ദുരന്തസാധ്യത മേഖലകളില് നിര്മാണങ്ങൾക്ക് നിയന്ത്രണം
text_fieldsകൽപറ്റ: പ്രകൃതിദുരന്തങ്ങള് ആവര്ത്തിക്കുന്ന പശ്ചാത്തലത്തില് ജില്ലയിലെ ദുരന്ത സാധ്യതാ പ്രദേശങ്ങളില് കെട്ടിട നിര്മാണത്തിനും ക്വാറി ഉള്പ്പെെടയുള്ള ഖനന പ്രവര് ത്തനങ്ങള്ക്കും നിയന്ത്രണം ഏര്പ്പെടുത്തി ജില്ല ദുരന്ത നിവാരണ അതോറിറ്റി ഉത്തരവിറക ്കി. ദുരന്തനിവാരണ അതോറിറ്റി ചെയര്മാന് കൂടിയായ ജില്ല കലക്ടര് എ.ആര്. അജയകുമാറാ ണ് ഉത്തരവിറക്കിയത്. ദുരന്തനിവാരണ നിയമത്തിലെ വിവിധ വകുപ്പുകള് ഉള്പ്പെടുത്തിയ ാണ് ഉത്തരവ്.
പ്രകൃതിയെ സംരക്ഷിച്ച് ദുരന്തനിവാരണത്തിലൂന്നിയുള്ള വികസനങ്ങള് ക്കാകും ഇനിമുതല് ജില്ലയിൽ മുൻഗണന നല്കുക. സാധാരണ ജനജീവിതത്തെ ബാധിക്കാത്ത രീതി യിലാണ് നിയന്ത്രണങ്ങള്. ദുരന്ത സാധ്യത മേഖലകളില് വാണിജ്യാവശ്യത്തിനുള്ള കെട്ടിട ങ്ങള്ക്കാണ് നിയന്ത്രണം. ഇത്തരത്തില് കെട്ടിടങ്ങള്ക്കും സംരംഭങ്ങള്ക്കും നിര്മാണ അ നുമതി നല്കണമെങ്കില് ഉത്തരവ് പാലിക്കണം. കേരള പഞ്ചായത്ത്, മുനിസിപ്പാലിറ്റി കെട്ടിട നിയമങ്ങളിലും ചട്ടങ്ങളിലും ദുരന്ത സാധ്യത മേഖലകളിലെ കെട്ടിട നിര്മാണം സംബന്ധിച്ച് പട്ടിക തയാറാക്കിയിട്ടുണ്ട്.
വലിയ കെട്ടിടങ്ങള്ക്ക് അനുമതിയില്ല
ജില്ല ദുരന്ത നിവാരണ പ്ലാനിലെ അപകട സാധ്യത മാപ്പില് ഉരുള്പൊട്ടല് സാധ്യതയുള്ളതായി അടയാളപ്പെടുത്തിയ സ്ഥലങ്ങളും അതിെൻറ അതിരില്നിന്ന് 500 മീറ്റര് ദൂരം വരെയുള്ള ഭാഗങ്ങളും ഉരുള്പൊട്ടല് സാധ്യത മേഖലയായി കണക്കാക്കും. ഉരുള്പൊട്ടല് സാധ്യത പ്രദേശങ്ങളില് കെട്ടിട നിര്മാണത്തിന് നിയന്ത്രണം ഉണ്ടാകും. വാണിജ്യാവശ്യത്തിനുള്ള വലിയ കെട്ടിടങ്ങള്ക്ക് അനുമതി ലഭിക്കില്ല. താമസിക്കാനുള്ള കെട്ടിടം, വിദ്യാഭ്യാസ സ്ഥാപനം, ആരാധനാലയം, ക്ലബ് പോലുള്ള സാമൂഹിക ആവശ്യത്തിനുള്ള കെട്ടിടം, ചെറുകിട വ്യവസായ യൂനിറ്റുകള്, ആശുപത്രി എന്നിവക്കുള്ള അനുമതി പരിശോധനക്ക് വിധേയമാക്കി മാത്രം നല്കും.
ഈ മേഖലയിലെ കെട്ടിടങ്ങളുടെ പരമാവധി വലുപ്പം 200 ചതുരശ്ര മീറ്ററും രണ്ടു നിലയും ഉയരം എട്ടു മീറ്ററുമായി നിജപ്പെടുത്തിയിട്ടുണ്ട്. ഉരുള്പൊട്ടല് സാധ്യത മേഖലയില് ഖനനവും യന്ത്രം ഉപയോഗിച്ചുള്ള മണ്ണെടുപ്പും നിരോധിച്ചു. അനുവദനീയമായ കെട്ടിടങ്ങളുടെ അസ്ഥിവാരം പണിയാനും കിണര് കുഴിക്കാനും കെട്ടിടങ്ങള്ക്ക് ആവശ്യമായ സാനിറ്റേഷനും കുടിവെള്ള സൗകര്യവും ഒരുക്കാനുമുള്ള പ്രവൃത്തികള് മാത്രമേ ഇത്തരം മേഖലകളില് ഇനി മുതല് അനുവദിക്കുക. മണ്ണ് കുത്തനെ വെട്ടിയിടിക്കുന്നത് നിരോധിച്ചിട്ടുണ്ട്.
