ഷെറിൻ^ജീവരാഗം സാഹിത്യ പുരസ്​കാരം: ഗ്രന്​ഥങ്ങൾ ക്ഷണിച്ചു

ഷെറിൻ-ജീവരാഗം സാഹിത്യ പുരസ്കാരം: ഗ്രന്ഥങ്ങൾ ക്ഷണിച്ചു തിരുവനന്തപുരം: ഇന്തോ-ഗൾഫ് പ്രസിദ്ധീകരണമായ ജീവരാഗം മാസികയുടെ അണിയറ ശിൽപിയായിരുന്ന ഷെറി​െൻറ സ്മരണാർഥം ഷെറിൻ ഫൗണ്ടേഷനും ജീവരാഗം മാസികയും ചേർന്ന് ഏർപ്പെടുത്തിയ സാഹിത്യപുരസ്കാരത്തിന് കൃതികൾ ക്ഷണിച്ചു. 2018ലെ പുരസ്കാരം നോവലിനാണ്. 2015 ജനുവരി മുതൽ 2017 ഡിസംബർ വരെ ഒന്നാംപതിപ്പായി പ്രസിദ്ധപ്പെടുത്തിയ നോവലാണ് ഇൗവർഷം പുരസ്കാരത്തിന് പരിഗണിക്കുക. 10,001 രൂപയും പ്രശസ്തിപത്രവും അടങ്ങുന്നതാണ് പുരസ്കാരം. പുസ്തകത്തി​െൻറ നാല് കോപ്പികൾ മാർച്ച് 31ന് മുമ്പ് ലഭിക്കത്തക്കവിധം ഇടവാ ഷുക്കൂർ, മാനേജിങ് എഡിറ്റർ, ജീവരാഗം മാസിക, ഗാർഡൻ സിറ്റി, അയിരൂർ പി.ഒ, വർക്കല, തിരുവനന്തപുരം 695310 വിലാസത്തിൽ അയക്കണം. ഫോൺ: 9846541590.