കാര് വാടകക്കെടുത്ത് പണയംവെച്ച് പണം തട്ടിയ സംഘം പിടിയിൽ
text_fieldsമാള: കാര് വാടകക്കെടുത്ത് പണയം വെച്ച് പണം തട്ടിയെന്ന പരാതിയിൽ മൂന്ന് യുവാക്കളെ മാള പൊലീസ് അറസ്റ്റ് ചെയ്തു. കരൂപ്പടന്ന മുഹമ്മദ് ഷാരൂഖ് (23), ആലുവ കക്കാട്ടില് അസ്ഹര് (30), സഹോദരന് അസ്ഫര് (26) എന്നിവരാണ് അറസ്റ്റിലായത്.മാള പള്ളിപ്പുറം നമ്പ്യാംകുളം ഉമറിെൻറ മകൻ സൽമാെൻറ പരാതിയിലാണ് കേസെടുത്തത്. കരൂപ്പടന്ന സ്വദേശി ഷാരൂഖാണ് സൽമാനെ സമീപിച്ച് കാർ കൊണ്ടുപോയത്. പറഞ്ഞ ദിവസം വാഹനം തിരിച്ചെത്തിയില്ല. ഷാരൂഖിെൻറ നമ്പറിൽ വിളിച്ചെങ്കിലും ലഭിച്ചില്ല.
ഫോൺ സ്വിച്ച് ഓഫായതിനെ തുടർന്ന് കഴിഞ്ഞ ദിവസം മാള പൊലീസിൽ പരാതി നൽകി. മൊബൈൽ നമ്പർ കേന്ദ്രീകരിച്ച അന്വേഷണത്തിൽ ഷാരൂഖിനെ കൊടുങ്ങല്ലൂർ ടി.കെ.എസ് പുരത്തുനിന്നും പിടികൂടി. ഇയാളെ വിളിച്ചുവരുത്തി കൂട്ടാളികളായ അസ്ഫർ, അസ്ഹർ എന്നിവരെ ചാലക്കുടിയിൽനിന്ന് കസ്റ്റഡിയിലെടുത്തു. ഇവർ വാടകക്കെടുത്ത കാർ സ്വകാര്യ വ്യക്തിക്ക് പണയപ്പെടുത്തി 2,60,000 രൂപ കൈവശപ്പെടുത്തിയിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.