സി.പി.എം ലോക്കൽ സെക്രട്ടറിയുടെ പേരിൽ ഇല്ലാത്ത കേസ് ഉണ്ടെന്ന്​ സഭയെ തെറ്റിധരിപ്പിച്ച് മുഖ്യമന്ത്രി

കൊല്ലം: സി.പി.എം ലോക്കൽ സെക്രട്ടറിയുടെ പേരിൽ ഇല്ലാത്ത കേസ് ഉണ്ടെന്ന്​ നിയമസഭയിൽ പറഞ്ഞ്​ മുഖ്യമന്ത്രി പിണറായി വിജയൻ. കണ്ണനല്ലൂർ പൊലീസ്​ സ്​റ്റേഷനിൽനിന്ന് മർദനമേറ്റെന്ന്​ സമൂഹമാധ്യമങ്ങളിലൂടെ പരാതി പറഞ്ഞ സി.പി.എം നെടുമ്പന ലോക്കൽ സെക്രട്ടറി സജീവിന്‍റെ പേരിൽ ഇതേ സ്​റ്റേഷനിൽ ബഹളമുണ്ടാക്കിയതിന്​ കേസു​ണ്ടെന്നാണ് മുഖ്യമന്ത്രി നിയമസഭയെ തെറ്റിദ്ധരിപ്പിച്ചത്​.

എന്നാൽ, മുഖ്യമന്ത്രി പറഞ്ഞ ക്രൈംനമ്പറിൽ സജീവ്​ എന്നയാൾക്കെതിരെ കേസില്ലെന്ന്​ എഫ്​.ഐ.ആർ രേഖകൾ വ്യക്തമാക്കുന്നു. ലഹരിക്കടിമയായി പുലിയില ജങ്​ഷനിൽ വെച്ച്​ അസഭ്യം പറഞ്ഞതിന് വിനോദ്​ എന്നയാൾക്കെതിരെ രജിസ്റ്റർ ചെയ്ത കേസാണ്​ സജീവിന്‍റെ പേരിലാക്കി മുഖ്യമന്ത്രി സഭയിൽ വായിച്ചത്​.

സഭയിൽ കൊണ്ടും കൊടുത്തും അംഗങ്ങൾ

തി​രു​വ​ന​ന്ത​പു​രം: കേ​ര​ള​ത്തി​ലെ പൊ​ലീ​സ് മ​ർ​ദ​ന​ങ്ങ​ൾ സം​ബ​ന്ധി​ച്ച് നി​യ​മ​സ​ഭ​യി​ൽ കൊ​ണ്ടും കൊ​ടു​ത്തും ഭ​ര​ണ-​പ്ര​തി​പ​ക്ഷ അം​ഗ​ങ്ങ​ൾ. ഒ​മ്പ​ത് വ​ർ​ഷ​ത്തെ പി​ണ​റാ​യി സ​ർ​ക്കാ​ർ ഭ​ര​ണ​ത്തി​നി​ടെ 17 ക​സ്റ്റ​ഡി മ​ര​ണ​ങ്ങ​ളാ​ണ് റി​പ്പോ​ർ​ട്ട് ചെ​യ്ത​തെ​ന്നും എ​ന്ത് വൃ​ത്തി​കേ​ട് ചെ​യ്താ​ലും സം​ര​ക്ഷി​ക്ക​പ്പെ​ടു​മെ​ന്ന നി​ല​യാ​ണു​ള്ള​തെ​ന്നും അ​ടി​യ​ന്ത​ര പ്ര​മേ​യം അ​വ​ത​രി​പ്പി​ച്ച റോ​ജി എം. ​ജോ​ൺ പ​റ​ഞ്ഞു. ഒ​റ്റ​പ്പെ​ട്ട സം​ഭ​വ​മെ​ന്ന് പ​റ​ഞ്ഞ് എ​ല്ലാ​ത്തി​നെ​യും ന്യാ​യീ​ക​രി​ക്കു​ന്ന മു​ഖ്യ​മ​ന്ത്രി ത​ന്നെ​യാ​ണ് സേ​ന​യെ ക്രി​മി​ന​ല്‍കൂ​ട്ട​മാ​ക്കു​ന്ന​ത്. ആ​ഭ്യ​ന്ത​ര വ​കു​പ്പി​ന്‍റെ ക​ടി​ഞ്ഞാ​ണ്‍ മു​ഖ്യ​മ​ന്ത്രി ഏ​റ്റെ​ടു​ക്ക​ണം. അ​ല്ലെ​ങ്കി​ല്‍ ആ​ഭ്യ​ന്ത​ര വ​കു​പ്പി​നെ ഏ​റ്റ​വും കൂ​ടു​ത​ല്‍ കാ​ലം ഭ​രി​ച്ചെ​ന്ന ഖ്യാ​തി മു​ഖ്യ​മ​ന്ത്രി​യു​ടെ പൊ​ളി​റ്റി​ക്ക​ൽ സെ​ക്ര​ട്ട​റി പി. ​ശ​ശി​ക്കാ​കു​മെ​ന്നും റോ​ജി പ​രി​ഹ​സി​ച്ചു.

