Begin typing your search above and press return to search.
exit_to_app
exit_to_app
Posted On
date_range 9 Aug 2017 8:53 AM GMT Updated On
date_range 9 Aug 2017 8:53 AM GMTവണ്ടൂർ ഫുട്ബാൾ സംഘർഷം: കൈ വെട്ടി മാറ്റിയ കേസിൽ വിചാരണ തുടങ്ങി
text_fieldsbookmark_border
മഞ്ചേരി: വണ്ടൂർ തായംകോട് ഫുട്ബാൾ മേളക്കിടെ ഉണ്ടായ സംഘർഷത്തിൽ യുവാവിനെ കൊലപ്പെടുത്തിയ കേസിലെ പ്രതികളിലൊരാളുടെ കൈ വെട്ടിമാറ്റിയ കേസിൽ വിചാരണ തുടങ്ങി. മഞ്ചേരി ജില്ല അഡീഷനൽ സെഷൻസ് കോടതി രണ്ടിലാണ് വിചാരണ. 2011 ഡിസംബർ 16നാണ് കേസിനാസ്പദമായ സംഭവം. കൊലപാതകക്കേസിൽ വിചാരണക്ക് മഞ്ചേരിയിലേക്ക് വരുന്നതിനിടെ പുലത്ത് പുത്തൻകോട്ടിൽ ഫയാസിെൻറ കൈ കാരക്കുന്നിന് സമീപമാണ് വെട്ടിമാറ്റിയത്. എടവണ്ണ പൊലീസാണ് കേസ് അന്വേഷിച്ച് കുറ്റപത്രം നൽകിയത്. 2008ൽ ഫുട്ബാൾ മേളക്കിടെയുണ്ടായ സംഘർഷത്തിൽ തൃക്കലങ്ങോട് സ്വദേശി അബ്ദുൽനാസർ കൊല്ലപ്പെട്ടിരുന്നു. ഇതിലെ പ്രതികളെ കോടതി ഒരു വർഷം മുമ്പ് ശിക്ഷിച്ചിരുന്നു. കൈ വെട്ടിമാറ്റപ്പെട്ട ഫയാസും മറ്റൊരു സാക്ഷി ജാബിറും ഇപ്പോൾ കൊലപാതകക്കേസിൽ ശിക്ഷിക്കപ്പെട്ട് ജയിലിലാണ്. കേസിൽ പബ്ലിക് പ്രോസിക്യൂട്ടർ അഡ്വ. ബാലകൃഷ്ണൻ ഹാജരായി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story