Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഅർണബ്​, ​ എന്നെ...

അർണബ്​, ​ എന്നെ പേടി​പ്പിക്കേണ്ട; പക്ഷേ താങ്കൾ ഇന്ത്യയെക്കുറിച്ച്​ ആശങ്ക​െ​പ്പടണം

text_fields
bookmark_border
അർണബ്​, ​ എന്നെ പേടി​പ്പിക്കേണ്ട; പക്ഷേ താങ്കൾ ഇന്ത്യയെക്കുറിച്ച്​ ആശങ്ക​െ​പ്പടണം
cancel

രാജ്യത്തെ അറിയപ്പെടുന്ന രണ്ട്​ മാധ്യമപ്രവർത്തകർ തമ്മിലുള്ള ‘ഏറ്റുമുട്ടൽ’ തുടരുകയാണ്​. ടൈംസ് നൗ ചാനല്‍ എഡിറ്റര്‍ അര്‍ണബ് ഗോസ്വാമിക്കെതിരെ രൂക്ഷവിമര്‍ശവുമായി  മുൻ സഹപ്രവർത്തകയും എൻ.ഡി.ടി.വി കൺസൾട്ടിങ്​ എഡിറ്റുമായ ബർക്ക ദത്ത്​ രംഗത്തുവന്നിരുന്നു. അർണബിനെ പോലെയുള്ളവര്‍ക്കൊപ്പം ഈ മേഖലയില്‍ ജോലി ചെയ്യുന്നത്​ അപമാനമാണെന്നും സര്‍ക്കാരിനൊപ്പം ചേര്‍ന്ന് മാധ്യമങ്ങളെ നിശബ്​ദരാക്കാനാണ്​ അർണബ്​ ശ്രമിക്കുന്നതെന്നും ​ബർക്ക ഫേസ്​ബുക്​ പോസ്​റ്റിൽ വ്യക്തമാക്കിയിരുന്നു. ​ഇത്​ മാധ്യമ മേഖലയിലും നവ മാധ്യമങ്ങളിലും ഏറെ ചര്‍ച്ച ചെയ്യപ്പെട്ട​ു. ഫേസ്​ബുക്​ പോസ്​റ്റിന്​ കൂടുതല്‍ വിശദീകരണം നിലയിലാണ്​ ബർക്കയുടെ ലേഖനം ഇന്ന്​ എൻ.ഡി.ടി.വി വെബ്​സൈറ്റിൽ പ്രസിദ്ധീകരിച്ചത്​.

വഴക്കെന്നോ വാക്കുതർക്കമെന്നോ മാധ്യമ കലഹമെന്നോ, വ്യക്​തിത്വ സംഘട്ടനമെന്നോ പലപേരുകളിൽ എ​െൻറ ഫേസ്​ബുക്​ പോസ്​റ്റ്​ വിശേഷിപ്പിക്കപ്പെട്ടു. പക്ഷേ യഥാർഥത്തിൽ അത്​ സ്വാതന്ത്ര്യത്തിന്​ വേണ്ടിയുള്ള നിലകൊള്ളലും മാധ്യമപ്രവർത്തനത്തെ അട്ടിമറിക്കുകയും സ്ഥിരം പ്രകോപനകാരിയായ ഒരാളുടെ ഭയപ്പെടുത്തൽ ത​ന്ത്രങ്ങളുടെ നിരാകരണവുമായിരുന്നു. പതിനായിരക്കണക്കിന്​ ആളുകൾ അത്​ വായിക്കുകയും അതിനെക്കുറിച്ച്​ ചർച്ച ചെയ്യുകയും ചെയ്​തു.  എന്താണ്​ അങ്ങനെ പ്രതികരിച്ചതെന്ന്​ ചിലർ അത്​ഭുതപ്പെട്ടു. കൂടെയുള്ളവരിൽ അനേകം പേർ ധൈര്യപൂർവം വെട്ടിത്തുറന്ന്​ പറഞ്ഞു. മറ്റുചിലർ നിരാശപ്പെടുത്തുന്ന ഭീരുത്വവും  തന്ത്രപരമായ മൗനവും പാലിച്ചു. ഏറ്റവും മോശമായ പ്രതികരണം ഇതിനെ വ്യക്​തിപരമായ തർക്കമായി കാണുകയും ഒരു പക്ഷവും പിടിക്കാനില്ലെന്ന്​  പറഞ്ഞവരുടേതുമാണ്​. നിഷ്​പക്ഷത പാലിക്കാൻ ഇതൊരു വിവാഹമോചനമല്ല-.