കോ​ൺ​ഗ്ര​സ് ഭ​രി​ച്ച അ​ടി​യ​ന്ത​രാ​വ​സ്ഥ​ക്കാ​ല​ത്ത് പൊ​ലീ​സ് ക​സ്റ്റ​ഡി​യി​ലെ​ടു​ത്ത പ​ല​രു​ടെ​യും ശ​വ​ശ​രീ​രം പോ​ലും കി​ട്ടി​യി​ട്ടി​ല്ലെ​ന്നും അ​ക്കാ​ല​ത്തെ പൊ​ലീ​സ് ക്രി​മി​ന​ലു​ക​ളെ സം​ര​ക്ഷി​ക്കാ​നാ​ണ് കെ. ​ക​രു​ണാ​ക​ര​ന്റേ​ത​ട​ക്ക​മു​ള്ള കോ​ൺ​ഗ്ര​സ് സ​ർ​ക്കാ​റു​ക​ൾ ശ്ര​മി​ച്ച​തെ​ന്നും കെ.​പി. കു​ഞ്ഞ​ഹ​മ്മ​ദു​കു​ട്ടി തി​രി​ച്ച​ടി​ച്ചു. ന​ക്സ​ൽ വ​ർ​ഗീ​സി​നെ വെ​ടി​വെ​ച്ച് കൊ​ന്ന ഐ.​ജി. ല​ക്ഷ്മ​ണ​യെ​പ്പോ​ലു​ള്ള പു​ഴു​ക്കു​ത്തു​ക​ളെ സം​ര​ക്ഷി​ച്ച ച​രി​ത്ര​മാ​ണ് കോ​ൺ​ഗ്ര​സി​നു​ള്ള​തെ​ന്നും അ​വ​രാ​ണ് പി​ണ​റാ​യി വി​ജ​യ​നെ പ​ഠി​പ്പി​ക്കാ​ൻ വ​രു​ന്ന​തെ​ന്നും അ​ദ്ദേ​ഹം വി​മ​ർ​ശി​ച്ചു.

വ​ല്ല​വ​ന്‍റെ​യും മ​ക്ക​ളെ മൃ​ഗീ​യ​മാ​യി ത​ല്ലി​ച്ച​ത​ച്ചി​ട്ട് നാ​ണ​മി​ല്ലാ​തെ ഭ​ര​ണ​പ​ക്ഷം ന്യാ​യീ​ക​രി​ക്കു​ക​യാ​ണെ​ന്ന് പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ൻ പ​റ​ഞ്ഞു. തോ​ര്‍ത്തി​ല്‍ ക​രി​ക്ക് കെ​ട്ടി​യാ​ണ് അ​ന്തി​ക്കാ​ട്ട് യു​വാ​വി​നെ ഇ​ടി​ച്ച​ത്. പാ​വ​പ്പെ​ട്ട സാ​ധാ​ര​ണ​ക്കാ​രെ സ്‌​റ്റേ​ഷ​നി​ല്‍ കൊ​ണ്ടു​പോ​യി മ​ര്‍ദി​ക്കു​മ്പോ​ള്‍ ടി.​പി. ച​ന്ദ്ര​ശേ​ഖ​ര​നെ 51 വെ​ട്ട് വെ​ട്ടി കൊ​ന്ന ക്രി​മി​ന​ലു​ക​ളെ പ​ഞ്ച​ന​ക്ഷ​ത്ര ഹോ​ട്ട​ലി​ല്‍ കൊ​ണ്ടു​പോ​യി പൊ​ലീ​സ് സ​ല്‍ക്ക​രി​ക്കു​ക​യാ​ണെ​ന്നും സ​തീ​ശ​ന്‍ പ​റ​ഞ്ഞു.

