Top
Begin typing your search above and press return to search.
exit_to_app
exit_to_app
Homechevron_rightEntertainmentchevron_rightMusicchevron_rightഎത്ര ​മനോഹരമായ...

എത്ര ​മനോഹരമായ പാട്ടിലും ഒരു കാസരോഗിയുടെ ഏങ്ങിവലിയലുണ്ട്​...

text_fields
bookmark_border
എത്ര ​മനോഹരമായ പാട്ടിലും ഒരു കാസരോഗിയുടെ ഏങ്ങിവലിയലുണ്ട്​...
cancel

കഴിഞ്ഞ ദിവസമാണ്​ ഒരു യുവഗായകൻ അതിമനോഹരമായി പാടുന്നത്​ കേട്ടത്​. യേശുദാസി​​​​​​െൻറ, ആദ്യമായി റെക്കോർഡ്​ ചെയ്യപ്പെട്ടു എന്ന്​ പറയ​െപ്പടുന്ന  ഗുരുവാക്യം തന്നെ. ‘ജാതിഭേദം, മതദ്വേഷം, ഏതുമില്ലാതെ സർവരും, സോദരത്വേന വാഴുന്ന മാതൃകാസ്​ഥാനമാണിത്​’. 

പാട്ടുകാരൻ അപാര ഫോമിലാണ്​. പക്ഷേ, ശബ്​ദം 101 ശതമാനവും യേശുദാസി​​േൻറത്​ തന്നെ. ഭാവവാഹാദികളിൽ യേശുദാസും തോൽക്കും. അത്​  ആലാപനമല്ല, മിമിക്രിയാണെന്ന്​ വ്യക്​തമാകാൻ നാലുവരി തികച്ചുപാടണ്ട. യേശുദാസ്​ വന്ന ശേഷം 60കളോടെ മലയാള ഗാനശാഖ ചെന്നുപെട്ട ഒരു കയമാണിത്​.(‘സല്ലാപ’ത്തിൽ വെള്ളപ്പാൻറും വെള്ള ഷർട്ടും ചുക്കുവെള്ളവുമായി നടക്കുന്ന ഗായകനെ ഒാർക്കുക). അടിസ്​ഥാനപരമായി ഇത്​ യേശുദാസി​​​​​​െൻറ വിജയവും മലയാളികളുടെ തോൽവിയുമാണ്​. യേശുദാസി​​​​​​െൻറ വിജയമാകുന്നത്​ തലമുറകളെ സ്വാധീനിച്ചു എന്നതിനാൽ മാത്രമല്ല, മറിച്ച്​, വർഷങ്ങളായി കേട്ട ചില ശബ്​ദങ്ങളെ മറികടക്കുകയും പുതിയ അനുഭവതലമുള്ള, പുതിയ ആഴവും വ്യാപ്​തിയുമുള്ള ഒരു ശബ്​ദം ​പ്രതിഷ്​ഠിക്കാൻ കഴിഞ്ഞു എന്നതിനാലാണ്​. 

ശബ്​ദത്തെ, ഭാഷയെപ്പോലെയോ അല്ലെങ്കിൽ ചിത്രകലയിലെ വർണങ്ങളെപ്പോലെയോ സമീപിക്കുന്നതിൽ കടുത്ത വിയോജിപ്പുള്ളവരുണ്ട്​. ശബ്​ദം അവർക്ക്​ അത്യുന്നതങ്ങളിൽ നിന്ന്​ ലഭിക്കുന്ന ഒരു അഭൗമപ്രതിഭാസമാണ്​. വായിച്ചും എഴുതിയും ചിന്തിച്ചും ഭാഷ ആവിഷ്​കരിക്കുന്നതുപോലെയോ, കാൻവാസിൽ രൂപങ്ങളെയും വർണങ്ങളെയോ അപനിർമിക്കുന്നതുപോ​ലെയോ ഉള്ള ഒരു പ്രക്രിയ അല്ല അത്​. സംഗീതത്തെയും ശബ്​ദത്തെയും മിസ്​റ്റിസസത്തി​​​​​​െൻറ മഞ്ഞുപാളിക്കുള്ളിൽ നിർത്താനാണ്​ ഭക്​തകുചേലൻമാർ കാലാകാലങ്ങളിൽ ശ്രമിച്ചിട്ടുള്ളത്​. 

