കരിദിനം ആചരിക്കും

നെടുമങ്ങാട്: പിണറായി സർക്കാർ രണ്ടുവർഷം പൂർത്തിയാക്കുന്ന മേയ് 18 കരിദിനമായി ആചരിക്കാൻ യു.ഡി.എഫ് നെടുമങ്ങാട് നിയോജക മണ്ഡലം കമ്മിറ്റി തീരുമാനിച്ചു. അന്നേ ദിവസം വൈകീട്ട് നെടുമങ്ങാട് കച്ചേരി ജങ്ഷനിൽ നടക്കുന്ന പ്രതിഷേധ സംഗമം പാലോട് രവി ഉദ്ഘാടനം ചെയ്യും. ഇതുസംബന്ധിച്ച് യു.ഡി.എഫ് ചെയർമാൻ വട്ടപ്പാറ ചന്ദ്ര​െൻറ അധ്യക്ഷതയിൽ ചേർന്ന യോഗത്തിൽ എസ്.എ. വാഹിദ്, ബാജി, കുന്നുംപുറം അഷ്റഫ്, അരുൺ കുമാർ, കന്യാകുളങ്ങര ഷാജഹാൻ, സെയ്ദ് അഹമ്മദ് കോയ തങ്ങൾ, പറമ്പിൽ പാലം നിസാർ, അർജുനൻ തുടങ്ങിയവർ സംസാരിച്ചു.