ഭീകരവാദത്തെ പിന്തുണക്കുന്നവരെന്നോ ഇന്ത്യൻ സൈന്യത്തി​െൻറ ശത്രുക്കളെന്നോ സൗകര്യപൂർവം വിളിക്കപ്പെടുന്നതിനു പകരം സ്വതന്ത്രമായും സത്യസന്ധമായും വാർത്തകൾ റിപ്പോർട്ട്​ ചെയ്യുന്നതിനെക്കുറിച്ചായിരുന്നു ആ ഫേസ്​ബുക്​ പോസ്​റ്റിൽ പറഞ്ഞിരുന്നത്​. അതിൽ ഉപരിയായി, കശ്​മീരിലെ അതിക്രമങ്ങളുടെ വിവിധ വശങ്ങൾ റിപ്പോർട്ട്​ ​ചെയ്യുന്നതി​െൻറ പേരിൽ  മറ്റ്​ മാധ്യമപ്രവർത്തക​െ​ര വിചാരണ ചെയ്യണമെന്ന്​ ഒരു പ്രമുഖ മാധ്യമപ്രവർത്തകൻ സർക്കാറിനോട്​ ആവശ്യപ്പെടുന്ന ഇന്ത്യൻ മാധ്യമ ചരിത്രത്തിലെ കേട്ടുകേൾവിയില്ലാത്ത സംഭവത്തെക്കുറിച്ചുമായിരുന്നു  ആ പോസ്​റ്റ്​.

‘അവരെ വിചാരണ ചെയ്യൂ’ അർണബ്​ ഗോസ്വാമി  ന്യൂസ്​ അവറിൽ അദ്ദേഹത്തി​െൻറ തനത്​ ശൈലിയിൽ അലറിവിളിക്കുന്നത്​ നിങ്ങൾ കേട്ടുകാണും. ‘അവർ മാധ്യമപ്രവർത്തകരാണ്​ എന്നത്​ എനിക്കൊരു പ്രശ്​നമല്ല, അവരെ വിചാരണ ചെയ്യാത്തത്​ രാജ്യം ചെയ്യുന്ന വിട്ടുവീഴ്​ചയായിരിക്കും’– താൻ മാ​ത്രമാണ്​ ശരിയെന്ന അഹങ്കാരത്തോടെ അ​േ​ദ്ദഹം പ്രഖ്യാപിച്ചു.  ജനങ്ങളുടെ വികാരം ഇളക്കുന്നതിനുള്ള അഭ്യർഥന, രാജ്യ​േദ്രാഹവും വിധ്വംസക പ്രവർത്തനവും നടത്തുന്നെന്ന ആരോപണം എന്നീ നിലയിലാണ്​ ഞാൻ അതിനെ കാണുന്നത്​. യഥാർഥത്തിൽ ഏകാധിപത്യ പ്രവണതയുള്ള രാഷ്​ട്രീയക്കാരുടെ സ്വഭാവത്തി​െൻറ സൂചനയാണ്​ ഇങ്ങനെയുള്ള ആരോപണങ്ങൾ.  ഇത്തരം സ്വഭാവങ്ങളെ ചോദ്യംചെയ്യുക നിതാന്ത ജാഗ്ര​ത പുലർത്തുന്ന മാധ്യമങ്ങളുടെ ജോലിയാണ്​. ലോകത്ത്​ ആദ്യമായാണ്​  ഒരു എഡിറ്റർ മറ്റ്​ മാധ്യമങ്ങൾ അടച്ചുപൂട്ടണമെന്നും മാധ്യമപ്രവർത്തകരെ ഒറ്റുകാരും കുറ്റവാളികളുമായി കാണണമെന്നും സർക്കാറിനോട്​ അഭ്യർഥിക്കുന്നതെന്ന്​ തോന്നുന്നു. അതിനാൽ, മാധ്യമ സ്വാതന്ത്ര്യം തടയണമെന്ന്​ നമ്മളിൽ നിന്ന്​ തന്നെ ഒരാൾ ആവശ്യപ്പെടു​േമ്പാൾ നിങ്ങൾ ഏത്​ പക്ഷം പിടിക്കുമെന്ന്​ നിഷ്​പക്ഷത പാലിച്ചവർ പറയുക-.

