Begin typing your search above and press return to search.
exit_to_app
exit_to_app
Posted On
date_range 24 Nov 2017 5:15 AM GMT Updated On
date_range 24 Nov 2017 5:15 AM GMTസർക്കാർ ആശുപത്രികളുടെ പ്രവർത്തനം ശക്തമാക്കണം ^മന്ത്രി കെ.ടി. ജലീൽ
text_fieldsbookmark_border
സർക്കാർ ആശുപത്രികളുടെ പ്രവർത്തനം ശക്തമാക്കണം -മന്ത്രി കെ.ടി. ജലീൽ നെടുമങ്ങാട്: സർക്കാർ ആശുപത്രികളുടെ പ്രവർത്തനം ശക്തമാക്കിയാൽമാത്രമേ സ്വകാര്യ ആരോഗ്യ മേഖലയിലെ ചൂഷണം തടയാൻ കഴിയൂവെന്ന് മന്ത്രി കെ.ടി. ജലീൽ. തിരുവനന്തപുരം ജില്ല പഞ്ചായത്തിെൻറ രണ്ടാം വാർഷികത്തിെൻറ ഭാഗമായി നെടുമങ്ങാട് ജില്ല ആശുപത്രിയിൽ നടപ്പാക്കിയ വിവിധ പദ്ധതികളുടെ ഉദ്ഘാടനം നിർവഹിക്കുകയായിരുന്നു അദ്ദേഹം. സർക്കാർ ആശുപത്രികളുടെ പ്രവർത്തനം സുശക്തമാക്കുകയെന്നത് സർക്കാറിെൻറ പ്രഖ്യാപിതനയമാണ്. ഇതിനാണ് 'ആർദ്രം' പദ്ധതി വിജയകരമായി നടപ്പാക്കുന്നത്. ജീവിക്കാനുള്ള ജനങ്ങളുടെ മോഹത്തെയാണ് സ്വകാര്യ ആശുപത്രികൾ ചൂഷണം ചെയ്യുന്നതെന്നും അദ്ദേഹം പറഞ്ഞു. നവീകരിച്ച ഓപറേഷൻ തീയറ്റർ, നേത്രവിഭാഗം ഓപറേഷൻ തീയറ്റർ, ഡിജിറ്റൽ എക്സ്റേ യൂനിറ്റ്, എച്ച്.എൽ.എൽ ലാബ്, ആർ.ജി.സി ലാബ്, പവർ ലോൺട്രി, ജൻ ഔഷധി മെഡിക്കൽ സ്റ്റോർ എന്നിവയുടെ ഉദ്ഘാടനമാണ് നടന്നത്. ഡയാലിസിസ് സെൻററിെൻറ ഉദ്ഘാടനം സി. ദിവാകരൻ എം.എൽ.എയും ആർ.എൽ.ജി.സി.ബി ലാബിെൻറ ഉദ്ഘാടനം ജില്ല പഞ്ചായത്ത് വൈസ് പ്രസിഡൻറ് അഡ്വ. ഷൈലജാബീഗവും നിർവഹിച്ചു. ജില്ല പഞ്ചായത്ത് പ്രസിഡൻറ് വി.കെ. മധു അധ്യക്ഷതവഹിച്ചു. നഗരസഭ ചെയർമാൻ ചെറ്റച്ചൽ സഹദേവൻ, ജില്ല പഞ്ചായത്ത് അംഗങ്ങളായ എസ്.കെ. പ്രീജ, ആനാട് ജയൻ, വിജുമോഹൻ, എസ്.എം. റാസി, കൗൺസിലർ ടി. അർജുനൻ, ആശുപത്രി സൂപ്രണ്ട് ഡോ. വി.എസ്. സജീവ് എന്നിവർ സംസാരിച്ചു. ജില്ല പഞ്ചായത്ത് ആരോഗ്യ സ്റ്റാൻഡിങ് കമ്മിറ്റി ചെയർമാൻ വി. രഞ്ജിത് സ്വാഗതവും ജില്ല പഞ്ചായത്ത് സെക്രട്ടറി വി. സുഭാഷ് നന്ദിയും പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story