Begin typing your search above and press return to search.
exit_to_app
exit_to_app
Posted On
date_range 19 Sep 2017 5:08 AM GMT Updated On
date_range 19 Sep 2017 5:08 AM GMTനെൽവയൽ ഡാറ്റാ ബാങ്ക് തിരുത്തലുകൾക്ക് 1.12 ലക്ഷം അപേക്ഷ
text_fieldsbookmark_border
നെൽവയൽ ഡാറ്റാ ബാങ്ക് തിരുത്തലുകൾക്ക് 1.12 ലക്ഷം അപേക്ഷ തിരുവനന്തപുരം: നെൽവയൽ തണ്ണീർത്തട സംരക്ഷണ ചട്ടങ്ങളിലെ ഭേദഗതി ഉത്തരവ് പ്രകാരം നെൽവയൽ ഡാറ്റാ ബാങ്ക് തിരുത്തലുകൾക്ക് ലഭിച്ചത് 1,12,896 അപേക്ഷകൾ. ഈ വർഷം മേയ് 30വരെ സംസ്ഥാനത്താകെ സമർപ്പിച്ച പരാതികളാണിത്. ഇവ പരിശോധിച്ച് തുടർനടപടികൾ സ്വീകരിക്കുവാൻ പ്രാദേശിക നിരീക്ഷണസമിതി കൺവീനർമാർക്ക് നിർദേശം നൽകി. സംസ്ഥാനത്തെയും ജില്ലകളിലെയും പ്രാദേശിക നിരീക്ഷണസമിതി കൺവീനർമാരായ കൃഷി ഓഫിസർമാരുടെയും ജില്ലതല കൺവീനർമാരായ പ്രിൻസിപ്പൽ കൃഷി ഓഫിസർമാരുടെയും വിഡിയോ കോൺഫറൻസിലാണ് ഇക്കാര്യത്തിൽ തീരുമാനമെടുത്തത്. തിരുത്തൽ അപേക്ഷകൾ സ്വീകരിക്കുവാനുള്ള സമയപരിധി നീട്ടാൻ നിർദേശം നൽകി. അതിനാൽ പ്രാദേശിക നിരീക്ഷണസമിതി കൺവീനർമാർ ഉടമസ്ഥെൻറ പേര്, സർവേ നമ്പർ, തണ്ടപ്പേർ, ഉദ്ദേശിക്കുന്ന പരിഹാരമാർഗം എന്നിവ ഉൾപ്പെടുത്തി 100 രൂപ കോർട്ട് ഫീ സ്റ്റാമ്പ് പതിപ്പിച്ച വെള്ളപേപ്പറിൽ അപേക്ഷകൾ സ്വീകരിക്കുന്നത് തുടരാനും റവന്യൂ അഡീഷനൽ ചീഫ് സെക്രട്ടറി നിർദേശം നൽകി. ഡാറ്റാ ബാങ്ക് പ്രസിദ്ധീകരിക്കാനുണ്ടായിരുന്ന 159 തദ്ദേശസ്ഥാപനങ്ങൾ ഉപഗ്രഹചിത്രങ്ങളുടെ സഹായത്തോടെ കേരള സ്റ്റേറ്റ് റിമോട്ട് സെൻസിങ് ആൻഡ് എൻവയൺമെൻറ് സെൻററിെൻറ ശാസ്ത്രീയപരിശോധനക്ക് വിധേയമാക്കി. ഡാറ്റാ ബാങ്ക് കുറ്റമറ്റതാക്കി പ്രസിദ്ധീകരിക്കാനുള്ള മുൻ നിർദേശം അടിയന്തരമായി പൂർത്തീകരിക്കുവാനും പ്രിൻസിപ്പൽ സെക്രട്ടറി നിർദേശം നൽകി. റവന്യൂ അഡീഷനൽ ചീഫ് സെക്രട്ടറി, കാർഷികോൽപാദന കമീഷണർ എന്നിവരുടെ അധ്യക്ഷതയിൽ സെക്രേട്ടറിയറ്റിൽ നടന്ന യോഗത്തിൽ കൃഷി വകുപ്പ് ഡയറക്ടർ, കൃഷി അഡീഷനൽ ഡയറക്ടർ തുടങ്ങിയവരും പങ്കെടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story