Begin typing your search above and press return to search.
exit_to_app
exit_to_app
Posted On
date_range 11 Nov 2017 5:17 AM GMT Updated On
date_range 11 Nov 2017 5:17 AM GMTകടന്നൽകൂട് ഭീഷണിയാകുന്നു
text_fieldsbookmark_border
ഓയൂർ: പൂയപ്പള്ളി കിഴക്ക് ജനവാസമേഖലയിൽ . ബ്ലസെൻറ വീടിനോട് ചേർന്ന് നിൽക്കുന്ന സമീപവാസിയായ ശ്രീധരെൻറ പ്ലാവിലാണ് കടന്നൽ കൂട്കൂട്ടിയിരിക്കുന്നത്. അമ്പതടിയോളം ഉയരമുള്ള പ്ലാവിെൻറ മധ്യഭാഗത്തായി ചെറുചില്ലകളിലും തായ്തടികളിലുമായിട്ടാണ് കൂട്. കാറ്റടിക്കുന്നതോടെ കടന്നലുകൾ കൂട്ടത്തോടെ പുറത്തേക്ക് വരികയാണ്. കൂടിന് നാലടിയോളം വ്യാസംവരും. അമ്പതിൽപരം കുടുംബങ്ങളാണ് പ്രദേശത്ത് താമസിക്കുന്നത്. സമീപത്തുകൂടിയുള്ള പഞ്ചായത്ത് റോഡുവഴി സ്കൂൾ കുട്ടികളടക്കം നൂറ് കണക്കിന് ആളുകളാണ് കാൽനടയായും വാഹനങ്ങളിലും യാത്ര ചെയ്യുന്നത്. കടന്നലിനെ നശിപ്പിപ്പിച്ച് ജനങ്ങളുടെ സുരക്ഷ ഉറപ്പ് വരുത്തുന്നതിന് പൂയപ്പള്ളി പഞ്ചായത്ത് അധികൃതർ അടിയന്തരനടപടി സ്വീകരിക്കണമെന്ന് നാട്ടുകാർ ആവശ്യപ്പെട്ടു. അംഗപരിമിതർക്കുള്ള മെഡിക്കൽ ക്യാമ്പ് ഓയൂർ: കൊട്ടാരക്കര ബ്ലോക്ക് പഞ്ചായത്തിെൻറയും നെടുമൺകാവ് സാമൂഹികാരോഗ്യകേന്ദ്രത്തിെൻറയും ആഭിമുഖ്യത്തിൽ 2017-18 സാമ്പത്തികവർഷത്തെ ജനകീയാസൂത്രണ പദ്ധതിയിൽ ഉൾപ്പെടുത്തി പൂയപ്പള്ളി ഗ്രാമപഞ്ചായത്തിലെ അംഗപരിമിതർക്കായി 11ന് രാവിലെ 9.30 മുതൽ 1.30 വരെ കോഴിക്കോട് എൻ.ജെ.പി.എം.എൽ.പി.എസിൽ മെഡിക്കൽ ക്യാമ്പ് സംഘടിപ്പിക്കും. കണ്ണട, ശ്രവണസഹായി, മുച്ചക്രവാഹനങ്ങൾ എന്നിവ നൽകുന്നതിന് ഗുണഭോക്താക്കളെ കണ്ടെത്തുന്നതിനാണ് ക്യാമ്പ്. ജി.എസ്. ജയലാൽ എം.എൽ.എ ഉദ്ഘാടനം ചെയ്യും. കൊട്ടാരക്കര ബ്ലോക്ക് പഞ്ചായത്ത് പ്രസിഡൻറ് ശശികുമാർ അധ്യക്ഷത വഹിക്കും. ക്യാമ്പിൽ അംഗപരിമിതരെ പരിശോധിക്കുന്നതിന് ഡോക്ടറുടെ വിദഗ്ധസംഘം ഉണ്ടാകും. ഡോക്ടർമാർ തയാറാക്കുന്ന രജിസ്റ്ററിൽ പെടുന്നവരെ മാത്രമേ പട്ടികയിൽ ഉൾപ്പെടുത്തുകയുള്ളൂ.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story