മാധ്യമപ്രവർത്തകർക്കു നേരെ ക്രിമിനൽ കേസെടുക്കണമെന്നും  മാധ്യമ സെൻസർഷിപ്പ്​ ഏർപ്പെടുത്തണമെന്നുള്ള ആഹ്വാനവും ലജ്ജയില്ലാത്ത കാപട്യത്തിന്​ ഉദാഹരണമാണ്​  ​‘പാകിസ്​താനെ പിന്തുണക്കുന്ന പ്രാവുകൾ’ എന്ന പേരിൽ നടന്ന അർണബി​െൻറ ചർച്ച. കശ്​മീരിൽ സംഘർഷം റിപ്പോർട്ട്​ ചെയ്​തവരെയല്ലാം ഇൗയിടെ കൊല്ലപ്പെട്ട ഹിസ്​ബുൽ കമാൻഡർ ബുൾവാൻ വാനിയുടെ വക്​താക്കളാക്കി അർണബ്​ മാറ്റി. അദ്ദേഹത്തെപ്പോലെ മുംബൈയിലെ സ്​റ്റുഡിയോയിൽ നിന്നല്ല,  ഞങ്ങളെല്ലാം സംഭവ സ്ഥലത്തു നിന്നുമാണ്​ റിപ്പോർട്ട്​ ചെയ്​തത്​. പിന്നീട്​ ഞങ്ങൾ ഇന്ത്യൻ സൈന്യത്തിന്​ എതിരാണെന്ന്​ ചിത്രീകരിച്ചു. യഥാർഥത്തിൽ കശ്​മീരി​െൻറ തെരുവുകളിൽ സംഘർഷം നടന്നത്​ സൈന്യവുമായല്ല. സംഘർഷം പ്രതിഷേധക്കാരും പൊലീസും അർധസൈനിക വിഭാഗങ്ങളും തമ്മിലാണ്​. പിന്നെന്തിനാണ്​ അദ്ദേഹം ചർച്ചയിൽ സൈന്യത്തെ വലിച്ചിഴക്കുന്നത്​?. സത്യം പറയുക എന്നതും ഒരു വിഷയത്തി​െൻറ എല്ലാ വശങ്ങളും റിപ്പോർട്ട്​ ചെയ്യുക എന്നതും മാധ്യമപ്രവർത്തക​െൻറ ജോലിയാണ്​. അപ്രിയവും അഭിമുഖീകരിക്കാൻ പ്രയാസമുള്ള കാര്യങ്ങൾ വിശദീകരിക്കാ​തിരിക്കുന്നത്​ മാധ്യമപ്രവർത്തനമല്ല, ഭീരുത്വമാണ്​.

അതെ, കശ്​മീർ താഴ്​വരയിൽ സമരോത്സുകതയുടെ  പുതിയ തലം രൂപപ്പെടുന്നതിന്​ സാക്ഷിയായ മാധ്യമപ്രവർത്തകയാണ്​ ഞാൻ.
ആയുധമെടുക്കുന്ന വിദ്യാസമ്പന്നരും  മികച്ച പഠനനിലവര മുള്ളവരുമായ തദ്ദേശീയരായ വിദ്യാർഥികളുടെ എണ്ണം അയൽ രാജ്യത്തുനിന്നുള്ള ഭീകരവാദികളുടെ എണ്ണത്തേക്കാൾ  അധികരിച്ച വർഷമാണ്​ കഴിഞ്ഞുപോയത്​. ​ പെല്ലറ്റ്​ ഗൺ ഉപയോഗത്തി​െൻറ രൂക്ഷതയെക്കുറിച്ചും ഭാഗികമായും പൂർണമായും കാഴ്​ച നഷ്​ടപ്പെട്ടവരുമായ നൂറ്​ കണക്കിന്​ കശ്​മീരി യുവാക്കളെക്കുറിച്ചം ഞാൻ റിപ്പോർട്ട്​ ​െചയ്​തു. കാഴ്​ച നഷ്​ടപ്പെടുകയോ തകരാറിലാവുകയോ ചെയ്​തവരിൽ പലർക്കും 18 വയസ്​ പോലും തികഞ്ഞിട്ടില്ല. പെല്ലറ്റ്​ ഗൺ ഉപയോഗിച്ച്​ ജനങ്ങളുടെ കാഴ്​ചശക്​തി നഷ്​ടപ്പെടുത്തുന്നത്​ കശ്​മീരിലെ ഇന്ത്യയുടെ ധാർമിക അധികാരം ഇല്ലാക്കുന്നതിന്​ കാരണമാകുമെന്ന്​ മുൻ ആഭ്യന്തര മന്ത്രി ചിദംബരമരമടക്കം നിരവധി പാർലമെൻറ്​ അംഗങ്ങളോട്​ പറഞ്ഞിരുന്നു.

