ചെമ്മരുതിയിൽ പ്രഭാത ഭക്ഷണ പരിപാടിക്ക്​ തുടക്കം

വർക്കല: ചെമ്മരുതി ഗ്രാമപഞ്ചായത്തിലെ സ്കൂളുകളിൽ പ്രഭാത ഭക്ഷണ പരിപാടിക്ക് തുടക്കമായി. ആർ.കെ.എം.യു.പി.എസ് മുത്താന, എ.എം.എൽ.പി.എസ് മുത്താന, ചെമ്മരുതി എസ്.എൻ.വി.എൽ.പി.എസ് എന്നീ സ്കൂളുകളിലെ കുട്ടികൾക്കാണ് പദ്ധതി നടപ്പാക്കുന്നത്. പഞ്ചായത്തിൻെറ 2019-2020 വാർഷിക പദ്ധതിയിൽ ഉൾപ്പെടുത്തിയാണ് പദ്ധതി നടപ്പാക്കുന്നത്. പദ്ധതിയുടെ ഉദ്ഘാടനം പഞ്ചായത്ത് പ്രസിഡൻറ് എ.എച്ച്. സലീം നിർവഹിച്ചു. പഞ്ചായത്ത് സ്ഥിരംസമിതി അധ്യക്ഷൻ ജയസിംഹൻ അധ്യക്ഷത വഹിച്ചു. പ്രധാനാധ്യാപകരായ അനിത, ഗിരിജാകുമാരി എന്നിവർ സംസാരിച്ചു.