കു​ന്തി​പ്പു​ഴ​യു​ടെ ആ​ഴ​ങ്ങ​ളി​ൽ കൗ​മാ​രം മു​ങ്ങി​ത്താ​ഴു​ന്നു

  • പു​ഴ​യി​ലെ അ​ടി​യൊ​ഴു​ക്കാ​ണ് അ​പ​ക​ട​ങ്ങ​ൾ​ക്ക്  കാ​ര​ണ​മാ​യി പ​റ​യു​ന്ന​ത്

11:05 AM
02/12/2019
ഇന്നലെ ക​ട്ടു​പ്പാ​റ ഇ​ട്ട​ക്ക​ട​വ് ത​ട​യ​ണ​യി​ൽ മു​ങ്ങി​ കാണാതായ വി​ദ്യാ​ർ​ഥിക്കായി ഫ​യ​ർ​ഫോ​ഴ്സും നാ​ട്ടു​കാ​രും തി​ര​യു​ന്നു

പു​ലാ​മ​ന്തോ​ൾ: കു​ന്തി​പ്പു​ഴ​യി​ലെ അ​ടി​യൊ​ഴു​ക്കു​ക​ൾ കൗ​മാ​ര​ക്കാ​രു​ടെ അ​ന്ത​ക​നാ​കു​ന്നു. വ​ർ​ഷ​ങ്ങ​ൾ​ക്കി​ട​യി​ൽ പു​ഴ​യി​ൽ കു​ളി​ക്കാ​നെ നി​ര​വ​ധി​പേ​രാ​ണ് പു​ഴ​യു​ടെ ആ​ഴ​ങ്ങ​ളി​ൽ ആ​ണ്ടി​റ​ങ്ങി ജീ​വ​ൻ​വെ​ടി​ഞ്ഞ​ത്. കു​ന്തി​പ്പു​ഴ​യി​ൽ ഏ​ലം​കു​ളം മു​തു​കു​ർ​ശ്ശി മു​ത​ൽ മൂ​ർ​ക്ക​നാ​ട് വ​രെ​യു​ള്ള ഭാ​ഗ​ങ്ങ​ളി​ലാ​ണ് കു​ളി​ക്കാ​നെ​ത്തു​ന്ന കൗ​മാ​ര​ക്കാ​രും യു​വാ​ക്ക​ളും മു​ങ്ങി മ​രി​ക്കു​ന്ന​ത്. ഞാ​യ​റാ​ഴ്ച ഉ​ച്ച​ക്ക് 12ന് ​കു​ന്തി​പ്പു​ഴ ഇ​ട്ട​ക്ക​ട​വ് പാ​ല​ത്തി​ന് താ​ഴെ കു​ളി​ക്കാ​നി​റ​ങ്ങി പു​ഴ​യി​ൽ കു​ഴ​ഞ്ഞു​വീ​ണ് ആ​ഴ​ങ്ങ​ളി​ലേ​ക്ക് ആ​ണ്ടി​റ​ങ്ങി​യ​താ​ണ് ഒ​ടു​വി​ലെ സം​ഭ​വം. പാ​ല​ത്തി​​െൻറ കാ​ൽ തൂ​ണി​ൽ​നി​ന്ന് തൊ​ട്ട​ടു​ത്ത തൂ​ൺ കാ​ലി​ന്​ താ​ഴേ​ക്ക് നീ​ന്തു​മ്പോ​ഴാ​യി​രു​ന്നു പു​ളി​ങ്കാ​വ് സ്വ​ദേ​ശി ജാ​സി​റി​ന്​ കൈ​കാ​ൽ ത​ള​ർ​ന്ന് നീ​ന്താ​ൻ ക​ഴി​ഞ്ഞി​ല്ല.

കൂ​ടെ​യു​ണ്ടാ​യി​രു​ന്ന ആ​ഷി​ഫി​നും ത​ള​ർ​ച്ച അ​നു​ഭ​വ​പ്പെ​ട്ട​തോ​ടെ മ​ല​ർ​ന്നു​കി​ട​ന്ന് നീ​ന്തി​യാ​ണ​ത്രെ ര​ക്ഷ​പ്പെ​ട്ട​ത്. ജാ​സി​റി​നോ​ട് മ​ല​ർ​ന്നു​കി​ട​ന്ന് നീ​ന്താ​ൻ ആ​വ​ശ്യ​പ്പെ​ട്ടെ​ങ്കി​ലും അ​തി​നും ക​ഴി​യാ​താ​വു​ക​യാ​യി​രു​ന്നു. ഇ​തു​ക​ണ്ട് പു​ഴ​യി​ലു​ണ്ടാ​യി​രു​ന്ന​വ​ർ ഓ​ടി​യെ​ത്തി മു​ടി​ക്ക് പി​ടി​ച്ച് വ​ലി​ച്ച് ക​യ​റ്റാ​ൻ ശ്ര​മി​ച്ചെ​ങ്കി​ലും പ​രാ​ജ​യ​പ്പെ​ടു​ക​യാ​യി​രു​ന്നു. പി​ന്നീ​ട് ഒ​ന്ന​ര മ​ണി​ക്കൂ​റോ​ളം ന​ട​ത്തി​യ തി​ര​ച്ചി​ലി​നൊ​ടു​വി​ൽ പാ​ല​ത്തി​​െൻറ മ​റു​ഭാ​ഗ​ത്ത് നി​ന്നാ​ണ് ക​ണ്ടെ​ത്തി​യ​ത്. പു​ഴ​യി​ലെ അ​ടി​യൊ​ഴു​ക്കാ​ണ് അ​പ​ക​ട​ങ്ങ​ൾ​ക്ക് കാ​ര​ണ​മാ​യി പ​റ​യു​ന്ന​ത്. ഏ​ലം​കു​ളം എ​ളാ​ട് ചെ​ക്ക്ഡാം, ക​ട്ടു​പ്പാ​റ ഇ​ട്ട​ക്ക​ട​വ് ചെ​ക്ക്ഡാം, പു​ലാ​മ​ന്തോ​ൾ ചെ​ക്ക്ഡാം ഇ​വ​യു​ടെ താ​ഴ്ഭാ​ഗ​ങ്ങ​ളി​ലു​മാ​യാ​ണ് അ​പ​ക​ട​മ​ര​ണ​ങ്ങ​ൾ ന​ട​ക്കു​ന്ന​ത്. ചെ​ക്ക്ഡാ​മു​ക​ളി​ൽ നി​ന്നു​താ​ഴെ​യു​ള്ള ഭാ​ഗ​ങ്ങ​ളി​ൽ ശ​ക്ത​മാ​യി വെ​ള്ളം ചാ​ടു​ന്ന​തോ​ടെ രൂ​പ​പ്പെ​ടു​ന്ന കു​ഴി​ക​ളാ​ണ് ഏ​റെ​യും അ​പ​ക​ടം വി​ത​ക്കു​ന്ന​ത്. 

Loading...
COMMENTS