വി.എം.സി ഗവ. സ്​കൂൾ ഹൈടെക്​ ആക്കുന്നതിന്​ തുക കൈമാറി

മെഗാ ഫെസ്റ്റ് 28ന് വണ്ടൂര്‍: വി.എം.സി ഗവ. ഹയര്‍ സെക്കൻഡറി സ്‌കൂള്‍ ഹൈടെക് ആക്കുന്നതിനുള്ള ആദ്യഘട്ട തുക കൈമാറി. സ്‌കൂളില്‍ നടന്ന ചടങ്ങ് സംഘാടകസമിതി ചെയര്‍മാന്‍ പി.പി. റഹ്മത്തുല്ല ഉദ്ഘാടനം ചെയ്തു. 32 ക്ലാസ് മുറികള്‍ ഉയര്‍ന്ന നിലവാരത്തിലേക്കുയര്‍ത്താനുള്ള 16 ലക്ഷം രൂപയാണ് വിവിധ വ്യക്തികളും കൂട്ടായ്മകളും ചേര്‍ന്ന് നല്‍കിയത്. സംസ്ഥാന സര്‍ക്കാരി​െൻറ നവകേരള മിഷൻ ഭാഗമായുള്ള പൊതുവിദ്യാഭ്യാസ സംരക്ഷണ യജ്ഞത്തി​െൻറ ഭാഗമായാണ് വി.എം.സി സ്‌കൂള്‍ ഹൈടെക് ആക്കാനുള്ള ശ്രമങ്ങള്‍ നടത്തുന്നത്. ഇതിനുള്ള ഫണ്ട് കണ്ടെത്തുന്നതിനായി സ്‌കൂള്‍ എസ്.എം.സി, പി.ടി.എ, വണ്ടൂര്‍ വികസന ഫോറം കൂട്ടായ്മ എന്നിവയുടെ നേതൃത്വത്തില്‍ 28ന് മെഗാഫെസ്റ്റ് സംഘടിപ്പിക്കുന്നുണ്ട്. പ്രമുഖ സിനിമ, മിനി സ്‌ക്രീന്‍ താരങ്ങളുള്‍പ്പെടെയുള്ളവർ ഫെസ്റ്റിൽ പെങ്കടുക്കും. പ്രധാനാധ്യാപിക ഖദീജ പനോലന്‍ അധ്യക്ഷത വഹിച്ചു. എസ്.എം.സി ചെയര്‍മാന്‍ ഇ. മുരളി, സംഘാടക സമിതി കണ്‍വീനര്‍ എന്‍. മഖ്ബൂല്‍, കെ.ടി. സലിം, കെ.ടി. അബ്ദുല്ലക്കുട്ടി, അക്ബര്‍, ഇ.പി. ഫിറോസ്, പി.ടി. സിദ്ദീഖ്, ഫിറോസ് പൂലാട്ട്, കൃഷ്ണകുമാര്‍, ഉമ്മര്‍ തുറക്കല്‍ എന്നിവര്‍ സംസാരിച്ചു.