അക്രമാസക്​തമായ ജനക്കൂട്ടത്തി​െൻ ത​ന്ത്രങ്ങളായ  സൈനിക ക്യാമ്പുകൾക്കുനെരേയുള്ള കല്ലേറ്​,  ആയുധങ്ങൾ തട്ടിയെടുക്കൽ, സ്​ത്രീകളെ ഉപയോഗിച്ചുള്ള ആക്രമണം, തീവെപ്പ്​ എന്നിവ നേരിടാനുള്ള ബുദ്ധിമുട്ടുകളെക്കുറിച്ച്​ ഞാൻ റിപ്പോർട്ട്​ ചെയ്​തിരുന്നു. സൈനിക ആശുപത്രിയിൽ ചികിത്സയിലുള്ള പരിക്കേറ്റ പൊലീസുകാരെയൂം സി.ആർ.പി.എഫ്​ ഉദ്യോഗസ്ഥരെയും അഭിമുഖം ചെയ്​താണ്​ ഇത്​ റിപ്പോർട്ട്​ ചെയ്​തത്​. കശ്​മീരിലെ സംഭവങ്ങൾ റിപ്പോർട്ട്​ ചെയ്യുന്നതിനിടെ ഏറ്റവും ബുദ്ധിപൂർവവും അനുകമ്പയുള്ളതുമായ  നിർദേശങ്ങൾ വന്നത്​ അവിടെ ജോലി​ ചെയ്​ത കശ്​മീരികളായ സൈനികരിൽ നിന്നാണ്​. പ്രശ്​നം സാമൂഹിക രാഷ്​ട്രീയ വിഷയമായി കൈകാര്യം ചെയ്യണമെന്നും ഇതിന്​ സൈനിക പരിഹാരമില്ലെന്നുമാണ്​ മുൻ സൈനിക മേധാവിയായ ജനറൽ മാലിക്​ പറഞ്ഞത്​. കശ്​മീരിലെ പുതു തലമുറയുമായി നിരന്തര ഇടപെടലിലൂടെയല്ലാതെ പ്രശ്​നം പരിഹരിക്കാനാവില്ലെന്ന്​ കശ്​മീരിലെ മുൻ സൈനകി കമാൻഡറായ ജനറൽ അതാ ഹസ്​നൈനും പറഞ്ഞു. രണ്ട്​ മൂന്ന്​ മാസം മുമ്പുമാത്രം വിഘടനവാദത്തിലേക്കും തീവ്രവാദത്തിലും എത്തിയ കുട്ടികൾ പോലും കൊല്ലപ്പെടുന്നത്​  ഹൃദയഭേദകമാണെന്ന്​ നിലവിലെ സൈനിക കമാൻഡറായ ജനറൽ സതീഷ്​ ദുവയുമായുള അഭിമുഖത്തിൽ അദ്ദേഹം പറഞ്ഞു.  വിധികൾ മാത്രം പ്രഖ്യാപിക്കുന്ന അർണബി​െൻറ വിചാരണ കോടതിയിൽ ഇവരെല്ലാം പാകിസ്​തനെ പിന്തുണക്കുന്ന ​പ്രാവുകളും ദേശവിരുദ്ധരുമാണോ?.

പാകിസ്​താൻ കശ്​മീർ സംഘർഷം മുതലെടുക്കാൻ ​ശ്രമിക്കുന്നുണ്ടെന്നത്​ ശരിയാണ്​. പക്ഷേ വിദേശ മാനം സംഭവത്തി​െൻ ഒരു വശം മാത്രമാണ്​. കശ്​മീരിൽ എന്താണ്​ നാം പ്രതീക്ഷിക്കുന്നതെന്ന്​, എന്താണ്​ അത്യാവശ്യമെന്ന്​, നമ്മുടെ രാഷ്​ട്രീയ ഇടപെടലെന്ന്​  40 ൽ അധികം ജനങ്ങൾ കൊല്ലപ്പെട്ട വേളയിലെങ്കിലും നാം സ്വയം പരിശോധിക്കണം. ബുർഹാൻ വാനിയുടെ മരണം എന്തുകൊണ്ടാണ്​ ഇത്രയും പ്രതിഷേധത്തിന്​ കാരണമായതെന്ന്​ അന്വേഷിക്കേണ്ടത്​ റിപ്പോർട്ടമാരുടെ മൗലിക ബാധ്യതയല്ലേ. ഒരു ടിവി അവതാരകൻ സഹപ്രവർത്തകരെ ദുഷിപ്പിച്ച്​ കാണിക്കാൻ വേണ്ടി തെറ്റായ വ്യഖ്യാനങ്ങൾ ചമക്കുന്നതല്ല മാധ്യമപ്രവർത്തനം. ഇത്​ ദേശീയ വികാരം പോലുമല്ലാത്ത​ ബുദ്ധിപരമായ സത്യസന്ധതയില്ലായ്​മയാണ്​.

