ചാരായം വിറ്റയാൾ പിടിയിൽ

കരുനാഗപ്പള്ളി: താലൂക്കി​െൻറ വിവിധ പ്രദേശങ്ങളിൽ ചാരായം വാറ്റി വിൽപന നടത്തിവന്നയാൾ പിടിയിൽ. 10 ലിറ്റർ ചാരായവും 100 ലിറ്റർ കോടയും ഇയാളിൽനിന്ന് എക്സൈസ് പിടികൂടി. പാവുമ്പ കണ്ണഞ്ചാലിൽ പുഞ്ചയിൽ ചാരായം വാറ്റി കൊണ്ടിരിക്കവേ കാവുങ്കാലിൽ അയ്യത്ത് വീട്ടിൽ ഉത്തമനെയാണ് രാഹസ്യവിവരത്തെതുടർന്ന് കരുനാഗപ്പള്ളി എക്സൈസ് സർക്കിൾ ഇൻസ്പെക്ടർ സി.കെ. സജികുമാർ അറസ്റ്റ് ചെയ്തത്. ഉത്സവത്തിനോടനുബന്ധിച്ച് വ്യാജ ചാരായം വിൽപന നടത്തി വരുകയായിരുന്നു ഇയാൾ. ഒരു ലിറ്റർ ചാരായത്തിന് 700 രൂപ നിരക്കിലായിരുന്നു വിൽപന. റെയ്ഡിൽ പ്രിവൻറിവ് ഓഫിസർ എ. രഞ്ജിത്ത് കുമാർ, സിവിൽ എക്സൈസ് ഓഫിസർമാരായ സന്തോഷ്, ശ്രീകുമാർ, കിഷോർ, അനിൽകുമാർ എന്നിവർ പങ്കെടുത്തു.