Begin typing your search above and press return to search.
exit_to_app
exit_to_app
Posted On
date_range 17 Oct 2018 4:59 AM GMT Updated On
date_range 17 Oct 2018 4:59 AM GMTകാത്തിരിപ്പ് കേന്ദ്രമായില്ല; യാത്രക്കാർ വാഹനങ്ങൾക്കിടയിൽ നട്ടം തിരിയുന്നു
text_fieldsbookmark_border
പുലാമന്തോൾ: പേരിനെങ്കിലുമുണ്ടായിരുന്ന ബസ് കാത്തിരിപ്പ് കേന്ദ്രം നഷ്ടമായതോടെ യാത്രക്കാരുടെ ദുരിതത്തിന് പരിഹാരം അകലെത്തന്നെ. പുലാമന്തോൾ ടൗൺ ജങ്ഷനിലാണ് യാത്രക്കാർ വാഹനങ്ങൾക്കിടയിൽപെട്ട് നട്ടം തിരിയുന്നത്. രണ്ട് വർഷം മുമ്പ് ടൗൺ നവീകരണ ഭാഗമായാണ് പുലാമന്തോൾ-പെരിന്തൽമണ്ണ റോഡിലെ ബസ് കാത്തിരിപ്പ് കേന്ദ്രം അധികൃതർ പൊളിച്ചത്. അതിന് മുമ്പ് പട്ടാമ്പി-കൊളത്തൂർ റോഡിലുണ്ടായിരുന്ന കാത്തിരിപ്പ് കേന്ദ്രങ്ങളും നാമാവശേഷമായിരുന്നു. ഇപ്പോൾ ടൗണിൽ പെരിന്തൽമണ്ണ-പട്ടാമ്പി-കൊളത്തൂർ റോഡുകളിൽ യാത്രക്കാർ ബസ് കാത്തുനിൽക്കുന്നത് റോഡോരത്താണ്. ഈ മൂന്നു റോഡുകളിലും ബസുകൾക്ക് നിർത്താൻ 'ബസ് ബേ' അടയാളപ്പെടുത്തിയിട്ടുണ്ടെങ്കിലും അവിടെയെല്ലാം കയറിനിൽക്കുന്നത് ഓട്ടോ-ടാക്സി-സ്വകാര്യ വാഹനങ്ങളാണ്. ഇതോടെ ബസിൽ കയറാൻ യാത്രക്കാർ പ്രയാസപ്പെടുകയാണ്. പലരും കച്ചവട സ്ഥാപനങ്ങളിലും മറ്റും കയറിനിൽക്കുന്നത് സ്ഥാപനമുടമകൾക്കും പ്രയാസമാവുകയാണ്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story