ബി.ജെ.പി നേതാവിനെതിരെ പി.കെ. ശ്രീമതി എം.പി മാനനഷ്​ട​േക്കസിന്​

കണ്ണൂർ: സത്യവിരുദ്ധപ്രചാരണങ്ങൾ നടത്തിയെന്നാരോപിച്ച് ബി.ജെ.പി നേതാവ് ബി. ഗോപാലകൃഷ്ണനെതിരെ പി.കെ. ശ്രീമതി എം.പി മാനനഷ്ടക്കേസിന് വക്കീൽ നോട്ടീസ് അയച്ചു. അഡ്വ. ബി.പി. ശശീന്ദ്രൻ മുഖേനയാണ് നോട്ടീസ് നൽകിയത്. പി.കെ. ശ്രീമതി ആരോഗ്യമന്ത്രിയായിരിെക്ക മകൻ പി.കെ. സുധീറും കോടിയേരി ബാലകൃഷ്ണ​െൻറ മകനും ചേർന്ന് നടത്തുന്ന ഫാർമസ്യൂട്ടിക്കൽ കമ്പനിക്ക് വഴിവിട്ട് സഹായങ്ങൾ നൽകിയെന്ന് ചാനൽ ചർച്ചകളിൽ ആരോപിച്ചതിനെതിരെയാണ് നോട്ടീസ്. ശ്രീമതിയുടെ മകന് ഒരു ഫാർമസ്യൂട്ടിക്കൽ കമ്പനിയുമായും ബന്ധമില്ലെന്നും നോട്ടീസ് ലഭിച്ച് അഞ്ചു ദിവസത്തിനുള്ളിൽ നിരുപാധികം മാപ്പ് പറഞ്ഞില്ലെങ്കിൽ നിയമനടപടികളുമായി മുന്നോട്ടുപോകുമെന്നും നോട്ടീസിൽ പറയുന്നു.