റോഡ് മുറിച്ചുകടക്കവെ കാൽപത്തിയിലൂടെ കാർ കയറി

എരുമേലി: റോഡ് മുറിച്ചുകടക്കവെ കാൽപത്തിയിലൂടെ കാർ കയറി ശ്രീനിപുരം തൈക്കാട്ടുപൊയ്കയിൽ സുമിരാജിൻെറ (29) കാലിന് പര ിക്കേറ്റു. വ്യാഴാഴ്ച വൈകീട്ട് നാലോടെ എരുമേലി പേട്ടക്കവലയിലാണ് സംഭവം. കാഞ്ഞിരപ്പള്ളിക്ക് പോകാനെത്തിയ ഇവർ റോഡ് മുറിച്ച് കടക്കവെ കാർ കാൽപത്തിയിൽ കയറുകയായിരുന്നു. സംഭവം നടക്കുമ്പോൾ മൂന്നു വയസ്സുള്ള കുട്ടിയും കൈയിലുണ്ടായിരുന്നു. സംഭവംകണ്ട് ഓടിയെത്തിയ നാട്ടുകാരും സുമിരാജിൻെറ ഭർത്താവും ചേർന്ന് ഇവരെ എരുമേലി സി.എച്ച്.സിയിലെത്തിച്ചു. സീബ്രലൈനിലൂടെ റോഡ് മുറിച്ചുകടക്കവെയാണ് അപകടമുണ്ടായതെന്ന് സുമിരാജ് പറഞ്ഞു.