നമ്മുടെ, അവരുടെ, ആരുടെ ചരിത്രം

ച​രി​ത്രം വെ​ട്ടി​ത്തി​രു​ത്ത​പ്പെ​ടു​ക​യും വ്യാ​ജ ആ​ഖ്യാ​ന​ങ്ങ​ൾ ച​രി​ത്ര​മെ​ന്ന പേ​രി​ൽ അ​ടി​ച്ചേ​ൽ​പി​ക്ക​പ്പെ​ടു​ക​യും ചെ​യ്യു​ന്ന കാ​ല​ത്ത് ഒ​രു ധീ​ര​മാ​യ ഇ​ട​പെ​ട​ൽ. എ​തി​ർ​പ്പു​ക​ളെ​യും ഭീ​ഷ​ണി​ക​ളെ​യും അ​തി​ജ​യി​ച്ച് നാം ​ജീ​വി​ക്കു​ന്ന കാ​ല​ത്തെ സ​മാ​ദ​ര​ണീ​യ ച​രി​ത്ര​കാ​രി പ്ര​ഫ. റൊ​മി​ല ഥാ​പ്പ​ർ ന​ട​ത്തി​യ ഡോ. ​സി.​ഡി. ദേ​ശ് മു​ഖ് സ്മാ​ര​ക പ്ര​ഭാ​ഷ​ണം

ആ​ധു​നി​ക യൂ​റോ​പ്പി​ലെ സ​ർ​വാ​ദ​ര​ണീ​യ ച​രി​ത്ര​കാ​ര​ൻ എ​റി​ക് ഹോ​ബ്‌​സ്ബാം ദേ​ശീ​യ​ത​യു​മാ​യു​ള്ള ച​രി​ത്ര​ത്തി​ന്റെ ബ​ന്ധ​ത്തെ​ക്കു​റി​ച്ച് അ​ഭി​പ്രാ​യ​പ്പെ​ട്ട​ത്, സ​മൂ​ഹം ദേ​ശീ​യ​ത​യെ പ​രി​പോ​ഷി​പ്പി​ക്കു​മ്പോ​ൾ ച​രി​ത്രം സ​മൃ​ദ്ധ​മാ​യി​ത്തീ​രു​ന്നു​വെ​ന്നാ​ണ്. ഹെ​റോ​യി​ന് അ​ടി​പ്പെ​ട്ട ഒ​രു വ്യ​ക്തി​ക്ക് ക​റു​പ്പു​ചെ​ടി എ​പ്ര​കാ​ര​മാ​ണോ, അ​തി​ന് സ​മാ​ന​മാ​ണ് ഒ​രു ദേ​ശീ​യ​താ​വാ​ദി​ക്ക് ച​രി​ത്ര​മെ​ന്നാ​ണ് അ​ദ്ദേ​ഹം ത​ന്റെ പു​സ്ത​ക​ത്തി​ൽ എ​ഴു​തി​യ​ത്. ച​രി​ത്ര​വും ദേ​ശീ​യ​ത​യും ത​മ്മി​ലെ ബ​ന്ധം സം​ബ​ന്ധി​ച്ച ഏ​റ്റ​വും സ​മ​ർ​ഥ​മാ​യ നി​ർ​വ​ച​ന​മാ​യാ​ണ് ഞാ​ന​തി​നെ കാ​ണു​ന്ന​ത്.

ഈ ​ആ​ശ്രി​ത​ത്വം തി​രി​ച്ച​റി​യു​ക​യും വി​ശ​ക​ല​നം ചെ​യ്യു​ക​യും വേ​ണ​മെ​ന്ന് ഞാ​ൻ കൂ​ട്ടി​ച്ചേ​ർ​ക്കു​ന്നു. കാ​ര്യ​ങ്ങ​ളെ പു​രാ​ത​ന ഭൂ​ത​കാ​ല​ത്തി​ൽ പ്രതിഷ്ഠി​ക്കു​മ്പോ​ൾ പൊ​തു​വേ അ​തി​ന്റെ പ​ദ​വി​യി​ലും ഉ​യ​ർ​ച്ച​യു​ണ്ടാ​വു​ന്നു. പി​ന്നീ​ട് തെ​ളി​വു​ക​ളും കൃ​ത്യ​ത​യും ഉ​റ​പ്പാ​ക്കി അ​വ​ക്ക് നി​യ​മ​സാ​ധു​ത ന​ൽ​കേ​ണ്ട​തു​ണ്ട്. ക​റു​പ്പ് ചെ​ടി​യെ​ക്കു​റി​ച്ച് കേ​ൾ​ക്കു​മ്പോ​ൾ ഹെ​റോ​യി​ൻ അ​ടി​മ​യു​ടെ മ​ന​സ്സി​ൽ ഗം​ഭീ​ര​മാ​യ ഒ​രു ഭൂ​ത​കാ​ല​ത്തെ​ക്കു​റി​ച്ചു​ള്ള ഭ്ര​മ​ക​ൽ​പ​ന ആ​വാ​ഹി​ക്ക​പ്പെ​ടു​ന്നു. വ​ർ​ത്ത​മാ​ന​​ത്തെ ഭ്ര​മ​ക​ൽ​പ​ന പോ​ഷി​പ്പി​ക്കു​ന്നു. യ​ഥാ​ർ​ഥ ച​രി​ത്ര​വും അ​തി​ന് വി​പ​രീ​ത​മാ​യ ഇ​ന്ന​ത്തെ ഇ​ന്ത്യ​യി​ലെ സാ​ങ്ക​ൽ​പി​ക ച​രി​ത്ര​വും പ​രി​ചി​ത​മാ​യ ആ​ളു​ക​ൾ​ക്ക് ആ ​സ​മാ​ന്ത​ര​ത്തെ തി​രി​ച്ച​റി​യാ​നാ​വും.