Every individual is unique, so is every voice എന്നത്​ ശബ്​ദസംസ്​കാരത്തി​​​​​​െൻറ (voice culture) ഒരു അടിസ്​ഥാനമാണ്​. എങ്കിലും ഒാരോ ശബ്​ദത്തി​​​​​​െൻറയും തനിമ നഷ്​ടപ്പെടാതെ അതി​​​​​​െൻറ സാധ്യതകൾ പരമാവധി ഉപയോഗപ്പെടുത്താൻ പരിശീലനം വഴി സാധിക്കുമെന്നാണ്​ അനുമാനം. ഇതി​​​​​​െൻറ അടിസ്​ഥാനത്തിലാണ്​ യഥാർഥത്തിൽ സംഗീത പാഠശാലകളെല്ലാം പ്രവർത്തിക്കുന്നത്​. അതായത്​, ഒരാളുടെ സ്വത്വത്തെ തകർത്ത്​ തരിപ്പണമാക്കാതെ തന്നെ അയാളുടെ ആവിഷ്​കാരസാധ്യതകൾ പരമാവധി ഉപയോഗിക്കുക എന്ന തത്വത്തി​​​​​​െൻറ സാധ്യതകൾ അന്വേഷിക്കൽ. ഇത്​ എത്ര​േത്താളം സമകാലിക സംഗീത ലോകത്ത്​ നടക്കുന്നുണ്ട്​ എന്ന്​ ആലോചിക്കുന്നത്​ രസകരമാകും. (ഒരുപക്ഷേ, എം.ഡി.രാമനാഥനോ മധുരൈ മണി അയ്യരോ പാടിത്തുടങ്ങുന്നത്​ ഇന്നാണെങ്കിൽ, അവരൊന്നും പാട്ടുകാരേ ആയിത്തീരാനിടയില്ല. കാരണം, ആത്​മാവിഷ്​കാരത്തി​​​​​​െൻറ ഇടമായി കണക്കാക്കുന്ന ശാസ്​ത്രീയ സംഗീത ലോകത്തും ശബ്​ദത്തി​​​​​​െൻറ മിനുക്കത്തിന്​ ഡിമാൻറുള്ള കാലമാണിത്​.)

50ൽ താഴെ എണ്ണം വരുന്ന ഒരു പട്ടികയാണ്​ മലയാള സിനിമ സംഗീത ലോകത്തി​​​​​​െൻറ ഒരു സമഗ്രചിത്രമെടുത്താൻ കാണാനാവുക. അതിൽ തുടക്കം മുതലുള്ളവരുടെ ശബ്​ദം പരിശോധിച്ചാൽ, ഒരു 15പേരെയെങ്കിലും നമുക്ക്​ എളുപ്പം തിരിച്ചറിയാനാകും. ഏതു പാതിരാത്രിയിലും നേർത്ത ഒരു മൂളൽകൊണ്ടുമാത്രം ശബ്​ദം മനസ്സിലാക്കാൻ പറ്റുന്നവരുമുണ്ട്​. മൂർച്ച കുറയാതെ പദങ്ങൾ ഉപയോഗിച്ചിരുന്ന, തമിഴ്​, ഹിന്ദി സ്വാധീനത്തിൽ പാടിയിരുന്ന ആദ്യകാലങ്ങളിലും കൃത്യമായി സ്വരം അടയാളപ്പെടുത്തിയ ഗായികാ^ഗായകൻമാരുണ്ട്​. കമുകറയുടെയും എം.എം.രാജയുടെയും ശബ്​ദം തിരിച്ചറിയാൻ ഒരു പ്രയാസവുമില്ല എന്നതാണ്​ വസ്​തുത. ആ വിവേകം, അല്ലെങ്കിൽ ഇടം പിന്നീട്​ പൂർണമായി അവസാനിക്കുകയാണുണ്ടായത്​. 

 

