Begin typing your search above and press return to search.
exit_to_app
exit_to_app
Posted On
date_range 25 July 2017 8:16 AM GMT Updated On
date_range 25 July 2017 8:16 AM GMTപ്രകൃതിദുരന്തത്തിൽ തകർന്ന വീട് പുതുക്കിപ്പണിയാൻ കലക്ടറുടെ ഇടപെടൽ
text_fieldsbookmark_border
തേഞ്ഞിപ്പലം: ബധിരനും മൂകനും രോഗിയുമായ പെരുവള്ളൂർ കുമണ്ണവലിയപറമ്പിലെ എൻ.സി. അബ്ദുറഹ്മാന് കലക്റ്ററുടെ കൈത്താങ്. പ്രകൃതി ക്ഷോഭത്തിൽ നശിച്ച അബ്ദുറഹ്മാെൻറ വീട് പുനർനിർമിക്കാനാണ് കലക്ടർ ഇടപെട്ട് നടപടിയായത്. ദിവസങ്ങൾക്ക് മുമ്പ് പെരുവള്ളൂരിൽ ആഞ്ഞു വീശിയ ചുഴലിക്കാറ്റിലാണ് മരം വീണ് അബ്ദുറഹ്മാെൻറ വീട് തകർന്നത്. നിർധന കുടുംബമായ അബ്ദുറഹ്മാെൻറ വീട്ടിൽ വിധവകളായ രണ്ട് സഹോദരിമാരുമുണ്ട്. ഒരു സഹോദരി അന്ധയാണ്. കുടുംബത്തിെൻറ ദുരിതകഥ നേരിട്ടറിഞ്ഞ് തിരൂരങ്ങാടി ബ്ലോക്ക് പഞ്ചായത്ത് പ്രസിഡൻറ് കെ. കലാമിെൻറ നേതൃത്വത്തിൽ വാർഡ് മുസ്ലിം ലീഗ് ഭാരവാഹികളായ റഹീം പാറായി, അബ്ബാസ് എരണിക്കൽ എന്നിവർ ചേർന്ന് അബ്ദുറഹ്മാനെയും രണ്ട് സഹോദരിമാരെയും മലപ്പുറത്ത് കലക്ടറുടെ മുന്നിലെത്തിക്കുകയായിരുന്നു. പരമാവധി ആനുകൂല്യം ഈ കുടുംബത്തിന് നൽകാൻ നടപടി സ്വീകരിക്കുമെന്ന് കലക്ടർ അറിയിച്ചു. സുരക്ഷിതമായ വീട് പണിയാൻ ഏതെങ്കിലും ഒരു ഭവന പദ്ധതിയിൽ ഉൾപ്പെടുത്തി മുൻഗണന നൽകാനുള്ള ഉത്തരവിടാമെന്ന് കലക്ടർ അറിയിച്ചതായും കലാം പറഞ്ഞു. കൂമണ്ണ വലിയപറമ്പിൽ ഒട്ടേറെ വീടുകളും കൃഷികളും നശിച്ചിരുന്നു. ഇവർക്കും ആവശ്യമായ ധനസഹായം ലഭ്യമാക്കാൻ കലക്ടറോട് സംഘം ആവശ്യപ്പെട്ടു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story