Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightMalappuramchevron_right​േലാറിയിൽ കൊണ്ടുവരവേ...

​േലാറിയിൽ കൊണ്ടുവരവേ ജനറേറ്റർ മറിഞ്ഞ്​ ബൈക്ക്​ യാത്രികന്​ പരിക്ക്​

text_fields
bookmark_border
പുലാമന്തോൾ: ലോറിയിൽ കൊണ്ടുവരുകയായിരുന്ന ജനറേറ്റർ മറിഞ്ഞ് ബൈക്ക് യാത്രികന് പരിക്ക്. കൊപ്പം ആക്കപ്പറമ്പിൽ മുഹമ്മദ് ഫൈസൽ (35) ആണ് ജനറേറ്ററിനടിയിൽപ്പെട്ടത്. വ്യാഴാഴ്ച ഉച്ചക്ക് 12ന് പുലാമന്തോൾ-കൊളത്തൂർ റോഡിലെ പാലൂർ കനാലിനടുത്തായിരുന്നു സംഭവം. പുലാമന്തോൾ ഭാഗത്തുനിന്ന് ലോറിയിൽ കൊണ്ടുവരുകയായിരുന്ന ജനറേറ്റർ പാലൂർ കനാലിനടുത്തുള്ള റോഡിന് നടുവിലെ താഴ്ന്ന ഭാഗത്തെത്തിയതോടെ പിറകെ സഞ്ചരിക്കുകയായിരുന്ന ബൈക്ക് യാത്രികനുമേൽ മറിയുകയായിരുന്നു. നാട്ടുകാരാണ് ഇദ്ദേഹത്തെ ജനറേറ്റർ ഉയർത്തി രക്ഷപ്പെടുത്തിയത്. ഇദ്ദേഹത്തി​െൻറ കൈക്ക് സാരമായ പരിക്കുണ്ട്. മണ്ണുമാന്തിയന്ത്രം ഉപയോഗിച്ചാണ് ജനറേറ്റർ ഉയർത്തിയത്. പുലാമന്തോൾ-കൊളൽ പാലൂർ കനാൽ ഭാഗത്ത് ഓവുപാലം പണിയാൻ തീരുമാനിച്ചിരുന്നു. എന്നാൽ, ഓവുചാലിലൂടെ മഴവെള്ളം വീട്ടുവളപ്പിലേക്കൊഴുകിയെത്തുമെന്ന പരിസരവാസിയുടെ പരാതി കാരണം നിർമാണം ഒഴിവാക്കിയിരുന്നു. ഇവിടെ മഴവെള്ളം ഒഴിഞ്ഞുപോവുന്നതിനാണ് റോഡിന് കുറുകെ താഴ്ത്തിയത്. ഇതോടെ അമിതവേഗത്തിൽ വരുന്ന വാഹനങ്ങൾ ഇവിടെ അപകടത്തിൽപെടുന്നത് പതിവായി.
Show Full Article
TAGS:LOCAL NEWS 
Next Story