പുനലൂർ പട്ടണത്തിൽ പുതിയ പോക്കറ്റ് റോഡ് നിർമാണം തുടങ്ങി

പുനലൂർ: പട്ടണത്തിലെ വാഹനത്തിരക്കും ഗതാഗതക്കുരുക്കും ഒഴിവാക്കുന്നതിന് പുതിയ പോക്കറ്റ് റോഡ് നിർമാണം തുടങ്ങി. ദേശീയപാതയിൽ ഗവ.ആശുപത്രി ജങ്ഷന് സമീപം ജയഭാരതം ജങ്ഷനിൽനിന്നും തുടങ്ങി മാർക്കറ്റ്- മരുതമൺ റോഡിൽ അവസാനിക്കുന്നതാണ് പുതിയ റോഡ്. 200 മീറ്ററോളം വരുന്ന റോഡി​െൻറ കുറെഭാഗം വയലായതിനാൽ ഇവിടം മണ്ണിട്ട് നികത്തിയാണ് നിർമാണം നടക്കുന്നത്. കൂടാതെ വെള്ളംഒഴുക്കിനായി വയലി​െൻറ മധ്യത്തിൽ ചെറിയപാലവും നിർമിക്കുന്നുണ്ട്. റോഡ് കടന്നുപോകുന്ന ഭാഗത്തെ ഭൂഉടമകളുടെ കൂടി സഹകരണത്തോടെയാണ് നഗരസഭ റോഡ് നിർമിക്കുന്നത്.