രേഖകൾ ഇല്ലാതെ കടത്തിയ 300 പവൻ സ്വർണവുമായി പിടിയിൽ
text_fieldsഇരിങ്ങാലക്കുട: രേഖകൾ ഇല്ലാതെ കടത്തുകയായിരുന്ന 300 പവൻ സ്വർണവുമായി തൃശൂർ സ്വദേശി എക്സൈസ് സംഘത്തിെൻറ പിടിയിൽ. പുതുക്കാട് ടോൾ പ്ലാസക്ക് സമീപം നടന്ന വാഹന പരിശോധനയ്ക ്കിടയിലാണ് ചാവക്കാട് ചിറ്റാട്ടുകര സ്വദേശി ശ്യാംലാൽ (26) പിടിയിലായത്. വയനാട് നിന്ന് തിരുവനന്തപുരത്തേക്ക് പോവുകയായിരുന്ന കെ.എസ്.ആർ.ടി.സി ബസിൽ ആയിരുന്നു ഇയാളുണ്ടായിരുന്നത്.
തൃശൂരിലെ ജ്വല്ലറികൾക്ക് കൊടുക്കാൻ വേണ്ടിയാണ് സ്വർണം കൊണ്ട് പോകുന്നതെന്ന് പ്രതി സമ്മതിച്ചതായി എക്സൈസ് ഇൻസ്പെക്ടർ കെ.കെ. ഷിജിൽകുമാർ പറഞ്ഞു. ഉദ്യോഗസ്ഥരായ അനിൽകുമാർ, ദി ബോസ്, ഉല്ലാസ്, ജിവേഷ്, സന്തോഷ് കുമാർ, ഡ്രൈവർ ഷൈജു എന്നിവരും പിടികൂടിയ സംഘത്തിൽ ഉണ്ടായിരുന്നു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.