ച​രി​ത്ര​വും ദേ​ശീ​യ​ത​യും ത​മ്മി​ലു​ള്ള ബ​ന്ധ​ത്തെ​ക്കു​റി​ച്ചും, ദേ​ശീ​യ​വാ​ദ ആ​ഖ്യാ​ന​ങ്ങ​ളെ നി​യ​മാ​നു​സൃ​ത​മാ​ക്കു​ന്ന​തി​ൽ ച​രി​ത്രം കു​ടു​ങ്ങി​പ്പോ​യ​തി​ന്റെ കാ​ര​ണ​ത്തെ​ക്കു​റി​ച്ചു​മാ​ണ് ഞാ​ൻ പ​റ​യു​ന്ന​ത്. പ​ല ച​രി​ത്ര​പണ്ഡിത​​രും ഇ​തി​ന​കം ചോ​ദ്യം ചെ​യ്ത കാ​ര്യ​മാ​ണി​ത്.

ന​മ്മു​ടേ​ത് പോ​ലെ​യു​ള്ള ദീ​ർ​ഘ​കാ​ല സം​സ്കാ​ര​ങ്ങ​ൾ​പോ​ലും ച​രി​ത്ര​പ​ര​മാ​യ വ​ലി​യ മാ​റ്റ​ങ്ങ​ളു​ടെ ആ​ശ​യ​ങ്ങ​ളാ​ൽ അ​ട​യാ​ള​പ്പെ​ടു​ത്ത​പ്പെ​ട്ടി​ട്ടു​ണ്ട്. ഈ ​അ​ട​യാ​ള ചി​ഹ്ന​ങ്ങ​ളാ​ണ് ന​മ്മു​ടെ സ​മൂ​ഹ​ങ്ങ​ളെ മാ​റ്റി​മ​റി​ച്ച​ത്. ഈ ​മാ​റ്റ​ങ്ങ​ൾ ഏ​ക​പ​ക്ഷീ​യ​മ​ല്ല. ദേ​ശീ​യ​ത​ത​ന്നെ മാ​റ്റ​ത്തി​ന്റെ പ്ര​ധാ​ന ആ​ശ​യ​ങ്ങ​ളി​ൽ ഒ​ന്നാ​ണ്.

