കളിസ്​ഥലത്ത്​ കോഴിയവശിഷ്​ടം തള്ളി

തിരൂരങ്ങാടി: കുട്ടികൾ കളിക്കുന്ന സ്ഥലത്ത് കോഴി അവശിഷ്ടം തള്ളി. പണിക്കോട്ടുംപടി-പറമ്പിൽപീടിക റോഡിൽ വരപ്പാറയിലെ പുതിയപറമ്പ് ഗ്രൗണ്ടിലാണ് 150ഓളം ചാക്ക് കോഴിയവശിഷ്ടം വാഹനത്തിലെത്തിച്ച് തള്ളിയത്. ചൊവ്വാഴ്ച പുലർച്ച ഒന്നരയോടെയാണ് സംഭവം. രണ്ടിടങ്ങളിലായി സ്ഥാപിച്ച സി.സി.ടി.വി കാമറയിൽ അവശിഷ്ടം തള്ളാനെത്തിയ മഹീന്ദ്ര പിക്അപ് വാനി​െൻറ ദൃശ്യം പതിെഞ്ഞങ്കിലും നമ്പർ കാണാനില്ല. നാട്ടുകാർ പരാതി നൽകിയതിനെ തുടർന്ന് പൊലീസും ആരോഗ്യവകുപ്പ് അധികൃതരും സ്ഥലം സന്ദർശിച്ചു. ഗ്രൗണ്ടിൽതന്നെ കുഴിയെടുത്ത് നാട്ടുകാർ കോഴിയവശിഷ്ടം മൂടി. വാഹനം കണ്ടെത്താനുള്ള ശ്രമത്തിലാണ് നാടുകാർ. ഫോട്ടോ: സാമൂഹിക ദ്രോഹികൾ ഗ്രൗണ്ടിൽ തള്ളിയ കോഴിയവശിഷ്ടം