എലിസബത്ത് രാജ്ഞിയുടെ രാജവാഴ്ച ചരിത്രത്തിലേക്ക്

ലണ്ടന്‍: സെപ്റ്റംബര്‍ ഒമ്പതിന് എലിസബത്ത് രാജ്ഞിയുടെ അധികാരവാഴ്ച ചരിത്രത്തിലേക്ക്. മുത്തശ്ശിയായ വിക്ടോറിയ രാജ്ഞിയുടെ പേരിലുള്ള ഇംഗ്ളണ്ട് കൂടുതല്‍ കാലം ഭരിച്ച റെക്കോഡാണ് 89കാരിയായ എലിസബത്ത് രാജ്ഞി പഴങ്കഥയാക്കാനൊരുങ്ങുന്നത്.
പിതാവ് ജോര്‍ജ് ആറാമന്‍െറ മരണത്തെ തുടര്‍ന്ന് 1952 ഫെബ്രുവരി ആറിന് അധികാരമേറ്റ എലിസബത്ത് രാജ്ഞി 63 വര്‍ഷവും ഏഴുമാസവും പൂര്‍ത്തിയാക്കും. വിക്ടോറിയ രാജ്ഞി 23,226 ദിവസും 16 മണിക്കൂറും 23 മിനിറ്റുമാണ് ബ്രിട്ടന്‍ ഭരിച്ചിരുന്നത്.
സെപ്റ്റംബര്‍ ഒമ്പതിന് നടക്കുന്ന പ്രത്യേക ആഘോഷത്തിനിടെ എലിസബത്ത് രാജ്ഞി പൊതുജനങ്ങളെ അഭിസംബോധനംചെയ്യും. വളരെ അപൂര്‍വമായാണ് പൊതുചടങ്ങുകളില്‍ രാജ്ഞി സംസാരിക്കാറുള്ളത്.