നി​ർ​വ​ച​ന പ്ര​കാ​രം, ദേ​ശീ​യ​ത അ​തി​ന്റെ ബ​ഹു​വി​ധ ആ​വ​ശ്യ​ക​ത​ക​ൾ​ക്കൊ​പ്പം ഒ​രു പു​തി​യ സ​മൂ​ഹ​ത്തെ സൃ​ഷ്ടി​ക്കു​ന്ന ഒ​രു ദേ​ശീ​യ പ്ര​സ്ഥാ​ന​ത്തി​ൽ മു​ഴു​വ​ൻ പൗ​ര​രെ​യും ഒ​രു​മി​പ്പി​ച്ചു​കൊ​ണ്ടു​പോ​ക​ണം. മു​ഴു​വ​ൻ ജ​ന​ത​യെ​യും എ​ന്ന് പ​റ​യു​മ്പോ​ൾ ഞാ​ൻ പെ​രു​പ്പി​ച്ച് പ​റ​യു​ന്ന​താ​യി തോ​ന്നി​യേ​ക്കാം, വ​ള​​രെ കു​റ​ച്ചു മാ​ത്ര​മേ ഞാ​ൻ പെ​രു​പ്പി​ക്കു​ന്നു​ള്ളൂ. ദേ​ശീ​യ​ത എ​ന്ന​ത് സ്വീ​ക​രി​ക്ക​പ്പെ​ടു​മ്പോ​ൾ, പ​ഴ​യ സാ​മൂ​ഹി​ക വ്യ​വ​സ്ഥ​യെ അ​വ​സാ​നി​പ്പി​ച്ച് നി​ല​വി​ലു​ള്ള സ​മൂ​ഹ​ത്തി​ൽ വി​പ്ല​വം സൃ​ഷ്ടി​ക്കു​ന്ന മൂ​ല്യ​ങ്ങ​ളും ഘ​ട​ന​ക​ളു​മു​ള്ള ഒ​രു ബ​ദ​ൽ സ​മൂ​ഹ​ത്തെ കൊ​ണ്ടു​വ​രു​ന്ന ആ​ശ​യ​മാ​ണ്. ദേ​ശീ​യ​താ ത​ത്ത്വ​ങ്ങ​ൾ​ക്ക് പു​രാ​ത​ന ഭൂ​ത​കാ​ല​ത്തി​ൽ വേ​രു​ക​ളി​ല്ല, കാ​ര​ണം അ​വ സൃ​ഷ്ടി​ക്കു​ന്ന പു​തി​യ സ​മൂ​ഹം നി​ല​വി​ലെ ആ​വ​ശ്യ​ക​ത​ക​ളോ​ടു​ള്ള പ്ര​തി​ക​ര​ണ​മാ​ണ്, അ​ല്ലാ​തെ പ​ണ്ടേ​ക്കു​പ​ണ്ടേ ക​ഴി​ഞ്ഞു​പോ​യ വിഷയങ്ങ​ളോ​ടു​ള്ള​ത​ല്ല.

ദേ​ശീ​യ​ത അ​നു​മാ​നി​ക്ക​പ്പെ​ടു​ന്ന​ത് അ​ത് പ്ര​ഥ​മ​മാ​യും ഗ​ണ്യ​മാ​യ തോ​തി​ലും സ​മു​ദാ​യ​ങ്ങ​ളു​ടെ ഐ​ക്യം കൊ​ണ്ടു​വ​രു​ന്നു എ​ന്നാ​ണ്. പു​തു​താ​യി രൂ​പം കൊ​ള്ളു​ന്ന ഘ​ട​ന​യോ​ട്, അ​താ​യ​ത് ദേ​ശ​രാ​ഷ്ട്ര​ത്തോ​ടാ​ണ് അ​വ​യു​ടെ കൂ​റ്. അ​വ​രു​ടെ വി​ശ്വ​സ്ത​ത ഒ​രു പു​തി​യ ഘ​ട​ന​യോ​ടു​ള്ള​താ​ണ്, അ​താ​യ​ത് ദേ​ശീ​യ-​രാ​ഷ്ട്രം. ഐ​ക്യ​പ്പെ​ടു​ത്ത​ലി​ന്റെ ഒ​രേ​യൊ​രു ല​ക്ഷ്യം രാ​ഷ്ട്ര​നി​ർ​മി​തി​യാ​ണ്. അ​താ​യ​ത് പൗ​ര​ജ​ന​ങ്ങ​ൾ ഒ​ത്തു​ചേ​ർ​ന്ന് ഒ​രൊ​റ്റ ദേ​ശീ​യ സ്വ​ത്വം കെ​ട്ടി​പ്പ​ടു​ക്കു​ന്നു. കൊ​ളോ​ണി​യ​ൽ നി​യ​ന്ത്ര​ണ​ത്തി​ൽ​നി​ന്ന് മോ​ചി​ത​രാ​യ, സ്വ​ത​ന്ത്ര പൗ​ര​രെ ഉ​ൾ​ക്കൊ​ള്ളു​ന്ന ഒ​രു രാ​ജ്യം സ്ഥാ​പി​ക്കാ​ൻ ഇ​ന്ത്യ​ൻ ദേ​ശീ​യ പ്ര​സ്ഥാ​നം പോ​രാ​ടി​യ​തു​പോ​ലെ.

