പ്രതിഷേധ ചൂടിൽ നാടും നഗരവും
text_fieldsതൃശൂർ: പൗരത്വ ഭേദഗതി നിയമത്തിനെതിരെ ജില്ലയിൽ പ്രതിഷേധം ശക്തിയാർജിക്കുന്നു. കൂടു തൽ സംഘടനകൾ പ്രതിഷേധവുമായി രംഗത്തിറങ്ങി. ഭേദഗതി നിയമം പിൻവലിക്കണമെന്നും രാജ്യത്ത് വർഗീയ കലാപം സൃഷ്ടിക്കാനുള്ള നീക്കത്തിൽനിന്ന് കേന്ദ്ര സർക്കാർ പിന്മാറണമെന്നും ആവശ്യപ്പെട്ട് േജാ.കൗൺസിൽ ജില്ലയിൽ വിവിധ കേന്ദ്രങ്ങളിൽ മാർച്ച് സംഘടിപ്പിച്ചു. തൃശൂർ താലൂക്ക് ഓഫിസിന് മുന്നിൽ ജില്ല സെക്രട്ടറി എം.യു. കബീർ ഉദ്ഘാടനം ചെയ്തു. വി.ആർ. സുജീഷ്കുമാർ അധ്യക്ഷത വഹിച്ചു. ചാലക്കുടിയിൽ കെ.എ. ശിവൻ, വടക്കാഞ്ചേരിയിൽ വി.വി. ഹാപ്പി, നാട്ടികയിൽ കെ.സി. സുഭാഷ്, അയ്യന്തോളിൽ ആർ. ഹരീഷ്കുമാർ, ചാവക്കാട്ട് വി.ജെ. മെർളി, ഇരിങ്ങാലക്കുടയിൽ എ.എൻ. നൗഷാദ്, കുന്നംകുളത്ത് ആർ.കെ. അനിൽകുമാർ, കൊടുങ്ങല്ലൂരിൽ വി.എച്ച്. ബാലമുരളി എന്നിവർ ഉദ്ഘാടനം നിർവഹിച്ചു. പൗരന്മാരെ രണ്ടായി വിഭജിക്കാൻ അർധരാത്രി ഒപ്പിട്ട നിയമത്തിനെതിരെ രാപകൽ പ്രക്ഷോഭം നടത്തുന്നവർക്ക് ഐക്യദാർഢ്യം പ്രകടിപ്പിച്ച് ഐ.എൻ.ടി.യു.സി ജില്ല കമ്മിറ്റി ബുധനാഴ്ച അർധരാത്രി തൃശൂർ നഗരത്തിൽ പ്രകടനം നടത്തി. ഭേദഗതി നിയമത്തിെൻറ പകർപ്പ് കത്തിച്ചു. ജില്ല പ്രസിഡൻറ് സുന്ദരൻ കുന്നത്തുള്ളി ഉദ്ഘാടനം ചെയ്തു. ജോൺസൺ ആവോക്കാരൻ, ഇ. ഉണ്ണികൃഷ്ണൻ, ബിജോയ് ബാബു തുടങ്ങിയവർ നേതൃത്വം നൽകി.
എസ്.എഫ്.ഐയുടെ ലോങ്മാർച്ച്
തൃശൂർ: രാജ്യത്തെ കീറിമുറിക്കാനുള്ള കേന്ദ്രസർക്കാറിെൻറ പൗരത്വ ഭേദഗതി നിയമത്തിനെതിരെ എസ്.എഫ്.ഐയുടെ ലോങ്മാർച്ച്. ചുട്ടുപൊള്ളുന്ന വെയിലിെന അവഗണിച്ച് വിദ്യാർഥികൾ മാർച്ചിൽ അണിനിരന്നു. ചേർപ്പ് സെൻററിൽ മുൻ എം.പിയു പി.കെ ബിജു ഉദ്ഘാടനം ചെയ്തു.
രാജ്യത്തെ ജനങ്ങളെ ഒന്നിപ്പിക്കുന്ന സന്ദേശം പകർന്നുള്ള ദീപശിഖ സംവിധായകൻ പ്രിയനന്ദനൻ, കവി രാവുണ്ണി, ഗാനരചയിതാവ് ഏങ്ങണ്ടിയൂർ ചന്ദ്രശേഖരൻ, ചകിരിത്തൊഴിലാളി സമരനായിക ലീല എന്നിവർ ചേർന്ന് സമരവളൻറിയർമാർക്ക് കൈമാറി.
പാലയ്ക്കൽ, കണിമംഗലം, ഹൈറോഡ് എന്നിവിടങ്ങളിൽ ചുമട്ടുതൊഴിലാളികൾ, കർഷകർ തുടങ്ങിയവർ വളൻറിയർമാർക്ക് വെള്ളവും ലഘുഭക്ഷണവും നൽകി. ശക്തൻനഗർ, ഹൈറോഡ്, സ്വരാജ്റൗണ്ട് ചുറ്റി മാർച്ച് ഏജീസ് ഓഫിസിനുമുന്നിൽ സമാപിച്ചു. സമാപനയോഗം എസ്.എഫ്.ഐ സംസ്ഥാന പ്രസിഡൻറ് വി.എ. വിനീഷ് ഉദ്ഘാടനം ചെയ്തു. ജില്ല പ്രസിഡൻറ് ജാസിർ ഇക്ബാൽ അധ്യക്ഷത വഹിച്ചു. കേന്ദ്രകമ്മിറ്റിയംഗം വി.പി. ശരത്പ്രസാദ്, സോന കെ. കരീം, രജില ജയൻ, നിതിൻ പുല്ലൻ, മൃദുല, ജില്ല സെക്രട്ടറി സി.എസ്. സംഗീത്,ഹസൻ മുബാറക്ക് എന്നിവർ സംസാരിച്ചു.
