പയറി​െൻറ ഗുണഗണങ്ങളുമായി രണ്ട് കൊച്ച് മിടുക്കികൾ ----------------------------------------------------------

കൊട്ടാരക്കര: മലയാളികളുടെ നിത്യജീവിതത്തിൽ പയർ വർഗങ്ങളുടെ ആവശ്യകതയെകുറിച്ചുള്ള രണ്ട് കൊച്ച് മിടുക്കികളുടെ ബോധവത്കരണം ശ്രദ്ധേയമായി. ജില്ല സ്കൂൾ ശാസ്ത്രോത്സവത്തി​െൻറ രണ്ടാംദിനമായ വെള്ളിയാഴ്ച കൊട്ടാരക്കര തൃക്കണ്ണമംഗൽ എസ്.കെ.വി.വി.എച്ച്.എസ്.എസിൽ നടന്ന ഗവേഷണ പ്രൊജക്റ്റ്‌ വിഭാഗം മത്സരത്തിലാണ് പയറി​െൻറ മേന്മയുമായി പോരുവഴി ഗവ. ഹയർ സെക്കൻഡറി സ്കൂളിലെ ഏഴാം ക്ലാസ് വിദ്യാർഥികളായ ഹിബ യാസ്മീനും വൈഷ്ണവി ആർ.എസും എത്തിയത്. 50ലധികം പയർവിഭവങ്ങൾ പ്രദർശനത്തിന് ഒരുക്കിയാണ് പയർ വർഗത്തി​െൻറ പോഷകമൂല്യങ്ങളെ കുറിച്ച് ഇവർ കാണികൾക്ക് പറഞ്ഞുകൊടുത്തത്. ക്ലാസ് ടീച്ചറായ നൂർജഹാ​െൻറ പിന്തുണയോടെയാണ് ശാസ്ത്രമേളക്ക് ഗവേഷണ പ്രൊജക്റ്റ്‌ വിഭാഗത്തിൽ ഈ വിഷയം തെരഞ്ഞെടുത്തതെന്ന് കുട്ടികൾ പറഞ്ഞു. -