ലക്ഷങ്ങളുടെ അക്കേഷ്യ മരങ്ങൾ വിറക് വിലക്ക് വിറ്റു
text_fieldsപനമരം: പൊതുമരാമത്ത് വകുപ്പ് ഓഫിസിനു മുന്നിൽ കൂട്ടിയിട്ട അക്കേഷ്യ മരങ്ങൾ ഒടുവിൽ വിറക് വിലക്ക് കൊടുത്തു. ഇത് വിറകാക്കുന്ന ജോലി കഴിഞ്ഞ ഏതാനും ദിവസങ്ങളായി നടന്നു വരുകയായിരുന്നു. വലിയ വില ലഭിക്കാവുന്ന മരം വിറകുവിലക്ക് കൊടുക്കേണ്ട ഗതി വന്നത് അധികാരികളുടെ പിടിപ്പുകേടുകൊണ്ടാണെന്ന് ആക്ഷേപമുണ്ട്. കൽപറ്റ-പനമരം-മാനന്തവാടി റോഡിൽ പനമരം ടൗണിെൻറ പരിസരത്തുള്ള അക്കേഷ്യകളാണ് മൂന്നുവർഷം മുമ്പ് വെട്ടിയത്. മരങ്ങൾ അപകടങ്ങൾക്ക് ഇടയാക്കുന്നുവെന്ന ആക്ഷേപത്തെ തുടർന്നായിരുന്നു നടപടി.
വെട്ടിയ അക്കേഷ്യ തടി പനമരം പൊതുമരാമത്ത് ഓഫിസിനു മുന്നിൽ എത്തിച്ച് കൂട്ടിയിട്ടു. മരങ്ങൾക്ക് മൂന്ന് ലക്ഷത്തിലേറെ വില വരും. എന്നാൽ ലേലം ചെയ്യാനുള്ള നടപടി ഉണ്ടായില്ല. ലേലം ചെയ്യാൻ വനം വകുപ്പിെൻറ അനുമതി വേണ്ടിയിരുന്നു. കഴിഞ്ഞ വർഷമാണ് വനം വകുപ്പ് അനുമതി കൊടുത്തതത്രെ. വെയിലും മഴയുമേറ്റ് ഇതിനകം മരം ഒന്നിനും കൊള്ളാതെയായി. തുടർന്നാണ് വിറക് വിലക്ക് കൊടുക്കേണ്ടിവന്നത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.