മണ്ണ് ഇടിക്കുന്നത് ശാസ്ത്രീയമായി ഓരോ മൂന്നു മീറ്റര് ഉയരം ഇടവിട്ടും രണ്ടു മീറ്ററെങ്കിലും വീതിയുള്ള തട്ടാക്കിയും മാത്രമേ അനുവദിക്കൂ. ഇക്കാര്യങ്ങള് ഉറപ്പു വരുത്തേണ്ടത് അതത് തദ്ദേശ സ്വയംഭരണ സ്ഥാപന സെക്രട്ടറിയുടെ ഉത്തരവാദിത്തമാണ്. ഉരുള്പൊട്ടല് സാധ്യത മേഖലയിലുള്ള സ്വാഭാവിക നീര്ച്ചാലുകളെ തടസ്സപ്പെടുത്തി ഒരു നിര്മാണവും അനുവദിക്കില്ല. തദ്ദേശ സ്വയംഭരണ സ്ഥാപനങ്ങള് കുടിവെള്ള പദ്ധതിക്കായി നിര്മിച്ച സംഭരണികളെ നിയന്ത്രണത്തില്നിന്ന് ഒഴിവാക്കിയിട്ടുണ്ട്.
പരിശോധിക്കാന് വിദഗ്ധ സമിതി
ജില്ലയില് കഴിഞ്ഞ അഞ്ചു വര്ഷത്തിനിടെ കെട്ടിടം തകരല്, കെട്ടിടം ഇടിഞ്ഞ് താഴ്ന്നുപോകല് എന്നിവ നടന്ന സ്ഥലങ്ങളില് ഒരു കിലോമീറ്റര് ചുറ്റളവിലുള്ള അഞ്ചു നിലയില് കൂടുതലുള്ള എല്ലാ കെട്ടിടങ്ങളുടെയും സുരക്ഷ വിദഗ്ധസമിതി പരിശോധിക്കും. ഉരുള്പൊട്ടല് സാധ്യത മേഖലയിലുള്ള വാസഗൃഹം അല്ലാത്ത എല്ല നിര്മിതികളും 200 ചതുരശ്ര മീറ്ററില് അധികമുള്ള വാസഗൃഹങ്ങളും ഇതേ വിദഗ്ധസമിതിയുടെ നേതൃത്വത്തില് പരിശോധിക്കും. എ.ഡി.എം കെ. അജീഷ് ചെയര്മാനായും ജില്ല മണ്ണുസംരക്ഷണ ഓഫിസര് പി.യു. ദാസ് കണ്വീനറുമായുള്ള ആറംഗ വിദഗ്ധ സമിതിയെയാണ് നിയോഗിച്ചിട്ടുള്ളത്.
ക്വാറികൾ പൂട്ടാൻ നിർദേശം
ഉരുള്പൊട്ടല് മേഖലയില് പ്രവര്ത്തിക്കുന്ന ക്വാറികള്ക്ക് രണ്ടാഴ്ചക്കുള്ളില് നോട്ടീസ് നല്കി അടച്ചുപൂട്ടാന് ബന്ധപ്പെട്ട തഹസില്ദാര്മാര്ക്ക് നിര്ദേശം നല്കി. പരാതികളുണ്ടെങ്കില് ഒരുമാസത്തിനുള്ളില് അന്തിമ തീരുമാനമെടുക്കണം. മറ്റു സ്ഥലങ്ങളിലും അനുമതിയില്ലാതെ ക്വാറികള് പ്രവര്ത്തിക്കുന്നില്ലെന്ന് തദ്ദേശ സ്ഥാപനങ്ങളിലെ സെക്രട്ടറിമാര് പരിശോധിച്ച് ഉറപ്പുവരുത്തണം. ക്വാറികള് നിബന്ധനകള് പാലിച്ചാണോ പ്രവര്ത്തിക്കുന്നതെന്ന് ജിയോളജിസ്റ്റ് സെപ്റ്റംബര് 20ന് മുമ്പ് പരിശോധിച്ച് ഉറപ്പുവരുത്തും.
അല്ലാത്തവയുടെ പ്രവര്ത്തനം നിരോധിക്കും. ജിയോളജിസ്റ്റ്, ജില്ല മണ്ണ് സംരക്ഷണ ഓഫിസര് എന്നിവരടങ്ങിയ സംഘം നിലവില് ക്വാറികള് പ്രവര്ത്തിക്കുന്ന സ്ഥലത്തിെൻറ ഒരു കിലോമീറ്റര് പരിധിയില് സോയില് പൈപ്പിങ്, മണ്ണിടിച്ചില്, ഉരുള്പൊട്ടല് മുതലായവ സംബന്ധിച്ചും പരിശോധന നടത്തണം. പരിശോധന റിപ്പോര്ട്ട് മൂന്നു മാസത്തിനകം സമര്പ്പിക്കണമെന്നും ഉത്തരവില് വ്യക്തമാക്കുന്നു.
രജിസ്റ്റർ റദ്ദാക്കും
ജില്ലയിലെ രജിസ്റ്റര് ചെയ്ത റിസോര്ട്ടുകൾ, വാസഗൃഹം എന്നിവയും വിദ്യാലയം, ആശുപത്രി, സാമൂഹികാവശ്യം, ആരാധനാലയം എന്നിവയില് ഉള്പ്പെടാത്ത കെട്ടിടങ്ങളും പഞ്ചായത്ത് അല്ലെങ്കില് മുനിസിപ്പാലിറ്റി പരിശോധിക്കുകയും അവയുടെ രജിസ്ട്രേഷനുള്ള സുരക്ഷാ നിബന്ധനകള് പാലിച്ചിട്ടുണ്ടെന്ന് ഉറപ്പു വരുത്തുകയും ചെയ്യണം. നിബന്ധന പാലിക്കാത്തവയുടെയും രജിസ്റ്റര് ചെയ്യാത്തവയുടെയും പ്രവര്ത്തനം നിര്ത്തലാക്കും. പരിശോധനക്കായി തദേശ സ്ഥാപനങ്ങളിലെ സെക്രട്ടറിമാരെയും ചുമതലപ്പെടുത്തിയിട്ടുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.