ഫോട്ടോയെടുപ്പ് സമരക്കാരെ പ്രകോപിപ്പിച്ചു

വള്ളക്കടവ്: പ്രതിഷേധക്കാ൪ക്കിടയിൽ എയ൪പോ൪ട്ട് അതോറിറ്റി ഉദ്യോഗസ്ഥരുടെ ഫോട്ടോയെടുപ്പ് സംഘ൪ഷം സൃഷ്ടിച്ചു. വിമാനത്താവള വികസനത്തിൻെറ പേരിൽ കുടിയൊഴിപ്പിക്കലിനെതിരെ സെക്രട്ടേറിയറ്റിലേക്ക് മാ൪ച്ച് നടത്താനായി വള്ളക്കടവ് സൗഹൃദയ നഗ൪ ഗ്രൗണ്ടിൽ സംഘടിച്ചുനിന്ന നാട്ടുകാ൪ക്കിടയിലേക്കാണ് എയ൪പോ൪ട്ട് അതോറിറ്റിയുടെ ജീവനക്കാരെത്തിയത്. ഇവ൪ പ്രദേശത്തിൻെറ വിവിധ ഭാഗങ്ങളുടെ ഫോട്ടോയെടുപ്പ് നടത്തിയത് പ്രതിഷേധമാ൪ച്ചിനായി കാത്തുനിന്ന നാട്ടുകാരെ കൂടുതൽ പ്രകോപിതരാക്കി. തുട൪ന്ന് ഇവരെത്തിയ വാഹനത്തെയും ഇവരെയും നാട്ടുകാ൪ തടഞ്ഞുവെച്ചു. തുട൪ന്ന് ശംഖുംമുഖം അസിസ്റ്റൻറ് കമീഷണ൪ കെ.എസ്. വിമലിൻെറ നേതൃത്വത്തിലുള്ള പൊലീസ് സ്ഥലത്തെത്തി നാട്ടുകാരെ അനുനയിപ്പിച്ചാണ് എയ൪പോ൪ട്ട് ജീവനക്കാരെ അവിടെനിന്ന് കൊണ്ടുപോയത്. എന്നാൽ എയ൪പോ൪ട്ട് അതോറിറ്റിയുടെ സൂക്ഷ്മപരിശോധനകൾ വിലയിരുത്തുന്നതിൻെറ ഭാഗമായി എയ൪പോ൪ട്ട് ചുറ്റളവിൽ ഫോട്ടോയെടുക്കുന്നതിൻെറ ഭാഗമായാണ് എത്തിയതെന്നാണ് എയ൪പോ൪ട്ട് അതോറിറ്റിയുടെ വിശദീകരണം.