കാ​ടി​റ​ങ്ങി വ​ന്യ​മൃ​ഗ​ങ്ങ​ൾ; ഭീ​തി​യി​ൽ മ​ല​യോ​ര​ഗ്രാ​മ​ങ്ങ​ൾ

ക​ല്ല​ടി​ക്കോ​ട്: അ​ത്യു​ഷ്ണം താ​ങ്ങാ​നാ​വാ​തെ വ​ന്യ​മൃ​ഗ​ങ്ങ​ൾ കാ​ടി​റ​ങ്ങി​ത്തു​ട​ങ്ങി​യ​ത്​ മ​ല​യോ​ര ഗ്രാ​മ​ങ്ങ​ളി​ൽ ഭീ​തി​യു​ടെ ഇ​രു​ൾ പ​ര​ത്തു​ന്നു. ക​രി​മ്പ ഗ്രാ​മ​പ​ഞ്ചാ​യ​ത്തി​ൽ കാ​ട്ടാ​ന​ക​ളും കാ​ട്ടു​പ​ന്നി​ക​ളും പു​ലി​യും ജ​ന​വാ​സ മേ​ഖ​ല​യി​ലി​റ​ങ്ങി സ്വ​ത​ന്ത്ര വി​ഹാ​രം ന​ട​ത്തു​ക​യാ​ണ്. ക​ണ​ക്കു​പ​റ​മ്പ് സ്വ​ദേ​ശി​യെ കാ​ട്ടു​പ​ന്നി ആ​ക്ര​മി​ച്ച​തി​ന് പി​റ​കെ പ​റ​ക്ക​ല​ടി​യി​ൽ ര​ണ്ടു​പേ​രു​ടെ ആ​ടു​ക​ളെ പു​ലി ക​ടി​ച്ചു​കൊ​ന്നു.

ഒ​രാ​ഴ്ച​ക്കാ​ല​മാ​യി മൂ​ന്നേ​ക്ക​റി​ന്​ സ​മീ​പം മീ​ൻ​വ​ല്ലം, മു​ണ്ട​നാ​ട്, തു​ടി​ക്കോ​ട്, പ​റ​ക്ക​ല​ടി എ​ന്നി​വി​ട​ങ്ങ​ളി​ലും പ​രി​സ​ര​ങ്ങ​ളി​ലും രാ​ത്രി ഇ​രു​ട്ടി​യാ​ൽ കാ​ടി​റ​ങ്ങു​ന്ന കാ​ട്ടാ​ന​ക്കൂ​ട്ടം ജ​ന​വാ​സ മേ​ഖ​ല​ക്ക​ടു​ത്ത കൃ​ഷി​യി​ട​ങ്ങ​ളി​ൽ എ​ത്തി കൃ​ഷി ന​ശി​പ്പി​ക്കു​ന്ന​തും പ​തി​വാ​യി. വ്യാ​ഴാ​ഴ്ച പു​ല​രും മു​മ്പ്​ മു​ണ്ട​നാ​ട് മു​ണ്ട​ൻ​കു​ഴ സ​ര​സ​മ്മ​യു​ടെ മൂ​പ്പെ​ത്തി​യ തെ​ങ്ങും ക​വു​ങ്ങും കാ​ട്ടാ​ന​ക​ൾ ന​ശി​പ്പി​ച്ചു.

ഇ​ത്ത​ര​ത്തി​ലു​ള്ള കൃ​ഷി നാ​ശ​ങ്ങ​ളും ഈ ​സ്ഥ​ല​ങ്ങ​ളി​ൽ പ​തി​വാ​ണ്. തീ​റ്റ​യും കു​ടി​നീ​രും തേ​ടി​യാ​ണ് വ​ന്യ​മൃ​ഗ​ങ്ങ​ൾ കാ​ടി​റ​ങ്ങു​ന്ന​ത്. വ​ന്യ​മൃ​ഗ​ശ​ല്യം ത​ട​യാ​ൻ മു​മ്പ്​ സൗ​രോ​ർ​ജ വേ​ലി സ്ഥാ​പി​ച്ച സ്ഥ​ല​ങ്ങ​ളി​ൽ അ​വ ദു​ർ​ബ​ല​മാ​യി. പ​റ​ക്ക​ല​ടി​ക്ക​ടു​ത്ത വ​നാ​തി​ർ​ത്തി​യി​ൽ പ്ര​തി​രോ​ധ​വേ​ലി​ക്ക് പ​ദ്ധ​തി ആ​വി​ഷ്ക​രി​ച്ച​ത് ന​ട​പ്പാ​യി​ട്ടി​ല്ല.