എ​ന്നാ​ൽ, ദേ​ശീ​യ​ത​ക്ക് ഏ​കീ​കൃ​ത സ്വ​ത്വ​മെ​ന്നോ ബ​ഹു​വി​ധ സ്വ​ത്വ​ങ്ങ​ളെ​ന്നൊ ഒ​ക്കെ നി​ലവി​ൽ വ്യ​ത്യ​സ്ത രൂ​പ​ങ്ങ​ൾ ഉ​ണ്ടാ​കാം. ഇ​ന്ത്യ​യി​ൽ കൊ​ളോ​ണി​യ​ൽ നി​ർ​മി​തി​ക​ളാ​ൽ വേ​ർ​തി​രി​ക്ക​പ്പെ​ട്ട ര​ണ്ട് പു​തു ദേ​ശീ​യ​ത​ക​ൾ മു​സ്‍ലിം, ഹി​ന്ദു എ​ന്നി​ങ്ങ​നെ മ​ത​പ​ര​മാ​യാ​ണ് അ​ട​യാ​ള​പ്പെ​ടു​ത്ത​പ്പെ​ട്ട​ത്. വ്യ​ത്യ​സ്ത​മാ​യ ഈ ​ദേ​ശീ​യ​ത​ക​ൾ​ക്ക് വ്യ​ത്യ​സ്ത​മാ​യ ഉ​ദ്ദേ​ശ്യ​ങ്ങ​ളു​മു​ണ്ട്.

ഏ​കീ​കൃ​ത രൂ​പ​ത്തി​ൽ എ​ല്ലാ പൗ​ര​ജ​ന​ങ്ങ​ളും ​കൊ​ളോ​ണി​യ​ൽ വി​രു​ദ്ധ​ത എ​ന്ന ഉ​ദ്ദേ​ശ്യ​ത്തി​ൽ ആ​ക​ർ​ഷി​ക്ക​പ്പെ​ട്ടു. അ​തേ​സ​മ​യം ബ​ഹു​വി​ധ രൂ​പ​ത്തി​ൽ നി​ർ​ദി​ഷ്ട​മാ​യ ഐ​ഡ​ന്റി​റ്റി​ക​ൾ വേ​ർ​തി​രി​ക്ക​പ്പെ​ട്ടു. അ​വ​യു​ടെ അ​ജ​ണ്ട​ക​ൾ ര​ണ്ട് പു​തി​യ ദേ​ശീ​യ-​രാ​ഷ്ട്ര​ങ്ങ​ൾ സൃ​ഷ്ടി​ക്കു​ന്ന​തു​മാ​യി ബ​ന്ധ​പ്പെ​ട്ട് വ്യ​ത്യ​സ്ത​മാ​യി​രു​ന്നു.

അ​പ്പോ​ൾ ഏ​കീ​കൃ​ത ദേ​ശീ​യ​ത കെ​ട്ടി​പ്പ​ടു​ക്കാ​ൻ ഉ​ദ്ദേ​ശി​ച്ച സ​മൂ​ഹം എ​ന്താ​യി​രു​ന്നു? പ​ഴ​യ നാ​ട്ടു​രാ​ജ്യ​ങ്ങ​ളി​ൽ​നി​ന്നും കോ​ള​നി​യി​ൽ​നി​ന്നും മാ​റി ഒ​രു സ്വ​ത​ന്ത്ര ദേ​ശ​രാ​ഷ്ട്രം ഉ​യ​ർ​ന്നു​വ​ന്ന​പ്പോ​ൾ ഏ​കീ​കൃ​ത ദേ​ശീ​യ​ത​ക്ക് ജ​നാ​ധി​പ​ത്യ​ത്തി​ന്റെ​യും മ​തേ​ത​ര​ത്വ​ത്തി​ന്റെ​യും അവ​ശ്യ​മാ​യ സാ​ന്നി​ധ്യം ഉ​ണ്ടാ​യി​രു​ന്നു. എ​ല്ലാ വ്യ​ക്തി​ക​ൾ​ക്കും തു​ല്യ​പ​ദ​വി​യും ദേ​ശ​രാ​ഷ്ട്ര​ത്തി​ലെ പൗ​ര​ർ എ​ന്ന നി​ല​യി​ൽ തു​ല്യാ​വ​കാ​ശ​ങ്ങ​ളു​മു​ണ്ടാ​യി​രു​ന്നു.

