Top
Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightMalappuramchevron_rightനായനാർ സ്​മാരക ഫണ്ട്​: ...

നായനാർ സ്​മാരക ഫണ്ട്​: പ്രതിപക്ഷനേതാവി​െൻറ ആരോപണം വിലകുറഞ്ഞത്​ –കോടിയേരി

text_fields
bookmark_border
നായനാർ സ്മാരക ഫണ്ട്: പ്രതിപക്ഷനേതാവി​െൻറ ആരോപണം വിലകുറഞ്ഞത് –കോടിയേരി തിരുവനന്തപുരം: ഇ.കെ. നായനാർ സ്മാരക നിർമാണത്തിന് നൽകിയ സംഭാവന കള്ളപ്പണമാണെന്ന പ്രതിപക്ഷനേതാവി​െൻറ ആരോപണം വിലകുറഞ്ഞതായിപ്പോയെന്ന് ഇ.കെ. നായനാർ മെേമ്മാറിയൽ ട്രസ്റ്റ് മാനേജിങ് ട്രസ്റ്റിയും സി.പി.എം സെക്രട്ടറിയുമായ കോടിയേരി ബാലകൃഷ്ണൻ. കണ്ണൂർ പയ്യാമ്പലത്ത് നായനാർ സ്മാരകത്തി​െൻറ നിർമാണപ്രവർത്തനം നടന്നുവരികയാണ്. ഇൗ കെട്ടിടനിർമാണം പൂർത്തിയാക്കാനാണ് ഹുണ്ടിക പിരിവ് വഴി ഫണ്ട് ശേഖരണം നടന്നത്. അതുവഴിയാണ് 20 കോടിയിൽപരം രൂപ ലഭിച്ചത്. ബാങ്കുകൾ വഴിയാണ് ഇൗ പണം മുഴുവൻ ലഭിച്ചത്. ട്രസ്റ്റി​െൻറ അക്കൗണ്ടുകൾ ഒാഡിറ്റ് ചെയ്ത് വർഷാവർഷം ആദായനികുതി വകുപ്പിന് സമർപ്പിക്കുന്നുണ്ട്. സുതാര്യമായി നടത്തിയ ഫണ്ട് പിരിവിനെതിരെയാണ് പ്രതിപക്ഷനേതാവ് ആരോപണം ഉന്നയിച്ചത്. ജില്ലകളിൽനിന്ന് ലഭിച്ച തുക ഇതിനോടകം പ്രസിദ്ധീകരിച്ചിട്ടുണ്ട്. ലോക്കലുകളിൽനിന്ന് ലഭിച്ചതുക ഉടൻ പ്രസിദ്ധീകരിക്കുമെന്നും വാർത്തകുറിപ്പിൽ കോടിയേരി പറഞ്ഞു.
Show Full Article
TAGS:LOCAL NEWS 
Next Story