ശബ്​ദങ്ങളെല്ലാം ഒരു കമ്മട്ടത്തിൽ അടിച്ച നോട്ടുപോലെ, വിപണിയിലെത്തുന്ന പ്ലാസ്​റ്റിക്​ കളിപ്പാട്ടങ്ങൾ പോലെ ‘സ്വകാര്യഭാഷണങ്ങളുടെ’ ക്രമീകരണത്തിലേക്ക്​ (husky) ചുരുങ്ങുകയാണ്​ ഇപ്പോൾ ചെയ്യുന്നത്​. എത്ര ​മനോഹരമായ ട്യൂൺ ആയാലും അതിനകത്തൊരു കാസരോഗിയുടെ ഏങ്ങിവലിയൽ, അല്ലെങ്കിൽ ഒരു സീൽക്കാരപരത വേണമെന്ന്​ സംഗീതസംവിധായകൻ ആഗ്രഹിക്കുന്നു. കമ്പിളിപ്പുതപ്പിട്ട്​ കതക്​ മറച്ച്​ റെക്കോഡിങ്​ നടത്തുന്ന കാലമ​ല്ലല്ലോ ഇത്​. ആയിരം ശബ്​ദങ്ങളിൽ നിന്ന്​ വേണ്ട ഒന്നുമാത്രം ചികഞ്ഞെടുത്ത്​ മോടികൂട്ടാനുള്ള സാ​േങ്കതികവിദ്യ കൈപ്പിടിയിലുള്ള സമയമാണ്​. കാതിൽവീണ്​ ചിതറുന്ന തലത്തിലുള്ള അനുഭവം മാത്രമായി ആലാപനത്തെ മാറ്റുന്നതിനുപിന്നിലുള്ള സൗന്ദര്യശാസ്​ത്ര സങ്കൽപത്തെ ഭേദിക്കാൻ എന്താണ്​ നമ്മുടെ സംഗീത സംവിധായകർക്കോ പാട്ടുകാർക്കോ സാധിക്കാത്തത്​ എന്നത്​ വലിയ ചോദ്യമാണ്​. 

കലാവിഷ്​കാരങ്ങൾ അത്​ എഴ​ുത്തോ പാ​േട്ടാ നൃത്തമോ എന്തുമാക​െട്ട, ഒരാളുടെ സാന്നിധ്യം തിരിച്ചറിയ​െപ്പടാനാകാത്തവിധം കുഴഞ്ഞുമറിഞ്ഞ്​ കിടക്കുന്നുവെന്നത്​ കലാരംഗത്തുള്ളവരെ സംബന്ധിച്ച്​ ദുരിതമാണ്​. സംസ്​ഥാന അവാർഡ്​ നേടിയവർപോലും ഇൗ ദുരന്തത്തി​​​​​​െൻറ ഇരകളാണ്​. തനത്​ ശബ്​ദങ്ങളെ ഹിന്ദിയിൽ ലതാ മ​േങ്കഷ്​കർ മാധുര്യം കൊണ്ട്​ വെട്ടിവീഴ്​ത്തി എന്നൊരു വാദമുണ്ട്​. അത്​ ശരിയുമാണ്​. പക്ഷേ, അവർക്കൊപ്പവും ശേഷവും പാടിയ പലരും സ്വന്തം ശബ്​ദം ഉച്ചത്തിൽ കേൾപ്പിക്കാൻ ശ്രമിച്ചിട്ടുണ്ട്​ എന്നത്​ മറക്കേണ്ടതില്ല. ലതയുടെ ഒരു കാൽഭാഗം വരില്ലെങ്കിലും ഗീത ദത്തി​​​​​​െൻറ ശബ്​ദം നമുക്ക്​ അധികം പരിശ്രമമി​ല്ലാതെ തിരിച്ചറിയാം. അത്​ തന്നെയാകും ഒരു പാട്ടുകാരിയെന്ന നിലയിൽ ഗീതയുടെ വിജയവും. 

എ.എം.രാജ, കമുകറ പുരുഷോത്തമൻ, ബ്രഹ്​മാനന്ദൻ, കോഴിക്കോട്​ അബ്​ദുൽ ഖാദർ, മെഹബൂബ്​, ഉദയഭാനു, യേശുദാസ്​, ജയചന്ദ്രൻ, ഉണ്ണി​ മേനോൻ, ​ജി.വേണുഗോപാൽ, പി.ലീല, എ.പി.കോമളം, എൽ.ആർ.ഇൗശ്വരി, ജാനകി, സുശീല, വാണിജയറാം, മാധുരി, ചിത്ര, സുജാത തുടങ്ങിയവരെപ്പോലെ തിരിച്ചറിയാനാകുന്ന ഒരു ശബ്​ദമായി തീരാനുള്ള സാധ്യത എന്തുകൊണ്ടാണ്​ നമ്മുടെ പുതിയ പാട്ടുകാർക്കില്ലാതെ പോകുന്നത്​. ശബ്​ദങ്ങളു​ടെയും കാഴ്​ചകളുടെയും കാർണിവലിൽ ജീവിക്കുന്ന ഒരു കാലത്ത്​ ശ്രദ്ധിക്കപ്പെടുകയെന്നത്​ പ്രയാസകരം തന്നെയാണ്​. എങ്കിലും കെട്ടുകാഴ്​ചയെങ്കിലുമായി തീരാനും സ്വയം അടയാളപ്പെടുത്താനുമുള്ള പരിശ്രമത്തി​​​​​​െൻറ വേദിയാകാനുള്ള ഇടമില്ലാത്ത ഒരു അവസ്​ഥയേക്കാൾ ​േമാശമായൊരു സ്​ഥിതി കലാരംഗത്ത്​ വരാനില്ല.
 


