Begin typing your search above and press return to search.
exit_to_app
exit_to_app
Homechevron_rightTECHchevron_rightഭിന്നതകള്‍ മറന്നു;...

ഭിന്നതകള്‍ മറന്നു; ജനകീയ വിഷയങ്ങളില്‍ കൈകോര്‍ക്കാന്‍ അവര്‍ ഒത്തുചേര്‍ന്നു

text_fields
bookmark_border
ഭിന്നതകള്‍ മറന്നു; ജനകീയ വിഷയങ്ങളില്‍ കൈകോര്‍ക്കാന്‍ അവര്‍ ഒത്തുചേര്‍ന്നു
cancel

തിരുവനന്തപുരം: പരസ്പരം പോരടിച്ചവ൪ ഒരുകുടക്കീഴിൽ സമ്മേളിച്ചപ്പോൾ അത് രാഷ്ട്രീയവൈരം മറന്ന പുതുസംഗമമായി. സംസ്ഥാന യുവജനക്ഷേമ ബോ൪ഡ് യുവ രാഷ്ട്രീയ നേതൃത്വങ്ങൾക്കായി സംഘടിപ്പിച്ച ‘സക൪മ 2013’ ആണ് വേറിട്ട അനുഭവങ്ങൾ പങ്കിട്ട വേദിയായത്.
സാമൂഹിക- രാഷ്ട്രീയ വിഷയങ്ങളുമായി ബന്ധപ്പെട്ട ജനകീയ പ്രശ്നങ്ങൾ ഒരുമിച്ചിരുന്ന് ച൪ച്ചചെയ്യുകയും ക്രിയാത്മകമായ ഫലം ഉണ്ടാക്കിയെടുക്കുകയും വേണമെന്ന ലക്ഷ്യത്തോടെയാണ് യുവജനക്ഷേമബോ൪ഡ് പരിപാടി സംഘടിപ്പിച്ചത്. 14 ജില്ലകളിൽ നിന്ന് തെരഞ്ഞെടുത്ത വിവിധ രാഷ്ട്രീയ സംഘടനാ നേതാക്കളും പ്രതിനിധികളും ഉൾപ്പെടെ 150 ഓളം പേരാണ് പങ്കെടുത്തത്.
മാ൪ഗ്രിഗോറിയസ് റിന്യൂവൽ സെൻററിൽ വ്യാഴാഴ്ച ആരംഭിച്ച ക്യാമ്പ് ശനിയാഴ്ച അവസാനിക്കും. സ്പീക്ക൪ ജി. കാ൪ത്തികേയൻ ക്യാമ്പിൻെറ ഉദ്ഘാടനം നി൪വഹിച്ചു. രാഷ്ട്രീയ സാമൂഹിക കാര്യങ്ങളിൽ മാതൃസംഘടനകളുടെ തിരുത്തൽ ശക്തികളായി യുവജന സംഘടനകൾ മാറണമെന്ന് അദ്ദേഹം പറഞ്ഞു. സി.സി.ഡി.യു ഡയറക്ട൪ വി. സുഭാഷ് ചന്ദ്രബോസ്, മാധ്യമപ്രവ൪ത്തകൻ ഇന്ദുഗോപൻ, മോട്ടിവേഷനൽ ട്രയ്ന൪ ശ്രീവിദ്യ തുടങ്ങിയവ൪ വിവിധ വിഷയങ്ങളിൽ ക്ളാസ് നയിച്ചു.
മന്ത്രി പി.കെ. ജയലക്ഷമി അധ്യക്ഷതവഹിച്ചു. യുവജന ക്ഷേമബോ൪ഡ് വൈസ് ചെയ൪മാൻ പി.എസ്. പ്രശാന്ത്, ഡി.വൈ.എഫ്.ഐ സംസ്ഥാന ട്രഷറ൪ കെ.എസ്. സുനിൽകുമാ൪, എ.ഐ.വൈ.എഫ് സംസ്ഥാന പ്രസിഡൻറ് കൃഷ്ണപ്രസാദ്, യൂത്ത് ലീഗ് ജനറൽ സെക്രട്ടറി സി.കെ. സുബൈ൪, യൂത്ത് കോൺഗ്രസ് സംസ്ഥാന സെക്രട്ടറി എൻ.എസ്. നുസൂ൪, യൂത്ത് ഫ്രണ്ട് ബി. പ്രസിഡൻറ് മധു എണ്ണാക്കാട്, ബോ൪ഡംഗങ്ങളായ റിയാസ് മുക്കോളി. ഷിയാലി, യൂജിൻ മൊറേലി, ഒ. ശരണ്യ, നൗഷാദ് മണ്ണിശേരി, ഷോൺ ജോ൪ജ്, സെക്രട്ടറി കെ. രാധാകൃഷ്ണൻ നായ൪, ക്യാമ്പ് ഡയറക്ട൪ ബ്രഹ്മനായകം, മഹാദേവൻ എന്നിവ൪ പങ്കെടുത്തു.
വെള്ളിയാഴ്ച നടക്കുന്ന ക്യാമ്പിൽ ‘പിന്നിട്ട വഴികൾ’ എന്ന സെഷനിൽ എം.എൽ.എമാരായ പി.സി. വിഷ്ണുനാഥ്, എ.എം. ആരിഫ്, വി.എസ്. സുനിൽകുമാ൪, കെ.എം. ഷാജി എന്നിവ൪ പങ്കെടുക്കും.

Show Full Article
TAGS:
Next Story