ആ ചർച്ചയിൽ അർണബ്​ ചിലത്​ പറയാതിരുന്നു എന്നതും  കാപട്യത്തിന്​ ഉദാഹരണമാണ്​. പാകിസ്​താനെതിരെ യുദ്ധംചെയ്യാതിരിക്കുന്നത്​ ടൈംസ്​ നൗവി​െൻറ ദേശഭക്​തി പ്രകാരം രാജ്യദ്രോഹമാണെങ്കിൽ ജമ്മുകശ്​മീരിലെ ബിജെപി പിഡിപി സഖ്യത്തെക്കുറിച്ച​ും അതിലെ വൈരുധ്യങ്ങളെക്കുറിച്ചും  ഒന്നും മിണ്ടാതിരിക്കുന്നത്​ എന്താണ്​?. ബിജെപിയുടെ രാം മാധവും പിഡിപിയുടെ ഹസീബ്​ ദ്രാബുവും തമ്മിലുണ്ടാക്കിയ സഖ്യകക്ഷി കരാർ ​പ്രകാരം ‘വിഘടനവാദികളായ’ ഹുർറിയത്ത്​ കോൺഫറൻസ്​ അടക്കമുള്ളവരുമായി ചർച്ച നടത്തുമെന്ന്​ പറയുന്നുണ്ട്​. ഏറ്റവും വലിയ വിരോധാഭാസമെന്തെന്നാൽ ഇത്തവണ സംഘർഷമുണ്ടയപ്പോൾ ശാന്തമാക്കാൻ വേണ്ടി സർക്കാർ സ്വാതന്ത്ര്യ വാദികളായ വിഘടനവാദികളുമായിവരെ ചർച്ച നടത്തി. എന്തുകൊണ്ടാണ്​ അർണബ്​ ഇതിനെക്കുറിച്ച്​ മൗനം പാലിക്കുന്നത്​. മോദി പാകിസ്താന്‍ സന്ദര്‍ശിച്ചതിനെക്കുറിച്ചും അര്‍ണബ് മൗനം പാലിക്കുകയാണ്.

പാകിസ്​താൻ സന്ദർശിച്ച്​ പ്രധാനമന്ത്രി  നവാസ്​ ശരീഫിന്​ പിറന്നാൾ ആശംസ അറിയിക്കുകയും കാഠ്​മണ്ഡുവിൽ ​ ശരീഫുമായി രഹസ്യ ചർച്ചനടത്തുകയും ചെയ്​ത പ്രധാനമന്ത്രിയെ അർണബ്​ എങ്ങനെ വിശേഷിപ്പിക്കും. അദ്ദേഹത്തെ വിമർശിക്കുന്നതിൽ മൗനം പാലിക്കുന്നതെന്താണ്​. അതേസമയം ഇത്തരം ഇട​െപടലുകളെ രാഷ്​ട്രതന്ത്രം എന്ന നിലയിൽ ഞാൻ പിന്തുണച്ചിട്ടുണ്ട്​, ഇനിയും പിന്തുണക്കുകയും ​െചയ്യും. 

