നിലമ്പൂർ മരവ‍്യവസായശാല വളപ്പിൽ അസ്ഥികൂടം

നിലമ്പൂർ: അരുവാക്കോട്ട് പൂട്ടിക്കിടക്കുന്ന മരവ‍്യവസായശാല വളപ്പിലെ വനമേഖലയിൽ മനുഷ്യ​െൻറ അസ്ഥികൂടം കണ്ടെത്തി. കൂൺ തിരയുന്നതിനിടെ നാട്ടുകാരിൽ ചിലരാണ് ചപ്പുചവറുകൾകിടയിൽ അസ്ഥികൂടത്തി‍​െൻറ അവശിഷ്ട ഭാഗം കണ്ടത്. നിലമ്പൂർ പൊലീസി​െൻറ പരിശോധനയിൽ തലയോട്ടിയും കൈകാലുകളുടേതെന്ന് കരുതുന്ന അസ്ഥിഭാഗങ്ങളും കണ്ടെടുത്തു. പൊലീസ് കേസെടുത്തു. ഞായറാഴ്ച ഫോറൻസിക് വിദഗ്ധരെത്തി പരിശോധിച്ച ശേഷമേ അസ്ഥികൂടത്തി‍​െൻറ കാലപ്പഴക്കവും സ്ത്രീയോ പുരുഷനോ തുടങ്ങിയ വിവരങ്ങളും പറയാൻ കഴിയൂവെന്ന് പൊലീസ് പറഞ്ഞു.