പൗ​ര​രു​ടെ അ​വ​കാ​ശ​ങ്ങ​ൾ ഉ​റ​പ്പി​ക്കു​ന്ന​തി​ന് ജ​നാ​ധി​പ​ത്യ​വും മ​ത​നി​ര​പേ​ക്ഷ​ത​യും അ​നി​വാ​ര്യ​മാ​ണ്. മു​മ്പ് നി​ല​വി​ലി​ല്ലാ​ത്ത​വ​യാ​യി​രു​ന്നു ഈ ​അ​വ​കാ​ശ​ങ്ങ​ൾ. പ​ഴ​യ​കാ​ല സ​മൂ​ഹ​ങ്ങ​ൾ അ​തീ​വ വി​ര​ള​മാ​യി മാ​​ത്ര​മേ എ​ല്ലാ വ്യ​ക്തി​ക​ൾ​ക്കും തു​ല്യ​രാ​വാ​നു​ള്ള അ​വ​കാ​ശ​മോ സ്വാ​ത​ന്ത്ര്യ​മോ ന​ൽ​കി​യി​രു​ന്നു​ള്ളൂ. ധ​ർ​മ​ശാ​സ്ത്ര​ങ്ങ​ളി​ലെ ജാ​തി നി​യ​മ​ങ്ങ​ൾ അ​ത്ത​രം അ​സ​മ​ത്വ​ങ്ങ​ൾ​ക്ക് അ​ടി​വ​ര​യി​ടു​ന്നു, സ്വാ​ത​ന്ത്ര്യ​ത്തി​ന്റെ അ​ഭാ​വ​വും വ്യ​ക്ത​മാ​ക്കു​ന്നു.

ഒ​രു ദേ​ശീ​യ രാ​ഷ്ട്രം നി​ല​വി​ൽ വ​രു​ന്നി​ട​ത്ത്, ജ​ന​ങ്ങ​ൾ ഒ​രു ഭ​ര​ണാ​ധി​കാ​രി​യു​ടെ​യോ രാ​ജ്യ​ത്തി​ന്റെ​യോ പ്ര​ജ​ക​ൾ എ​ന്ന അ​വ​സ്ഥ​യി​ൽ​നി​ന്ന് മാ​റു​ക​യും ഭ​ര​ണ​കൂ​ട​ത്തി​ലെ പൗ​ര​ജ​ന​ങ്ങ​ളാ​യി​ത്തീ​രു​ക​യും ചെ​യ്യു​ന്നു. ഒ​രു മാ​തൃ​ക വ്യ​വ​സ്ഥ​യെ​ന്ന നി​ല​യി​ലാ​ണ് ജ​നാ​ധി​പ​ത്യം സ്വീ​ക​രി​ക്ക​പ്പെ​ടു​ന്ന​ത്.

വി​വി​ധ ഭ​ര​ണ​കൂ​ട സ്ഥാ​പ​ന​ങ്ങ​ളി​ൽ പ്ര​തി​നി​ധാ​നം​ചെ​യ്യ​പ്പെ​ടു​ന്ന ജ​ന​ങ്ങ​ളു​ടെ അ​ഭി​ലാ​ഷ​ങ്ങ​ളു​മാ​യി ബ​ന്ധ​പ്പെ​ട്ടാ​ണ് ഭ​ര​ണം ന​ട​ക്കു​ന്ന​ത് എ​ന്നാ​ണ് ഇ​ത് സൂ​ചി​പ്പി​ക്കു​ന്ന​ത്. ഭ​രി​ക്കു​ന്ന​വ​രു​ടെ കൈ​യി​ല​ല്ല, മ​റി​ച്ച് പൗ​ര​ജ​ന​ങ്ങ​ളെ പ്ര​തി​നി​ധാ​നം​ചെ​യ്യു​ന്ന ജു​ഡീ​ഷ്യ​റി, ലെ​ജി​സ്ലേ​ച്ച​ർ, എ​ക്സി​ക്യൂ​ട്ടി​വ് എ​ന്നീ ഏ​ജ​ൻ​സി​ക​ളി​ലാ​ണ് അ​ധി​കാ​രം കു​ടി​കൊ​ള്ളു​ന്ന​ത്. സ​ർ​ക്കാ​റി​ന്റെ പ്ര​വ​ർ​ത്ത​ന​ങ്ങ​ൾ ഭ​ര​ണാ​ധി​കാ​രി​യു​ടെ ത​ന്നി​ഷ്ട​പ്ര​കാ​ര​മ​ല്ല, മ​റി​ച്ച് ഭ​ര​ണ​ഘ​ട​ന അ​തോ​റി​റ്റി​യു​ടെ നി​ർ​ദേ​ശാ​നു​സാ​ര​മാ​യി​രി​ക്ക​ണം. ഭ​ര​ണ​വും പ്ര​വ​ർ​ത്ത​ന​വും സം​ബ​ന്ധി​ച്ച ച​ട്ട​ങ്ങ​ളും നി​യ​മ​ങ്ങ​ളു​മെ​ല്ലാം ഭ​ര​ണ​ഘ​ട​ന​യി​ൽ രേ​ഖ​പ്പെ​ടു​ത്തി​വെ​ച്ചി​ട്ടു​ണ്ടാ​വും.

