Begin typing your search above and press return to search.
exit_to_app
exit_to_app
Posted On
date_range 17 Sep 2017 5:07 AM GMT Updated On
date_range 17 Sep 2017 5:07 AM GMTമലയോര ദേശീയപാത: അമരമ്പലത്ത് സര്വേ നടപടികള് തുടങ്ങി
text_fieldsbookmark_border
പൂക്കോട്ടുംപാടം: വയനാട്, മലപ്പുറം ജില്ലകളെ ബന്ധിപ്പിക്കുന്ന മലയോര ദേശീയ പാതക്ക് സ്ഥലം ഏറ്റെടുക്കുന്നതിന് അമരമ്പലം ഗ്രാമപഞ്ചായത്തിലും സർവേ നടപടികൾ ആരംഭിച്ചു. പഞ്ചായത്തിൽ അരക്കംപൊയിൽ മുതൽ കോട്ടപ്പുഴ പാലം വരെയുള്ള ഭാഗങ്ങളിലാണ് സർവേ നടത്തുന്നത്. റോഡിന് 12 മീറ്റർ വീതി വരുന്ന രീതിയിലാണ് ഭൂമി ഏറ്റെടുക്കുന്നത്. സർവേ നടപടികൾക്ക് ശേഷം സ്ഥലം വിട്ടു നൽകുന്നവരുടെ നഷ്ടം കണക്കാക്കിയതിന് ശേഷം മാത്രമേ ഭൂമി ഏറ്റെടുക്കൽ പ്രവൃത്തി ആരംഭിക്കൂ. ഗ്രാമപഞ്ചായത്ത് പ്രസിഡൻറ് സി. സുജാത, വൈസ് പ്രസിഡൻറ് നൊട്ടത്ത് മുഹമ്മദ്, സ്ഥിരം സമിതി അംഗങ്ങളായ സുരേഷ് കുമാർ കളരിക്കൽ, അനിത രാജു, ഗംഗദേവി ശ്രീരാഗം, വാർഡ് അംഗം ഫാത്തിമ നസീറ, സി.പി.എം പൂക്കോട്ടുംപാടം ലോക്കൽ കമ്മിറ്റി സെക്രട്ടറി പി. ശിവാത്മജൻ, പൊതുമരാമത്ത് ഓവർസിയർമാരായ വി. സുധീഷ്, അബ്ദുല്ല തുടങ്ങിയവർ സർവേ നടപടികൾക്ക് നേതൃത്വം നൽകി. രണ്ട് ദിവസങ്ങളിലായാണ് സർവേ നടക്കുന്നത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story