പടയൊരുക്കം: സൈക്കിൾ റാലി സംഘടിപ്പിച്ചു

വർക്കല: കേന്ദ്ര-സംസ്ഥാന സർക്കാറുകളുടെ ജനവഞ്ചന നയങ്ങൾക്കെതിരെ പ്രതിപക്ഷ നേതാവ് രമേശ് ചെന്നിത്തല നയിക്കുന്ന 'പടയൊരുക്കം' ജാഥയുടെ പ്രചാരണാർഥം യൂത്ത് കോൺഗ്രസ് വർക്കല നിയോജകമണ്ഡലം കമ്മിറ്റി സൈക്കിൾ റാലി നടത്തി. വർക്കല മൈതാനിയിൽ നിന്നുമാരംഭിച്ച റാലി കല്ലമ്പലത്ത് സമാപിച്ചു. ആറ്റിങ്ങൽ പാർലമ​െൻറ് പ്രസിഡൻറ് ഷിബു വർക്കല ഫ്ലാഗ്ഓഫ് ചെയ്തു. വർക്കല നിയോജകമണ്ഡലം പ്രസിഡൻറ് ജഹാംഗീർ പാറക്കെട്ടിൽ അധ്യക്ഷത വഹിച്ചു. എസ്.എസ്. ജിഷ്ണു, സജി വേളിക്കാട്, അച്ചു സത്യദാസ്, ബദുൻ ഷാ, റിസ്വാൻ, അബ്ദുല്ല വർക്കല, കണ്ണൻ ചന്ദ്രോദയം, അസ്‌ലം എന്നിവർ നേതൃത്വം നൽകി.