ദേ​ശീ​യ​ത ഏ​കീ​കൃ​ത​മാ​കു​മ്പോ​ൾ കൊ​ളോ​ണി​യ​ൽ വി​രു​ദ്ധ ഇ​ന്ത്യ​ൻ ദേ​ശീ​യ​ത​യെ​പ്പോ​ലെ ജ​ന​ങ്ങ​ളെ ഒ​ന്നി​പ്പി​ക്ക​ണം. വേ​ർ​തി​രി​ക്ക​പ്പെ​ട്ട ദേ​ശീ​യ​ത​യു​ടെ മ​റ്റ് വി​ഭാ​ഗ​ങ്ങ​ൾ പൗ​ര​രെ ഏ​കീ​ക​രി​ക്കാ​ൻ ഉ​ദ്ദേ​ശി​ച്ചു​ള്ള​ത​ല്ല, മ​റി​ച്ച് അ​വ​രെ സ്വ​ത്വ​ങ്ങ​ൾ അ​നു​സ​രി​ച്ച് വേ​ർ​തി​രി​ക്കാ​ൻ ല​ക്ഷ്യ​മി​ട്ടു​ള്ള​താ​ണ്. ഈ ​വേ​ർ​തി​രി​വി​ൽ ഭൂ​രി​പ​ക്ഷ​മാ​യി ക​ണ​ക്കാ​ക്കു​ന്ന ഗ്രൂ​പ്പി​ന് പ്ര​ഥ​മ​പ​ദ​വി ന​ൽ​കു​ന്നു. ഇ​താ​ണ് മൗ​ലി​ക​മാ​യ വ്യ​ത്യാ​സം. ര​ണ്ടു​വി​ധം ദേ​ശീ​യ​ത​ക​ളു​ടെ​യും അ​ജ​ണ്ട​ക​ളെ വേ​ർ​തി​രി​ച്ചു​ത​ന്നെ മ​ന​സ്സി​ലാ​ക്കേ​ണ്ട​തു​ണ്ട്.

ച​രി​ത്ര​ത്തി​ലേ​ക്കു​ള്ള വ​ഴി​ത്തി​രി​വാ​ണ് ഇ​ത്. ഓ​രോ സ്വ​ത്വ​ങ്ങ​ളും അ​വ​യു​ടെ ച​രി​ത്ര​വും ചി​ര​പു​രാ​ത​ന​കാ​ലം മു​ത​ലു​ള്ള നി​യ​മ​സാ​ധു​ത അ​വ​കാ​ശ​പ്പെ​ടു​ന്നു. എ​ത്ര​മാ​ത്രം പ​ഴ​കി​യ​​താ​ണോ അ​ത്ര​മേ​ൽ മ​ഹ​ത്ത്വ​മേ​റി​യ​ത് എ​ന്നാ​ണ് ഈ ​അ​വ​കാ​ശ​വാ​ദം.

