ഈ ​പ്രാ​യ​ശ്ചി​ത്ത​ത്തി​ന് പത്തരമാറ്റ്; 21 വ​ർ​ഷ​ത്തി​നു​ശേ​ഷം മൂ​ന്ന​ര​പ്പ​വ​ൻ ഉ​ട​മ​യെ തേ​ടി​​യെ​ത്തി

കൂ​റ്റ​നാ​ട്: ന​ഷ്ട​പ്പെ​ട്ട മൂ​ന്ന​ര​പ്പ​വ​ൻ 21വ​ർ​ഷ​ങ്ങ​ൾ​ക്കു​ശേ​ഷം തിരിച്ചുകി​ട്ടി​യ​തി​ന്റെ അ​തി​ശ​യ​ത്തി​ലാ​ണ് തി​രു​വേ​ഗ​പ്പു​റ പൈ​ലി​പ്പു​റം പ​ട്ട​ന്മാ​രു​ടെ​തൊ​ടി​യി​ൽ പ​രേ​ത​നാ​യ അ​ബു​വി​ന്റെ ഭാ​ര്യ ഖ​ദീ​ജ. ക​ള​ഞ്ഞു​പോ​യ സ്വ​ർ​ണാ​ഭ​ര​ണം ഉ​ട​മ​യെ മ​ന​സി​ലാ​യി​ട്ടും തി​രി​കെ ന​ൽ​കാ​ഞ്ഞ​തി​ന്റെ കു​റ്റ​ബോ​ധം വി​ടാ​തെ പി​ന്തു​ട​ർ​ന്ന​തോ​ടെ​യാ​ണ് പൊ​ന്നിന് തൊട്ടാൽ പൊള്ളും വി​ലയുള്ള കാ​ല​ത്തും മാല തി​രി​കെ ന​ൽ​കാ​ൻ അ​ജ്ഞാ​ത​ൻ ത​യാ​റാ​യ​ത്.

ആ​ശു​പ​ത്രി​യി​ലേ​ക്കു​ള്ള യാ​ത്ര​ക്കി​ടെ​യാ​ണ് ഖ​ദീ​ജ​യു​ടെ മാ​ല ന​ഷ്ട​പ്പെ​ട്ട​ത്. ഏ​റെ തി​ര​ച്ചി​ൽ ന​ട​ത്തി​യെ​ങ്കി​ലും ക​ണ്ടെ​ത്താ​നാ​യി​ല്ല. വ​ർ​ഷ​ങ്ങ​ൾ പി​ന്നി​ട്ട​പ്പോ​ൾ ന​ഷ്ട​പ്പെ​ട്ട മാ​ല വി​സ്മൃ​തി​യി​ലാ​യി. ക​ഴി​ഞ്ഞ ദി​വ​സം ഓ​ർ​ക്കാ​പ്പു​റ​ത്ത് ഖ​ദീ​ജ​യു​ടെ മ​ക​ൻ ഇ​ബ്രാ​ഹി​മി​ന്റെ ന​മ്പ​റി​ലേ​ക്ക് വ​ന്ന ഫോ​ൺ കോ​ളാ​ണ് വ​ഴി​ത്തി​രി​വാ​യ​ത്.

സ​മീ​പ​ത്തെ ക​ട​യി​ൽ ഒ​രു കൊ​റി​യ‍ർ എ​ത്തി​യെ​ന്നാ​യി​രു​ന്നു സ​ന്ദേ​ശം. കൊ​റി​യ​ർ തു​റ​ന്ന​പ്പോ​ൾ വ​ർ​ഷ​ങ്ങ​ൾ​ക്ക് മു​മ്പ് ന​ഷ്ട​മാ​യ മാ​ല​ക്ക് സ​മാ​ന​മാ​യ മാ​ല​യും ഒ​രു കു​റി​പ്പും. ക​ള​ഞ്ഞു​പോ​യ സ്വ‍ർ​ണാ​ഭ​ര​ണം അ​ന്ന് ത​നി​ക്ക് ല​ഭി​ച്ചി​രു​ന്നെ​ന്നും അ​ന്ന​ത്തെ പ്ര​ത്യേ​ക സാ​ഹ​ച​ര്യ​ത്തി​ൽ ഉ​പ​യോ​ഗ​പ്പെ​ടു​ത്തേ​ണ്ടി വ​ന്നെ​ന്നും ഇ​ന്ന് അ​തി​ന്റെ പേ​രി​ൽ താ​ൻ വ​ല്ലാ​തെ ദുഃ​ഖി​ത​നാ​ണെ​ന്നും കു​റി​പ്പി​ലു​ണ്ട്.

എ​ഴു​ത്തി​നോ​ടൊ​പ്പ​മു​ള്ള സ​മാ​ന​മാ​യ ആ​ഭ​ര​ണം സ​ന്തോ​ഷ​ത്തോ​ടെ സ്വീ​ക​രി​ച്ച് പൊ​രു​ത്ത​പ്പെ​ട്ട് ത​ര​ണ​മെ​ന്നും പ്രാ​ർ​ഥ​ന​യി​ൽ ത​ന്നെ​യും ഉ​ൾ​പ്പെ​ടു​ത്ത​ണ​മെ​ന്നു​മു​ള്ള അ​പേ​ക്ഷ​യോ​ടെ​യാ​ണ് കു​റി​പ്പ് അ​വ​സാ​നി​ക്കു​ന്ന​ത്. കൈ​പ്പി​ഴ തി​രു​ത്താ​ൻ കാ​ണി​ച്ച മ​ന​സ്സി​നാ​യി പ്രാ​ർ​ഥി​ക്കു​ക​യാ​ണ് ഖ​ദീ​ജ​യി​പ്പോ​ൾ. അ​ജ്ഞാ​ത​നെ അ​ന്വേ​ഷി​ച്ച് പോ​കാ​ൻ താ​ൽ​പ​ര്യ​മി​ല്ലെ​ന്നും കൈ​പ്പി​ഴ തി​രു​ത്തി​യ​തി​ന് ബ​ഹു​മാ​നി​ക്കു​ന്നു​വെ​ന്നു​മാ​ണ് ഖ​ദീ​ജ​യു​ടെ കു​ടും​ബ​ത്തി​ന്റെ പ്ര​തി​ക​ര​ണം.