എസ്.എസ്.എഫ് മാസ് പ്രൊട്ടസ്റ്റ് റാലി
തൃശൂര്: രാജ്യത്ത് വിവിധ ഭാഗങ്ങളിൽ പ്രതിഷേധിക്കുന്ന വിദ്യാർഥി സമൂഹത്തേയും അവർക്ക് പിന്തുണ നൽകുന്ന രാഷ്ട്രീയ സാംസ്കാരിക നേതാക്കളെയും അറസ്റ്റ് ചെയ്തതിനെ അപലപിച്ചും ഭരണഘടനാവിരുദ്ധമായ പൗരത്വ ഭേദഗതി നിയമത്തിൽ പ്രതിഷേധിച്ചും എസ്.എസ്.എഫ് ജില്ല കമ്മിറ്റി തൃശൂര് നഗരത്തിൽ മാസ് പ്രൊട്ടസ്റ്റ് റാലി സംഘടിപ്പിച്ചു. തൃശൂർ പോസ്റ്റ് ഓഫിസ് റോഡിൽനിന്ന് ആരംഭിച്ച് റൗണ്ട് ചുറ്റി കോർപറേഷൻ പരിസരത്ത് സമാപിച്ചു.
പൊതുസമ്മേളനം സംസ്ഥാന സെക്രേട്ടറിയറ്റ് അംഗം കെ.ബി. ബഷീര് മുസ്ലിയാർ ഉദ്ഘാടനം ചെയ്തു.
ജില്ല പ്രസിഡൻറ് പി.സി. റഊഫ് മിസ്ബാഹി അധ്യക്ഷത വഹിച്ചു. ആര്.എ. നൗഷാദ്, നൂറുദ്ദീന് സഖാഫി വാടാനപ്പള്ളി, ശനീബ് മുല്ലക്കര, ഇയാസ് പഴുവില്, മുനീര് ഖാദിരി തിരുനെല്ലൂര് എന്നിവർ നേതൃത്വം നൽകി.
ഇടതു നേതാക്കളുടെ അറസ്റ്റിൽ പ്രതിഷേധം
തൃശൂർ: പൗരത്വ ഭേദഗതി നിയമത്തിനെതിരെ പ്രക്ഷോഭത്തിനിറങ്ങിയ സി.പി.എം അഖിലേന്ത്യ ജനറല് സെക്രട്ടറി സീതാറം യെച്ചൂരി, സി.പി.ഐ ജനറൽ സെക്രട്ടറി ഡി.രാജ, ചരിത്രകാരൻ രാമചന്ദ്ര ഗുഹ എന്നിവരെ എന്നിവരെ അറസ്റ്റ് ചെയ്തതില് ജില്ലയില് ഇടത് സംഘടനകളുടെ നേതൃത്വത്തിൽ പ്രതിഷേധം. രാത്രിയില് പന്തംകൊളുത്തി പ്രകടനം നടത്തി. തൃശൂര് ഏരിയ കമ്മിറ്റിയുടെ നേതൃത്വത്തില് സ്വരാജ് റൗണ്ടില് പ്രകടനം നടത്തി. സി.പി.എം സംസ്ഥാന കമ്മിറ്റിയംഗങ്ങളായ എന്.ആര്. ബാലന്, പി.കെ. ബിജു, ജില്ല സെക്രേട്ടറിയറ്റംഗം പി.കെ. ഡേവിസ്, ജില്ലാ പഞ്ചായത്ത് പ്രസിഡൻറ് മേരി തോമസ്, പ്രഫ. ആര്. ബിന്ദു, കെ.രവീന്ദ്രന് എന്നിവരുടെ നേതൃത്വം നൽകി. എ.ഐ.വൈ.എഫും പ്രകടനം നടത്തി. സീതാറാം യെച്ചൂരി അടക്കം ഇടതുപക്ഷ നേതാക്കന്മാരെ അറസ്റ്റ് ചെയ്തതിലും പൗരത്വ ഭേദഗതി നിയമത്തിനുമെതിരെ രാജ്യവ്യാപകമായി നടക്കുന്ന സമരങ്ങളെ അമർച്ച ചെയ്യുന്നതിലും പ്രതിഷേധിച്ച് ഡി.വൈ.എഫ്.ഐ തൃശൂർ ബ്ലോക്ക് കമ്മിറ്റി നഗരത്തിൽ പ്രതിഷേധ പ്രകടനം നടത്തി. പ്രധാനമന്ത്രി നരേന്ദ്ര മോദിയുടെയും അമിത് ഷായുടേയും കോലം കത്തിച്ചു. ബ്ലോക്ക് സെക്രട്ടറി കെ.എസ്. സെന്തിൽകുമാർ, പ്രസിഡൻറ് ആൻസൻ സി. ജോയ്, ട്രഷറർ ദിപിൻദാസ്, സാൻജോ ജോയ്, എൻ.ബി. നിധീഷ്, ടി.കെ. രാജി , നിവ്യ സുനിൽ, അരവിന്ദ് പളളിയിൽ, കെ.വി. വിമൽ എന്നിവർ നേതൃത്വം നൽകി. പൊതുയോഗം സി.പി.എം ഏരിയ സെക്രട്ടറി കെ. രവീന്ദ്രൻ ഉദ്ഘാടനം ചെയ്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.