വനം വകുപ്പ് പുറത്തിറക്കിയ ഐ.ഡി കാർഡിൽ റീ എക്കൗക്ക് അംഗീകാരം

തിരുനാവായ: സംസ്ഥാന വനം വകുപ്പ് പക്ഷികളെ നിരീക്ഷിക്കാനും സർവേ നടത്താനുമായി ആധികാരികമായി പുറത്തിറക്കിയ ഐ.ഡി കാർഡിൽ റീ എക്കൗക്ക് അംഗീകാരം. ഈ കാർഡിൽ പക്ഷി നിരീക്ഷണ സംരക്ഷണ രംഗത്ത് പ്രവർത്തിക്കുന്ന ലോകത്തെ എട്ട് സംഘടനകളുടെ എംബ്ലം സർക്കാർ നിശ്ചയിച്ച് പ്രസിദ്ധീകരിച്ചതിൽ തിരുനാവായയിലെ പരിസ്ഥിതി സംഘടനയായ റീ എക്കൗയുടെ എംബ്ലവും ഉൾപ്പെടുത്തി. ഇതിനു പുറമെ റീ എക്കൗയുടെ പ്രതിനിധിയായ എം. സാദിഖിനെ ഔദ്യോഗിക പക്ഷിനിരീക്ഷകനായി തെരഞ്ഞെടുത്തിട്ടുമുണ്ട്. ഈ അംഗീകാരത്തിന് സംഘടന സർക്കാറിനെയും വനംവകുപ്പിനെയും അഭിനന്ദിച്ചു.