ബുർഹാൻ വാനി തങ്ങളുടെ ആളാണെന്നും തങ്ങളുടെ ചിലർ കശ്​മീരിൽ ​പ്രതിഷേധത്തിന്​ നേതൃത്വം നൽകുന്നു​െണന്നും ഹാഫിസ്​ സഇൗദ്​ വെളിപ്പെടുത്തുന്ന വിഡിയോ ഞങ്ങളുടെ കൈയിലുണ്ട്​.  അതേ സമയമാണ്​ സാർക്​ സമ്മേളനത്തിൽ പ​െങ്കടുക്കാനായി ആഭ്യന്തരമന്ത്രി രാജ്​നാഥ്​ സിങ്​ ഇസ്​ലാമാബാദിലേക്ക്​ പോകുന്നത്​. അദ്ദേഹം പാകിസ്​താനിലേക്ക്​ പോകണമെന്നതാണ്​ എ​െൻറ വാദം. പക്ഷേ ടൈംസ്​ നൗവി​െൻറ ദേശക്കൂറ്​ പരിശോധനയിൽ പാകിസ്​താനിൽ സാഹിത്യ സമ്മേളനത്തിൽ പ​െങ്കടുക്കുന്നത്​ പോലും പൗരത്വ ലംഘനത്തിൽ പെടും. വസ്​തുതകൾ റിപ്പോർട്ട്​ ചെയ്യുന്നതി​െൻ പേരിൽ മാധ്യമങ്ങൾ അടച്ചുപൂട്ടണമെന്ന്​ ആവശ്യപ്പെടുന്ന ടൈംസ്​ നൗ എന്ത്​കൊണ്ട്​ സർക്കാറി​െൻറ ഇടപെടലുകളെ ആ ഗണത്തിൽ പരിഗണിക്കുന്നില്ല.

ബുർഹാൻ വാനി​യുടെ കൊലയെക്കുറിച്ച്​ സേനക്ക്​ മാത്രമേ അറിയൂ എന്ന മെഹ്​ബൂബ മുഫ്​തിയുടെ പ്രസ്​താവന നൽകുന്ന സൂചന എന്താണ്​. ബുർഹാൻ വാനിയെ ഇപ്പോൾ വധിക്കുന്ന കാര്യം തീരുമാനിച്ചിരുന്നില്ല എന്നതോ വാനിയെ കൊലപ്പെടുത്തിയത്​ സുപ്രീംകോടതി നിർദേശത്തി​െൻറ ലംഘനാമാണെന്നോ​?. ഇത്തരം സാഹചര്യങ്ങളിൽ കശ്​മീരിനെക്കുറിച്ചും പാകിസ്​താനെക്കുറിച്ചും  അർണബ്​ ​​കേന്ദ്ര സർക്കാറിനോട്​ കടുപ്പമുള്ള ചോദ്യങ്ങൾ ചോദിക്കുന്നത്​ എപ്പോഴെങ്കിലും നാം കേട്ടിട്ടുണ്ടോ. നമ്മുടെ ദേശഭക്​തി അളക്കുന്ന അതേ അളവുകോൽ കൊണ്ട്​ സർക്കാറി​െന അളക്കുന്നില്ല.

ഇൗ വർഷം ആദ്യം ജെഎൻയു സംഭവങ്ങളുടെ പേരിൽ പട്യാല ഹൗസ്​ കോടതിയിൽ മാധ്യമപ്രവർത്തകരെ ആക്രമിച്ചപ്പോൾ പ്രതിഷേധ പ്രകടനത്തിൽ ടൈംസ്​ നൗവിലെ മാധ്യമപ്രവർത്തകർ  വിട്ടുനിന്നു. അന്നും സർക്കാർ നടപടിയെ ചോദ്യം ചെയ്​തവരെ രാജ്യദ്രോഹികളായി ചിത്രീകരിക്കാനാണ്​ ശ്രമിച്ചത്​. ഒരു വിഭാഗം മാധ്യമങ്ങൾക്കെതിരെയുള്ള ഇത്തരം നടപടികൾ ജനാധിപത്യത്തിന്​ വെല്ലുവിളിയാണ്​. ഇന്ത്യൻ മാധ്യമ രംഗത്തെ പ്രമുഖനായ ഒരാൾ തന്നെ സെൻഷർഷിപ്​ ഏർപ്പെടുത്തണമെന്നും അഭിപ്രായ സ്വാതന്ത്ര്യത്തെ തടയണമെന്നും മാധ്യമപ്രവർത്തകരെ ജയിലിടക്കണമെന്നും ആവശ്യപ്പെടുന്നത്​ ആശങ്കയുണ്ടാക്കുന്നതാണ്​.


ഞങ്ങളുടെ മാധ്യമപ്രവർത്തനത്തെ അവമതിച്ചതിന്​ നന്ദി, എന്തെന്നാൽ താങ്കളുടെ അഭിനന്ദനം പോലും അപമാനമാണ്​.

ടൈംസ്​ നൗ ചർച്ച:

Show Full Article
TAGS:barkha dath 
Next Story