ഇടിമിന്നലേറ്റ്​ വീടി​െൻറ ടെറസ്​ തകർന്നു

കൊട്ടിയം: നെടുമ്പന പഞ്ചായത്തിൽപെട്ട മുട്ടക്കാവിൽ മിന്നലേറ്റ് ടെറസ് വീട് തകരുകയും വീട്ടിലുണ്ടായിരുന്ന വൈദ്യുതി ഉപകരണങ്ങൾ നശിക്കുകയുംചെയ്തു. മുട്ടക്കാവ് പുതുപ്പള്ളിൽ ഹലീമ മൻസിലിൽ നജീമി​െൻറ വീടിനാണ് മിന്നലേറ്റത്. വീടി​െൻറ മതിലുകൾ വിണ്ടുകീറുകയും ഷെയ്ഡുകൾ പൊട്ടിത്തെറിക്കുകയും ചെയ്തു. അഞ്ച് ഫാനുകൾ, ടൂബ് ലൈറ്റുകൾ തുടങ്ങിയവ നശിച്ചു. വൈകീട്ട് അഞ്ചരയോടെയായിരുന്നു സംഭവം. വൈദ്യുതി ബോർഡ് ഉദ്യോഗസ്ഥർ സ്ഥലത്തെത്തി പരിശോധന നടത്തി.