ജ​ന​മൈ​ത്രി സ്റ്റേ​ഷ​നു​ക​ൾ കൊ​ല​മൈ​ത്രി സ്റ്റേ​ഷ​നു​ക​ളാ​യെ​ന്ന് കെ.​കെ. ര​മ ആ​രോ​പി​ച്ചു. പൊ​ലീ​സി​ന്‍റെ മ​നോ​വീ​ര്യ​ത്തേ​ക്കാ​ൾ പ്ര​ധാ​ന​മാ​ണ് സാ​ധാ​ര​ണ​ക്കാ​ര​ന്‍റെ അ​ന്ത​സ്സും അ​ഭി​മാ​ന​വു​മെ​ന്ന് എ​ൻ. ഷം​സു​ദ്ദീ​ൻ പ​റ​ഞ്ഞു. സാ​ധാ​ര​ണ​ക്കാ​ര​ന് ന്യാ​യം ല​ഭി​ക്കാ​ത്ത പൊ​ലീ​സ് കം​പ്ല​യി​ന്‍റ് അ​തോ​റി​റ്റി പി​രി​ച്ചു​വി​ട​ണ​മെ​ന്ന് അ​നൂ​പ് എം. ​ജേ​ക്ക​ബ് ആ​വ​ശ്യ​പ്പെ​ട്ടു.

നി​യ​മം കൈ​യി​ലെ​ടു​ക്കു​ന്ന​വ​രെ നി​യ​ന്ത്രി​ക്കാ​നും ക്ര​മ​സ​മാ​ധാ​നം സം​ര​ക്ഷി​ക്കാ​നും സ്വാ​ഭാ​വി​ക​മാ​യും പൊ​ലീ​സി​ന് ബ​ലം​പ്ര​യോ​ഗി​ക്കേ​ണ്ടി​വ​രു​മെ​ന്നും അ​ത് ജ​ന​ങ്ങ​ൾ​ക്ക് വേ​ണ്ടി​യാ​ണെ​ന്നും ക​ട​കം​പ​ള്ളി സു​രേ​ന്ദ്ര​ൻ പ​റ​ഞ്ഞു. ക​സ്റ്റ​ഡി മ​ർ​ദ​നം സ​ർ​ക്കാ​രും എ​ൽ.​ഡി.​എ​ഫും അം​ഗീ​ക​രി​ക്കി​ല്ല. അ​ത്ത​രം ക്രി​മി​ന​ലു​ക​ളെ സേ​ന​യി​ൽ​നി​ന്ന് പു​റ​ത്താ​ക്കി​യി​ട്ടു​ണ്ടെ​ന്നും അ​ദ്ദേ​ഹം പ​റ​ഞ്ഞു. കോ​ൺ​ഗ്ര​സ് ആ​ഭ്യ​ന്ത​ര വ​കു​പ്പ് കൈ​കാ​ര്യം ചെ​യ്ത​പ്പോ​ഴാ​ണ് കേ​ര​ള​ത്തി​ൽ വ​ർ​ഗീ​യ ല​ഹ​ള​ക​ളും ക​ലാ​പ​വും പൊ​ട്ടി​പ്പു​റ​പ്പെ​ട്ട​തെ​ന്നും നി​ര​പ​രാ​ധി​ക​ളെ വെ​ടി​വെ​ച്ച് കൊ​ന്ന​തെ​ന്നും ഇ. ​ച​ന്ദ്ര​ശേ​ഖ​ര​ൻ ചൂ​ണ്ടി​ക്കാ​ട്ടി.

ജ​ന​ങ്ങ​ൾ​ക്ക് വേ​ണ്ടി താ​ൽ​പ​ര്യ​പൂ​ർ​വം ഇ​ട​പെ​ടു​ന്ന പൊ​ലീ​സു​കാ​രാ​ണ് സേ​ന​യി​ൽ മ​ഹാ​ഭൂ​രി​പ​ക്ഷ​മെ​ന്നും താ​ൽ​ക്കാ​ലി​ക രാ​ഷ്ട്രീ​യ ലാ​ഭ​ത്തി​നു​വേ​ണ്ടി അ​തി​നെ മ​റ്റ് രീ​തി​യി​ൽ ചി​ത്രീ​ക​രി​ക്കാ​ൻ ശ്ര​മി​ക്കു​ന്ന​ത് ന​ല്ല​ത​ല്ലെ​ന്നും മു​ഖ്യ​മ​ന്ത്രി പ​റ​ഞ്ഞു.