വേ​ർ​പി​രി​ഞ്ഞ​തും വൈ​വി​ധ്യ​മാ​ർ​ന്ന​തു​മാ​യ ദേ​ശീ​യ​ത​യു​ടെ ആ​വി​ർ​ഭാ​വ​ത്തോ​ടെ​യാ​ണ്, ച​രി​ത്ര ഗ​വേ​ഷ​ണ​ത്തി​ലെ രീ​തി​ശാ​സ്ത്ര​പ​ര​മാ​യ കൃ​ത്യ​ത​യെ അ​ടി​സ്ഥാ​ന​മാ​ക്കു​ന്ന പ്ര​ഫ​ഷ​ന​ൽ ച​രി​ത്ര​പണ്ഡിതരും ഗ​വേ​ഷ​ണ​മേ​തും ന​ട​ത്താ​ത്ത, പ​രി​ശീ​ല​നം സി​ദ്ധി​ച്ചി​ട്ടി​ല്ലാ​ത്ത ച​രി​ത്ര​ംപറച്ചിലുകാ​രും ത​മ്മി​ൽ വ്യ​ത്യാ​സ​വും ചി​ല സ​ന്ദ​ർ​ഭ​ങ്ങ​ളി​ൽ ഏ​റ്റു​മു​ട്ട​ലും ഉ​ണ്ടാ​കു​ന്ന​ത്, അ​വി​ടെ​യും ഉ​ദ്ദേ​ശ്യ​ങ്ങ​ൾ വ്യ​ത്യ​സ്ത​മാ​ണ്. ബ​ഹു​രൂ​പ വി​ഭാ​ഗം കൂ​ടു​ത​ലാ​യും പൊ​തു​പി​ന്തു​ണ​യെ​യാ​ണ് ആ​ശ്ര​യി​ക്കു​ന്ന​ത്, ഒ​പ്പം പൗ​ര​ജ​ന​ങ്ങ​ളി​ലെ ഭൂ​രി​പ​ക്ഷ​ത്തി​ന്റെ ആ​വ​ശ്യ​ങ്ങ​ൾ​ക്ക​നു​സൃ​ത​മാ​യി ച​രി​ത്ര​ത്തെ മാ​റ്റി​പ്പ​ണി​യു​ക​യും ചെ​യ്യു​ന്നു. അ​വ​രി​ൽ​നി​ന്ന് ഭി​ന്ന​മാ​യ സ​മൂ​ഹ​ത്തി​ന് പൗ​ര​ജ​ന​ങ്ങ​ൾ എ​ന്ന നി​ല​യി​ൽ കു​റ​ഞ്ഞ അ​വ​കാ​​ശ​ങ്ങ​ളേ ഉ​ണ്ടാ​വൂ. നി​ല​വി​ലെ ഭൂ​രി​പ​ക്ഷ​ത്തി​ന്റെ​യും ദേ​ശീ​യ​ത​യു​ടെ രൂ​പ​ത്തി​ന്റെ​യും പ്രാ​മു​ഖ്യ​ത്തെ സാ​ധൂ​ക​രി​ക്കു​ന്ന​തി​ന് ച​രി​ത്രം നി​ർ​ണാ​യ​ക​മാ​കു​ന്നു. മു​ൻ​കാ​ല​ങ്ങ​ളി​ൽ, ച​രി​ത്ര​ത്തി​ന്റെ വി​വി​ധ രൂ​പ​ത്തി​ലെ പ​ഠ​ന​വും ര​ച​ന​യും പ്ര​ഫ​ഷ​ന​ൽ ച​രി​ത്ര​ സമൂഹത്തിനിട​യി​ൽ നി​ന്ന് ഉ​യ​ർ​ന്നു​വ​ന്ന പ​ണ്ഡി​ത​ർ​ക്ക് വി​ട്ടു​കൊ​ടു​ത്തി​രു​ന്നു.

സാ​വ​ധാ​നം, വാ​യ​ന സ്രോ​ത​സ്സു​ക​ളി​ലും പ​ഠ​ന സ​മ്പ്ര​ദാ​യ​ത്തി​ലും വി​ശ​ക​ല​ന​ത്തി​ലും രീ​തി​ശാ​സ്ത്ര​ത്തി​ലും പ​രി​ശീ​ല​നം ആ​വ​ശ്യ​പ്പെ​ടു​ന്ന സാ​മൂ​ഹി​ക ശാ​സ്ത്ര​മാ​യി ച​രി​ത്ര​ത്തി​ന് ഒ​രു മാ​റ്റം ഉ​ണ്ടാ​യി. തെ​ളി​വു​ക​ളു​ടെ വി​ശ്വാ​സ്യ​ത നി​ർ​ണാ​യ​ക​മാ​യ സ​വി​ശേ​ഷ​മാ​യ ഒ​രു വി​ഷ​യ​മാ​ണ് ച​രി​ത്ര​മി​പ്പോ​ൾ. ഏ​റെ ആ​വ​ശ്യ​ക​ര​മാ​യ ഘ​ട​ക​മെ​ന്ന നി​ല​യി​ൽ ഇ​ക്കാ​ര്യം ആ​വ​ർ​ത്തി​ച്ചാ​വ​ർ​ത്തി​ച്ച് പ​റ​യാ​ൻ ഞാ​ൻ ആ​ഗ്ര​ഹി​ക്കു​ന്നു.

ച​രി​​ത്ര​പ​ഠ​ന​ത്തി​ൽ മ​ത​ബോ​ധ​ന ചോ​ദ്യാ​വ​ലി​യി​ല്ല. നി​ല​വി​ൽ പ​രി​ശീ​ല​നം സി​ദ്ധി​ച്ച പ്ര​ഫ​ഷ​ന​ൽ ച​രി​ത്ര​പണ്ഡിതർ എ​ഴു​തി​യ ച​രി​ത്ര​മു​ണ്ട്, ഒ​പ്പം വി​വി​ധ സ്വ​ത്വ​ങ്ങ​ളി​ൽ ഒ​ന്നാം സ്ഥാ​നം നേ​ടി​യെ​ടു​ക്കാ​ൻ മ​ത്സ​രി​ക്കു​ന്ന വ്യ​ത്യ​സ്ത വി​ഭാ​ഗ​ങ്ങ​ൾ ഭൂ​ത​കാ​ല​ത്തെ​ക്കു​റി​ച്ച് മു​ന്നോ​ട്ടു​വെ​ക്കു​ന്ന വീ​ക്ഷ​ണ​ങ്ങ​ളു​മു​ണ്ട്.

