട​ശേ​ഖ​ര​ങ്ങ​ളി​ൽ കൃ​ഷി സു​ഗ​മ​മാ​ക്കു​ക​യെ​ന്ന ല​ക്ഷ്യ​ത്തോ​ടെ​യാ​ണ്. എ​ന്നാ​ൽ, പ​ദ്ധ​തി നി​ർ​വ​ഹ​ണ​ത്തി​ലെ അ​ശാ​സ്ത്രീ​യ​ത​മൂ​ലം വ​ലി​യ പാ​ളി​ച്ച​യാ​ണ്​ സം​ഭ​വി​ച്ച​ത്.

ജി​ല്ല​യി​ൽ ശ​രാ​ശ​രി 25,000 ഹെ​ക്ട​റി​ലാ​ണ്​ പു​ഞ്ച​കൃ​ഷി​യി​റ​ക്കു​ന്ന​ത്. തു​ലാ​മാ​സ​ത്തി​ൽ വി​ത തു​ട​ങ്ങു​ക​യാ​ണ്​ പ​തി​വ്. ന​വം​ബ​ർ ആ​ദ്യ​വാ​ര​ത്തോ​ടെ പ​കു​തി​യോ​ളം പാ​ട​ങ്ങ​ളി​ലും വി​ത പൂ​ർ​ത്തി​യാ​കും. മ​ഴ​യും കി​ഴ​ക്ക​ൻ വെ​ള്ള​വും കാ​ര​ണം ഇ​ക്കൊ​ല്ലം വി​ത വൈ​കി. ഒ​രേ​കാ​ല​യ​ള​വി​ൽ വി​ത തു​ട​ങ്ങു​ന്ന​തി​നാ​ൽ കൊ​യ്ത്തും ഒ​രു​മി​ച്ചു​വ​രും. അ​തി​നാ​ൽ ധാ​രാ​ളം കൊ​യ്ത്തു​യ​ന്ത്രം വേ​ണ്ടി​വ​രു​മെ​ന്ന പ്ര​ശ്ന​വു​മു​ണ്ട്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kuttanadpaddyfarmers
News Summary - Adverse weather Paddy farmers in Kuttanad in distress
Next Story