Begin typing your search above and press return to search.
exit_to_app
exit_to_app
Posted On
date_range 5 April 2018 5:02 AM GMT Updated On
date_range 5 April 2018 5:02 AM GMTതീരാക്കുരുക്കിലമർന്ന് ആയുർവേദ കോളജ് ജങ്ഷൻ
text_fieldsbookmark_border
കോട്ടക്കൽ: ദേശീയപാത ചങ്കുവെട്ടിക്കും എടരിക്കോടിനുമിടയിൽ ഗതാഗത കുരുക്കിലമർന്ന് ആയുർവേദ കോളജ് ജങ്ഷൻ. വേങ്ങരയിലേക്ക് പുതുപ്പറമ്പ്, പൊട്ടിപ്പാറ വഴി പോകുന്ന റോഡിെൻറ സംഗമകേന്ദ്രമാണിത്. ഈ ഭാഗം കടന്നു പോകണമെങ്കിൽ മണിക്കൂറോളം കാത്തു കിടക്കണം. ദേശീയപാതയിൽനിന്ന് തിരിഞ്ഞാണ് വേങ്ങരയിലേക്ക് കടന്നു പോകുന്നത്. ഈ ഭാഗത്തുനിന്ന് വരുന്ന വാഹനങ്ങൾ എടരിക്കോട്ടേക്ക് തിരിയുന്നതോടെ കുരുക്ക് ആരംഭിക്കും. തൊട്ടടുത്തുള്ള ഓട്ടോ പാർക്കിങ്ങാണ് മറ്റൊരു തലവേദന. ഗതാഗതക്കുരുക്കിന് പരിഹാരമായി കോട്ടക്കൽ പൊലീസ് എടരിക്കോട് പി.കെ.എം.എം.എച്ച്.എസ്.എസ് മാനേജ്മെൻറിെൻറ സഹായത്തോടെ ഹോം ഗാർഡിനെ നിയമിച്ചിരുന്നു. ഇവരുടെ സേവനം സ്കൂൾ പ്രവൃത്തി സമയങ്ങളിൽ സഹായകരമാണ്. പ്രധാന പാതയിൽനിന്ന് വാഹനങ്ങൾ ഒരേ സമയം പോകുന്നതും വരുന്നതുമാണ് കുരുക്കിന് വഴിവെക്കുന്നത്. കൂടുതലും കുരുക്കിലകപ്പെടുന്നത് ദീർഘദൂര യാത്രക്കാരാണ്. മേഖലയിലെ ആശുപത്രികളിലേക്ക് വരുന്ന ആംബുലൻസുകൾ ഗതാഗത കുരുക്കിൽ അകപ്പെടുന്നതും പതിവു കാഴ്ചയാണ്. കഴിഞ്ഞ ദിവസം രണ്ട് ആംബുലൻസുകൾ മറുവശത്തുകൂടിയാണ് ലക്ഷ്യസ്ഥാനത്തേക്ക് കടന്നു പോയത്. പുതുപ്പറമ്പ് ഭാഗത്ത് നിരവധി വിദ്യാഭ്യാസ-വ്യവസായ കേന്ദ്രങ്ങൾ പ്രവർത്തിക്കുന്നുണ്ട്. അതിനാൽ ദിനംപ്രതി നൂറുകണക്കിന് വാഹനങ്ങളാണ് ഇതുവഴി കടന്നു പോകുന്നത്. പാതയിലേക്ക് ഇറങ്ങുന്ന വാഹനങ്ങൾക്ക് വൺവേ സമ്പ്രദായം ഏർപ്പെടുത്തണമെന്നാണ് പ്രധാന ആവശ്യം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story