ആ വീ​ക്ഷ​ണ​ങ്ങ​ളെ പ്ര​ഫ​ഷ​ന​ൽ ച​രി​ത്ര​പണ്ഡിതർ ചോ​ദ്യം ചെ​യ്യു​ക​യും അ​വ​ർ അ​വ​ത​രി​പ്പി​ക്കു​ന്ന വി​വ​ര​ങ്ങ​ൾ തെ​റ്റാ​ണെ​ന്ന് വ്യ​ക്ത​മാ​ക്കു​ക​യും ചെ​യ്യു​ന്നു​ണ്ട്. ച​രി​ത്ര​ത്തെ​ക്കു​റി​ച്ച് പ്ര​ഖ്യാ​പ​ന​ങ്ങ​ൾ ന​ട​ത്തു​ന്ന പ​ല​ർ​ക്കും അ​തി​നാ​വ​ശ്യ​മാ​യ ഒ​രു​വി​ധ പ​രി​ശീ​ല​ന​വും ല​ഭി​ച്ചി​ട്ടി​ല്ലെ​ങ്കി​ലും തി​ക​ഞ്ഞ ആ​ത്മ​വി​ശ്വാ​സ​ത്തോ​ടെ​യാ​ണ് അ​വ​ർ ഭൂ​ത​കാ​ല​ത്തെ​ക്കു​റി​ച്ച് സം​സാ​രി​ക്കു​ന്ന​ത്. അ​വ പ​ല​തും കേ​ട്ടു​കേ​ൾ​വി​യെ​യോ സ്വ​ന്തം ഭാ​വ​ന​യെ​യോ അ​ടി​സ്ഥാ​ന​മാ​ക്കി രൂ​പം ന​ൽ​കി​യ വീ​ക്ഷ​ണ​ങ്ങ​ളാ​ണ്.

അ​വ​രെ സം​ബ​ന്ധി​ച്ചി​ട​ത്തോ​ളം ച​രി​ത്ര​മെ​ന്നാ​ൽ വെ​റു​മൊ​രു ക​ഥ മാ​ത്ര​മാ​ണ്. ഞാ​നോ നി​ങ്ങ​ളോ മ​റ്റാ​രെ​ങ്കി​ലു​മോ വി​വ​രി​ക്കു​ന്ന വെ​റു​മൊ​രു പ​ഴ​ങ്ക​ഥ. ക​ഥ കെട്ടിയുണ്ടാക്കൽ ന​ല്ല ര​സ​മു​ള്ള കാ​ര്യ​മാ​ണ്. ഉ​റ​ക്കാ​ൻ കി​ട​ത്തു​ന്ന നേ​ര​ത്ത് കു​ഞ്ഞു​ങ്ങ​ൾ​ക്ക് ക​ഥ പ​റ​ഞ്ഞു കൊ​ടു​ക്കു​ന്ന​തി​ന്റെ ആ​ന​ന്ദം ന​മു​ക്കെ​ല്ലാ​വ​ർ​ക്കും അ​റി​യാ​വു​ന്ന​താ​ണ​ല്ലോ. പ​ക്ഷേ, ഈ ​ക​ഥ​ക​ൾ ആ​ധി​കാ​രി​ക​മാ​ണ് എ​ന്ന് അ​വ​കാ​ശ​പ്പെ​ട​ണ​മെ​ങ്കി​ൽ അ​വ തെ​ളി​യി​ക്ക​പ്പെ​ട്ടേ മ​തി​യാ​വു. അ​ല്ലാ​തെ നേ​രം​പോ​ക്കി​ന് വേ​ണ്ടി​യു​ള്ള വെ​റു​മൊ​രു വി​നോ​ദ​മാ​ക്കി​ക്കൂ​ടാ. പ്ര​ത്യേ​കി​ച്ച് അ​വ നി​ല​വി​ലെ ഏ​റ്റ​വും സ്വാ​ധീ​ന​മു​ള്ള ക​ഥ​പ​റ​ച്ചി​ലു​കാ​രു​ടെ- എ​ല്ലാ​ത്ത​രം മാ​ധ്യ​മ​ങ്ങ​ളു​ടെ​യും മു​ഖ്യ​വി​ഷ​യ​മാ​കു​ന്നു എ​ന്നി​രി​ക്കെ.

(തു​ട​രും)