2010ന്​ ശേഷം വന്ന ചില പാട്ടുകൾ നോക്കുക. ‘കവിത പോൽ...’ (അൻവർ-ഗോപി സുന്ദർ), ‘മേൽമേൽ മേൽ വിണ്ണിലെ...’ (ഉസ്​താദ്​ ഹോട്ടൽ-ഗോപിസുന്ദർ), ‘മുക്കത്തെ പെണ്ണേ...’ (എന്ന്​ നി​​​​​​െൻറ മൊയ്​തീൻ-ഗോപി സുന്ദർ), ‘രാവു മായവേ...’ (വേട്ട, ഷാൻ റഹ്​മാൻ), ‘മൺപാത നീട്ടുന്ന മോഹങ്ങളെ...’ (മിലി, ഷാൻ റഹ്​മാൻ), ‘ചായുന്നുവോ...’ (ഒാർമയുണ്ടോ ഇൗ മുഖം, ഷാൻ റഹ്​മാൻ), ‘നിലാമലരേ...’ (ഡയമണ്ട്​ നെക്​ലസ്​, വിദ്യാസാഗർ), ‘പ്രണയമേ...’ (ലേഡീസ്​ ആൻറ്​ ജ​​​​​െൻറിൽമാൻ, രതീഷ്​​ വേഗ), ‘മഴയേ... തൂമഴയേ...’ (പട്ടംപോലെ, എം.ജയചന്ദ്രൻ) ഇതിൽ ഒട്ടുമിക്കവയും ഹിറ്റാണ്​. എന്നാൽ ഇതിലെല്ലാ മുഴച്ചുനിൽക്കുന്ന ഒരു അസ്വാഭാവികയുണ്ട്​. അത്​ സംഗീതത്തിലും ആലാപനത്തിലും പ്രകടമാണ്​. വെസ്​റ്റേൺ സോളോയുടെ പ്രത്യേകിച്ചും ‘ബ്ലൂസി’​​​​​​െൻറ സ്വാധീനം, വാക്കുകളുടെ പ്രയോഗത്തിലെ കൃത്രിമത്വം തുടങ്ങിയവ ​കൈയൊതുക്കമുള്ള സംവിധായകരിൽ പോലും പ്രകടമാകുന്നു. വിപണിക്കും കാലത്തി​​​​​​െൻറ ആവശ്യത്തിനുമനുസരിച്ചുള്ള സംഗീതമാണ്​ സിനിമ ഗാനങ്ങൾ ആവശ്യ​െപ്പടുന്നത്​ എന്ന്​ പറയു​േമ്പാഴും തങ്ങളുടെ സൃഷ്​ടികൾ ചെന്ന്​ വീഴുന്ന പടുകുഴികൾ തിരിച്ചറിയാൻ പറ്റാത്തവിധം വീണ്ടും വീണ്ടും ഒരേ പോലുള്ള ഇൗണങ്ങളും ആലാപനങ്ങളുമുണ്ടാവുകയാണ്​. 

ചെമ്മരിയാടുകൾ പറ്റമായി പോകു​േമ്പാൾ മുന്നിലുള്ള ആട്​ കുഴിയിൽവീണാൽ ശേഷിക്കുന്ന എല്ലാ ആടുകളും ആ കുഴിയിൽ വീണുകയറിപ്പോകുന്നു എന്ന്​ പറയുന്നത്​ പോലൊരു അപകടം ഇവിടെ സംഭവിച്ചിട്ടുണ്ട്​. ഇതിനെ എങ്ങനെയാകും മലയാള ചലചിത്ര സംവിധായകർ മറികടക്കുക എന്ന്​ ആകാംക്ഷയോടെ കാത്തിരിക്കാനേ സാധിക്കൂ.

Show Full Article
TAGS:kerala Malayalam singers Singers Malayalam songs sound 
News Summary - criticism on Malayalam music now
Next Story