സാനിറ്റൈസർ കണ്ണിൽ വീണ്​ നാലു വയസ്സുകാരിക്ക്​ പരിക്ക്​

ദുബൈ: ഹാൻഡ്​ സാനിറ്റൈസർ വീണ്​ നാലു വയസ്സുകാരിയുടെ കണ്ണിന്​ ഗുരുതര പരിക്ക്​. കാലുകൊണ്ട്​ പ്രവർത്തിപ്പിക്കുന്ന സാനിറ്റൈസർ സ്​റ്റേഷനിൽനിന്ന്​ അബദ്ധത്തിൽ കണ്ണിൽ വീഴുകയായിരുന്നു. കുട്ടി പൊതുസ്ഥലത്ത് സ്​ഥാപിച്ച ഹാൻഡ് സാനിറ്റൈസർ തൊടുന്നതിനിടയിലാണ് അപകടമുണ്ടായതെന്ന്​ മാതാപിതാക്കൾ പറഞ്ഞു. ഉടൻ ആശുപത്രിയി​ലെത്തിച്ച കുട്ടിയുടെ ആരോഗ്യനില തൃപ്​തികരമാണ്​.