രാമൻകുട്ടി മേനോനെ നാട് ആദരിക്കുന്നു

പരപ്പനങ്ങാടി: അഭിഭാഷക ജോലിയിൽ 50 വർഷം പൂർത്തിയാക്കിയതി​െൻറ നിർവൃതിയിലാണ് അഡ്വ. ടി. രാമൻകുട്ടി മേനോൻ. 1968ൽ നിയമ വിദ്യാഭ്യാസം പൂർത്തിയാക്കി എൻറോൾ ചെയ്ത ശേഷം പരപ്പനങ്ങാടി മുൻസിഫ് കോടതിയിലാണ് അഭിഭാഷക വൃത്തിയിൽ ആദ്യമായി പ്രവേശിക്കുന്നത്. പത്ത് വർഷത്തോളം ഗവ. പ്ലീഡറായി സേവനമനുഷ്ഠിച്ചു. കേന്ദ്ര സർക്കാറി​െൻറ സ്റ്റാൻഡിങ് കൗൺസിലറായും സേവനം ചെയ്തിട്ടുണ്ട്. പരപ്പനങ്ങാടി ബാർ അസോസിയേഷൻ ശനിയാഴ്ച വൈകീട്ട് അരിയല്ലൂർ എൻ.സി ഗാർഡനിൽ രാമൻകുട്ടി മേനോനെ ആദരിക്കും. ഹൈകോടതി ജഡ്ജി ജസ്റ്റിസ് കെ. വിനോദ് ചന്ദ്രൻ ഉദ്ഘാടനം ചെയ്യും.