Top
Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKozhikodechevron_rightകെ.എസ്​.ആർ.ടി.സി:...

കെ.എസ്​.ആർ.ടി.സി: പെന്‍ഷന്‍ വിതരണം 92 ശതമാനം പൂര്‍ത്തിയായി

text_fields
bookmark_border
തിരുവനന്തപുരം: സംസ്ഥാനത്തെ സഹകരണ ബാങ്കുകള്‍ വഴിയുള്ള കെ.എസ്.ആർ.ടി.സിയിലെ കുടിശ്ശികയടക്കം പെൻഷൻ വിതരണം 92 ശതമാനം പൂർത്തിയായതായി മന്ത്രി കടകംപള്ളി സുരേന്ദ്രന്‍ അറിയിച്ചു. സംസ്ഥാനത്ത് ആകെയുള്ള 38,922 പെന്‍ഷന്‍കാരില്‍ 92 ശതമാനംപേര്‍ സഹകരണ ബാങ്കുകളിലും സംഘങ്ങളിലുമായി അക്കൗണ്ട് തുറന്നിട്ടുണ്ട്. ഈ അക്കൗണ്ടുകളിലൂടെ ആകെ പെന്‍ഷന്‍ കുടിശ്ശികയുടെ 92 ശതമാനത്തോളം തുകയായ 201.33 കോടി വിതരണം ചെയ്യാനായി. സംസ്ഥാനത്തെ പ്രാഥമിക സഹകരണ ബാങ്കുകളുടെ കണ്‍സോര്‍ഷ്യം വഴി 220 കോടിയോളം രൂപയാണ് പെന്‍ഷന്‍ നല്‍കുന്നതിനായി പെന്‍ഷന്‍കാര്‍ അക്കൗണ്ട് തുറന്ന ബാങ്കുകളിലേക്ക് കൈമാറിയത്. ഇനിയും അക്കൗണ്ട് തുറക്കാത്ത പെന്‍ഷന്‍കാര്‍ എത്രയും വേഗം സഹകരണ ബാങ്കുകളില്‍ അക്കൗണ്ട് തുറന്ന് കുടിശ്ശിക അടക്കമുള്ള മുഴുവന്‍ പെന്‍ഷന്‍ തുകയും കൈപ്പറ്റണമെന്ന് മന്ത്രി കടകംപള്ളി സുരേന്ദ്രന്‍ അറിയിച്ചു.
Show Full Article
TAGS:LOCAL NEWS 
Next Story